1 पतरस 4:4 - Korwa Bible

⁴ मनदो नुँहू अपेरिकुःआ मड़ंगकुःआ सउंगताकू इया अपे तुड़ेंग-तपेग होड़कू कोवापेःआ। हना अते हँकू मुरुककू बयाव जुवाःता अरू अपे बदीरे ओपता बड़राकू बड़राता।

1 पतरस 4:4 ပူးပေါင်းရင်းမြစ်များ

मती ओजाःतेरा भगवानराः नपाय सरवन 23:25

ने पचघुचिया नियम चेडदार होड़कू अरू फरीसी होड़कू, अपे दोपे ठीकयना। अपे डुभा अरू छिपी सेरमो सेरमो एकलापे मंजवेता मनदो अपेराः इंदरीरे मुरुक ललची अरू बेलूर ओंगोल इदा।

लूका 15:13

तोनोंग दिनरे हुडिंगीग जमा आँयग बंटा ढिबुवाय सकलावतेड अरू जबर लंका सेनेवाडखन आँयगराः जमा आन-धाने चबा एंडागोतेड।

मूक चेलाकू 13:45

मनदो अदोम एहूदाकू नाःआमिन होड़कूकू ञेला दो, हँकू इरातेकू पेरेगयान अरू पउलूस कतातेरा हना कताकून बदीरे ओपता घड़ीनकू कताया।

मूक चेलाकू 18:6

मनदो एहूदाकू हाँय मुरुककू घंटावतिडिया, अरू ओपताय घड़ीनकू कतावाया दो, पउलूस आँयगराः सोनहे मीटोंग चिनहा इया हँकूराः बदीरेय कोटातेडखने कताया, “भगवान अपेय डंडियाता हनाराः जिमेवारी अँननपेराः होयाःता। नुँहू वरीते ईंग बेगर एहूदाकू एचेरे भगवानराः नपाय सरवनिंग कता उदुःता।”

रूमी 13:13

अपे कसूर लूर-नेवन इया कोसोड़ा-दारू झड़ीकेडखन हउड़ी होड़कू अलोपे होयाः, सनहा-सनही अरू बेलूर बुताकून अहापे एचेय, कड़ीग अरू इरा होड़कू इया अहापे जियाः। मनदो अपेराः जीव भगवान मरसलगोतेडकुःआ हँकुःआ होड़कू इया नपाय लूर-नेवनतेपे जियाव ञवन।

इपीसी 5:18

कोसोड़ा-दारूरे अहापे झड़ीगे। नाःआते हउड़ी होड़कूपे बड़ाँव जुवाःता। मनदो भगवानराः सुद बिरुवाते पेनेरेगगोड ञवनपे।

1 पतरस 2:12

अपे बेगर बिसवासी होड़कू तलारेपे दोनोहोन मेला, हँकू अपे ओपता घड़ीनकू बड़रातान हों, अपेराः लूर-नेवन नपाय दोहोन लगा इदा। दो भगवान होड़कूय फड़ियावता हना दिन, हँकुःआ होड़कू अपेराः नपाय बुता ञेलकेडखन भगवानकू जागता।

1 पतरस 3:16

अपेराः इंदरी सुदपे दोहोगे। दो अपे ईसू मसी एचेरे बिसवासकेड अते, होड़कू अपे बदीरे ओपता घड़ीनकू कताय हों, अपेराः नपाय लूर-नेवन ञेलकेडखनकू गियू जुवाःता।

2 पतरस 2:12

हँकुःआ होड़कू बोको जानरकू इया बेगर ओंगोलते इदानकुःआ अरू ञेड एंडाकू लगाकू होयाकिया। हँकू मेरकू सुदीयता हनानाः कताकून बदीरे एटाः होड़कूकू ओपताता अरू हँकू पहाड़ जानरकू इयाकू लाय एंडा जुवाःता।

2 पतरस 2:22

हँकू लगा मड़ंगराः कता सताय इदा, “कुतू अनँयगराः उलात अरूय जड़ाःगेता,” अरू “ऊमतो सुकरी हनानाः सिकलारे अरूय घोलंडाव लेटाःता।”

जूदा 1:10

हनारे हों नँकुःआ होड़कू हँकू मेरकू सुदीयता हना कताकून बदीरे हों एरंग बड़राकू बड़राता अरू बोको जानरकू इया बेगर ओंगोलते इदानकुःआ अरू हना कताकूनते हँकू अँननकू अँकू लाय जुवाःता।