1 पतरस 4:14 - Korwa Bible

¹⁴ भगवानराः अगम मरंग बिरुवा अपे एचेरे इदा। हनालगा अपे ईसू मसी एचेरे बिसवासगेतान अते, होड़कू अपेकू एरंगवाता, दो अपेराः जीव भगवान नपायगोडता।

1 पतरस 4:14 ပူးပေါင်းရင်းမြစ်များ

मती ओजाःतेरा भगवानराः नपाय सरवन 5:11

एटाः होड़कू, अपे ईंग बदीरे लंदा एरंगवापेताकू, संतावपेताकू अरू अपे बदीरे जमा बरानाः लबरा बड़राकू कतायता दो, अपेराः जीव-जहन भगवान भलावाडखने नपायगेयता।

मती ओजाःतेरा भगवानराः नपाय सरवन 5:16

ननन इया अपेराः लूर-नेवन मरसल इया जमा होड़कू एचेरे नपाय दोहोन दो, होड़कू अपेराः नपाय बुता ञेलकेडखन सेरमो देसरीग अपांग भगवानकू मान मरजइतता।”

लूका 6:22

मनुवारीग बेटात बदीरे होड़कू अपेकू हिनइस-बिनइसवापेता, अरूकू उडुंग एंडागोडपेता, लंदा एरंगवापेताकू अरू बेलूरकू कतावापेता दो, अपेराः जीव-जहन भगवान भलावाडखने नपायगेता।

एहुना 15:21

हँकुःआ होड़कू ईंगे वारकेरा हाँय मेरकू सुदीगेयता। अपे ईंगरिकुःआ हवे। हनालगा हँकू अपे सुदा नाःआ जमाकूनकू एचेयता।

एहुना 8:48

दो एहूदाकू नाःआ अयूमतेडखन ईसू एचेरेकू कताया, “आम समरिया होड़ हवे अरू आम एचेरे भूत इदा माःआनले कतायता दो हना कता सताय ना लवे जा?”

एहुना 9:28

हनते हँकू हाँय एचे बेग-हतावाड़िगखनकू कताया, “आम हाँयरीग चेला हवे। मनदो अले दो मोसेसरिकुःआ चेलाकू हवे।

एहुना 9:34

हँकू हाँय एचेरेकू कतातेड, “आम दो जनमावनेन वरीते कसूर होड़ इदानमेःआ। अरू नुँहू अलेम चेडतना जा?” हनते हँकू हाँय अरजी ओड़ाः अते हिगारतिरीगखनकू एकला एंडागोतेडीग।

मूक चेलाकू 13:45

मनदो अदोम एहूदाकू नाःआमिन होड़कूकू ञेला दो, हँकू इरातेकू पेरेगयान अरू पउलूस कतातेरा हना कताकून बदीरे ओपता घड़ीनकू कताया।

मूक चेलाकू 18:6

मनदो एहूदाकू हाँय मुरुककू घंटावतिडिया, अरू ओपताय घड़ीनकू कतावाया दो, पउलूस आँयगराः सोनहे मीटोंग चिनहा इया हँकूराः बदीरेय कोटातेडखने कताया, “भगवान अपेय डंडियाता हनाराः जिमेवारी अँननपेराः होयाःता। नुँहू वरीते ईंग बेगर एहूदाकू एचेरे भगवानराः नपाय सरवनिंग कता उदुःता।”

मूक चेलाकू 28:22

अले सुदीयतना नाःआ गारबारतेःआ गउदारिकुःआ होड़कू बदीरे जमा ततेररिकुःआ होड़कू मिरिस-मिरिसता। मनदो नँकुःआ होड़कू बदीरे आम एचेरे चिला ओंगोल इदा, हना आम अते अयुमे लगाले चहाःतना।”

मूक चेलाकू 5:41

अरू हँकू हना ततेर अते सेन मेला बहालनेनखनकू कता होड़ेंगा, ईसू लगा कटसिया ससहाव लगा भगवान अबूय सुनावकेरा, माःआन।

