1 पतरस 2:15 - Korwa Bible

¹⁵ भगवान चहाःतना, अपे नपाय बुतापे एचेगोड ञवन दो, बेगर लूरतेकू बड़राता हँकुःआ बोको होड़कूराः आह रिपूट जुवाःता।

1 पतरस 2:15 ပူးပေါင်းရင်းမြစ်များ

मती ओजाःतेरा भगवानराः नपाय सरवन 25:2

हँकू अते पाँचगोटोंग धंगड़ीकू तुंदड़ीकू दोहोना अरू पाँचगोटोंग धंगड़ीकू कनहूनदारकू दोहोना।

मती ओजाःतेरा भगवानराः नपाय सरवन 7:26

अरू ईंग बड़रा मेरेय मनाःता हाँयग होड़ बुयांग होड़ इदानिया। हाँय बेगर नेवते बितीलरे ओड़ाःय तुलातेरा हाँयग होड़ इया इदानिया।

रूमी 1:21

हँकू भगवानकू सुनुदीगोतेडिया हों, हाँय मेरकू मान मरजइतगडिया अरू मेरकू धनियाबादगडिया। दो हँकूराः ओंगोल सदाःआ होयायना, अरू हँकूराः बोको जीव अनंदरायना।

गलातिया 3:1

ने गलातियारिकुःआ होड़कू, अपे करा उड़ी नाःआ इयापे बोकोयना? ईसू मसी कुरूसरेय गोएगनेना माःआन अपे सनाताय सतायिंग उदुःवातेडपेःआ। दो अपे करा इया पती ञेडतो इयापे होयायना?

1 तिसलूनिका 4:3

अपे सुदपे बड़ाँः लगा भगवान चहाःतना। हनालगा अपे सनहा-सनहीते तोरेपे दोहोन।

1 तिसलूनिका 5:18

अपे जमालेःआ हाल-चालरे भगवानपे धनियाबादगोड ञवन। परबू ईसूते अपे लगा भगवानराः हिछा ननानाः इदा।

1 तिमुतियूस 1:13

मड़ंग ईंग ईसू मसी बदीरे ओपता बड़रायिंग कताया अरू बिसवासी होड़कूयिंग संतावकुःआ अरू मरखा होड़िंग दोहोना। हनमेला ईसू एचेरे मेरिंग बिसवासगेःआ अरू अनसिनहारिंग दोहोना। हनालगा ईसू ईंग मुरुके सोगावाडिंगा।

तितूस 2:8

होड़कू ओरोकू ओपता अवेतेरा हनन इया खरतेम चेडकू। दो आमकू घंटावता हँकुःआ होड़कू हना सरवनते तोनोंगाः बेलूर बड़राकू कताय लगा दाव ओरोकू पवावनेना अरूकू गियू जुवाःता।

तितूस 3:3

मड़ंगरे अबू बोको होड़कू अरू भगवानराः कता मेरबू मनाःआ, अडिगतोबू दोहोना अरू जमा बरानाः बेलूर ओंगोलकूनते बझावतोबू दोहोना। अबूराः जीव टेनसाहा अरू इराते पेरेगतो दोहोना, अबू एरंगवा इयाबू दोहोना अरू हिनइस-बिनइस होड़ेंगाबू।

1 पतरस 2:12

अपे बेगर बिसवासी होड़कू तलारेपे दोनोहोन मेला, हँकू अपे ओपता घड़ीनकू बड़रातान हों, अपेराः लूर-नेवन नपाय दोहोन लगा इदा। दो भगवान होड़कूय फड़ियावता हना दिन, हँकुःआ होड़कू अपेराः नपाय बुता ञेलकेडखन भगवानकू जागता।

1 पतरस 3:16

अपेराः इंदरी सुदपे दोहोगे। दो अपे ईसू मसी एचेरे बिसवासकेड अते, होड़कू अपे बदीरे ओपता घड़ीनकू कताय हों, अपेराः नपाय लूर-नेवन ञेलकेडखनकू गियू जुवाःता।

1 पतरस 3:17

अपे ईंगपे अयूम। बेलूर बुता बुताकेडखन कटसियापे सहाव अते, नपाय बुता बुताकेडखन भगवानराः ओंगोल इया कटसियापे सहाव दो ननपाय इदा।

1 पतरस 4:2

अरू हाँय नुँहू वरीते अनँयगराः मनबिदिया इया ओरोय जियावनेना, मनदो भगवानराः हिछा इयाय जियाःता।

2 पतरस 2:12

हँकुःआ होड़कू बोको जानरकू इया बेगर ओंगोलते इदानकुःआ अरू ञेड एंडाकू लगाकू होयाकिया। हँकू मेरकू सुदीयता हनानाः कताकून बदीरे एटाः होड़कूकू ओपताता अरू हँकू पहाड़ जानरकू इयाकू लाय एंडा जुवाःता।

जूदा 1:10

हनारे हों नँकुःआ होड़कू हँकू मेरकू सुदीयता हना कताकून बदीरे हों एरंग बड़राकू बड़राता अरू बोको जानरकू इया बेगर ओंगोलते इदानकुःआ अरू हना कताकूनते हँकू अँननकू अँकू लाय जुवाःता।