1 पतरस 3:16 - Korwa Bible

¹⁶ अपेराः इंदरी सुदपे दोहोगे। दो अपे ईसू मसी एचेरे बिसवासकेड अते, होड़कू अपे बदीरे ओपता घड़ीनकू कताय हों, अपेराः नपाय लूर-नेवन ञेलकेडखनकू गियू जुवाःता।

1 पतरस 3:16 ပူးပေါင်းရင်းမြစ်များ

मती ओजाःतेरा भगवानराः नपाय सरवन 5:11

एटाः होड़कू, अपे ईंग बदीरे लंदा एरंगवापेताकू, संतावपेताकू अरू अपे बदीरे जमा बरानाः लबरा बड़राकू कतायता दो, अपेराः जीव-जहन भगवान भलावाडखने नपायगेयता।

मूक चेलाकू 24:16

हनालगा भगवान अरू होड़कू मड़ंगरे सगर बेला ईंगराः इंदरी सुद दोहोन लगायिंग कुरनिसगोड ञवनता।

मूक चेलाकू 28:22

अले सुदीयतना नाःआ गारबारतेःआ गउदारिकुःआ होड़कू बदीरे जमा ततेररिकुःआ होड़कू मिरिस-मिरिसता। मनदो नँकुःआ होड़कू बदीरे आम एचेरे चिला ओंगोल इदा, हना आम अते अयुमे लगाले चहाःतना।”

रूमी 9:1

ईंग ईसू मसीरीग हवे अरू सनाताय कता ईंग कतायतना। सुद बिरुवा अगुवाइवायिंतना। हनालगा ईंग जीव कतायतना, ईंग मेरिंग लबरातना, माःआन।

2 कुरिंती 1:12

अलिंग नपाय इंदरीते बहालगुः घड़ीनलिंग कतायतना, चउंदीसरे, बिसेक अपे सुदा अलिंगराः लूर-नेवन भगवान जुकूर, सुद अरू सताय इदा। अरू अलिंग अँननलिंगराः कनहूनते कोवान, मनदो भगवान मयावाडलिंगा हनानाः अतेलिंग जियाःतना।

2 कुरिंती 4:2

मनदो ओनोक दनंगकू एचेयता हना गियुः इयाःआ बुताकूनले अड़ाः एंडागोतेरा। अले चलहू होड़कू इया मेरले सलाःता अरू भगवानराः सरवनरे एटाः तोनोंगाः सरवन मेरले मेसायता। मनदो अले बदीरे भगवान सुनुदीबाःगोडता, हँकू जमा होड़कू एचेरे ईंगराः सताय सरवनकू कता उदुःगेता, माःआन। नाःआते अले बदीरे जमा होड़कू अँननकूराः इंदरीरेकू सुदीबाःगोडता, हँकू भगवान ननायगुः जुकूर इदानकुःआ, माःआन।

1 तिमुतियूस 1:19

बिसवास अरू सताय ओंगोलते नपायमे लड़ाइगोड ञवन। अदोम होड़कू सताय ओंगोल अड़ाःकेडखन बिसवास दूर अतेकू बहकावयना।

1 तिमुतियूस 1:5

बिसवासी होड़कू सुद इंदरीते, नपाय ओंगोलते अरू बेगर गारबारराः बिसवासते दुलार होड़ेंग लगाले हुकुमवाकूतना।

2 तिमुतियूस 1:3

दो ने तिमुतियूस, दिन रइत उहियार घड़ीन आम लगायिंग अरजीतान मेला, ईंगरिकुःआ अपुयिंग ततायिंगकू इया सुद इंदरीतेयिंग जागगेयता हाँयग भगवानिंग धनियाबादगेयतना।

तितूस 2:8

होड़कू ओरोकू ओपता अवेतेरा हनन इया खरतेम चेडकू। दो आमकू घंटावता हँकुःआ होड़कू हना सरवनते तोनोंगाः बेलूर बड़राकू कताय लगा दाव ओरोकू पवावनेना अरूकू गियू जुवाःता।

इबरानी 13:18

अले लगापे अरजीगोड ञवन। अले सुनुदीबाःगोतेरा, अलेराः ओंगोल सुद इदा अरू अले जमालेःआरे नपाय लूर नेवनते सलाः लगाले चहाःतना, माःआन।

इबरानी 9:14

मसी, सगर सइट जीयत दोहोनता हाँयग सुद बिरुवाते, भगवान मड़ंगरे बेगर गारबारते बलिदानगुः लगा अनँयग आँयगे जिमायान। दो अबूराः ओंगोल गोएगतो इयाःआ बुताकून अते अबू जीयत भगवानबू सेवा अवे लगा हाँयराः बलंगी चिला लगा अरू मेर सुदकेःबुःआ?

1 पतरस 2:12

अपे बेगर बिसवासी होड़कू तलारेपे दोनोहोन मेला, हँकू अपे ओपता घड़ीनकू बड़रातान हों, अपेराः लूर-नेवन नपाय दोहोन लगा इदा। दो भगवान होड़कूय फड़ियावता हना दिन, हँकुःआ होड़कू अपेराः नपाय बुता ञेलकेडखन भगवानकू जागता।

1 पतरस 2:15

भगवान चहाःतना, अपे नपाय बुतापे एचेगोड ञवन दो, बेगर लूरतेकू बड़राता हँकुःआ बोको होड़कूराः आह रिपूट जुवाःता।

1 पतरस 2:19

भगवानराः ओंगोलपे सुदीकेड अते, अपे अनभनिया कटसियापे सहाव दो अपेराः जीव भगवान लगा भल-भलाय इदा।

1 पतरस 3:21

अरू हना दाः बतिसमाराः अउल-तउल इया इदा। ईसू मसी गोएगतो होड़कू अतेय जियाव रेमकिया अते बतिसमाते अपे बनसाव जुवाःता। नाःआ बतिसमाते अपेराः देहराः मइल बुहाल अमिंगगुः लगा कोवानेःआ। मनदो हन बतिसमा अपेराः इंदरी नपायते दोहो ञवन लगा भगवान एचेरे मीटोंग अरजी इया इदा।

1 पतरस 4:4

मनदो नुँहू अपेरिकुःआ मड़ंगकुःआ सउंगताकू इया अपे तुड़ेंग-तपेग होड़कू कोवापेःआ। हना अते हँकू मुरुककू बयाव जुवाःता अरू अपे बदीरे ओपता बड़राकू बड़राता।