2 कुरिंती 12:10

ईंग अबड़ावगुःतान मेला, ईसू मसी ईंगे बड़ियाड़गींगता। हनालगा ईंग अबड़गुःतान मेला, अरू कटसियारेयिंग दोहोनतान मेला, अरू ईंगकू ओपतागिंगतान मेला, अरूयिंग गरीबगुःतान मेला अरू ईसू मसी बदीरे ईंगकू संतावगींगतान मेला बनहालतेयिंग दोहोनता।

2 कुरिंती 4:10

ईसूकू ञेड एंडातेरा हनन इया अले हों जमा बेला गुजुःराः दूररेले दोहोनता, जेमहा ईसूराः जीव अलेराः देहरे होड़कू ञेल अवेय।

2 कुरिंती 4:16

अलेराः देह लाय एंडानता, मनदो अलेराः जीव सगर दिन नँवा इदीनतना। हनालगा अले मेरले हदराःता।

गलातिया 1:24

अरू ईंग बदीरे हँकू भगवानकू जागा।

इबरानी 11:26

भगवान अते पवाःता हना इमान लगा हाँयराः जीव टक-टक दोहोना। हनालगा मिसिरी देसराः आन-धान अते, मसी लगा एचे बेग-हतान मरंगे ओंगोलबाःकाड।

एकूब 1:12

अपेराः बिसवास बदीरे अंदजाव होयाः मेला, सहाव घड़ीन बिसवासरे बड़ियाड़े दोहोनता हाँयग होड़राः जीव, भगवान ननपायगेता। तयोमरे हाँय लगा ओरो टुटीगनेना हना जीवराः इमान भगवान एमेयता। भगवानकू दुलारता हँकुःआ होड़कू हना इमान एमे लगाय जबानकेरा।

एकूब 5:11

सहाव घड़ीनकू दोहोनता हँकुःआ होड़कू सनातायरे ननपायबू कतावाकूता। अयूब करा इया कटसियाय सहावगेःआ अरू करा इया परबू हाँय लगा जमाकूने नपायगोतेड, हना कता अपे अनायूमकेरा। नाःआ अते अबू सुनुदीयतना, अबूरीग परबू अबूय सोगावाबूता अरूय मयावाबूता।

1 पतरस 2:12

अपे बेगर बिसवासी होड़कू तलारेपे दोनोहोन मेला, हँकू अपे ओपता घड़ीनकू बड़रातान हों, अपेराः लूर-नेवन नपाय दोहोन लगा इदा। दो भगवान होड़कूय फड़ियावता हना दिन, हँकुःआ होड़कू अपेराः नपाय बुता ञेलकेडखन भगवानकू जागता।

1 पतरस 3:14

मनदो अपे नपाय बुतापे बुताता हना अते कटसिया ससहाव पराः दो, भगवान अपेराः जीवे नपायगोडता। हँकूराः हुड़काव अयूमकेडखन अपे अहापे बोर अरू अहापे हदराःआ,

1 पतरस 3:16

अपेराः इंदरी सुदपे दोहोगे। दो अपे ईसू मसी एचेरे बिसवासकेड अते, होड़कू अपे बदीरे ओपता घड़ीनकू कताय हों, अपेराः नपाय लूर-नेवन ञेलकेडखनकू गियू जुवाःता।

1 पतरस 4:16

अपे बिसवासी होड़ होयाकियान अते अपे कटसिया ससहाव पराः दो हना बदीरे अपे अलोपे गियुः, मनदो अपे ईसू एचेरेपे बिसवासकेरा हनलगा अपे भगवानपे जागगोड ञवन।

2 पतरस 2:2

अरू मुरुक बगरा होड़कू हों हँकूराः सनहा-सनहिःआ दूरकू साबता, अरू हँकुःआ होड़कू अते, होड़कू सताय दूरकू बदीगेता।