1 पतरस 1:22 - Korwa Bible

²² अपे सताय कता मनावकेडखन अपेराः जीवपे सुदकेरा, जेमहा अपे अँननपे सतायते अपेराः इनिंदरी इंदरीते अरूपे अलार-दुलार होड़ेंग।

1 पतरस 1:22 ပူးပေါင်းရင်းမြစ်များ

एहुना 15:17

अपे अलार-दुलार होड़ेंगगोड ञवन लगा, ईंग नाःआ हुकुमकून अपे लगायिंग एमेयतना।

एहुना 15:3

अपे एचेरे ईंग कता उदुःकेरा, हना सरवनते अपे सुदयनापे।

एहुना 17:17

आमराः सरवन सताय इदा। हनालगा आमकू सेवा लगा आमराः सताय सरवनते हँकूम एटाःगोडकू।

एहुना 17:19

हँकू लगा ईंग इनिंग सुदगुःता अरू हनाते हँकू सतायतेकू सुद जुवाःता।

मूक चेलाकू 15:9

हाँयग भगवान अबू अरू हँकू एचेरे तोनोंगाः पाचपटी सुदा मेरेय एचेकेरा। हँकू ईसू एचेरेकू बिसवासतेरा, हनालगा हाँय हँकूराः जीवे एचे सुदकेरा।

मूक चेलाकू 6:7

दो हनन इया भगवानराः सरवन मुरुक होड़कू एचेरे सितराव ञवना। चेलाकू एरुसलेम सहररे मुरुककू बगरायान अरू मुरुक बगरा पुजउरी होड़कू हों ईसू एचेरेकू बिसवासतेरा।

रूमी 1:5

जमा जइत होड़कू ईसू मसी मनेवाडिगखन बिसवास अवे लगा, भगवान हाँयते अले मयावाडखन मूक चेलाकूय बड़ाँवकेडलेःआ।

रूमी 2:8

मनदो अदोम होड़कू अँननकूराः नफा लगाकू ञामता। हँकू सताय कता अड़ाःकेडखन बेलूर कताकू मनाःता। अरू हँकुःआ होड़कू एचेरे भगवानराः रीस रंजाव जुवाःता।

रूमी 8:13

अपे हनन इयापे सलाः दो गोएग एंडा जुवाःतापे। मनदो अपे सुद बिरुवाराः जंगरते कसूर लूर-नेवनाः ओंगोलकूनपे अड़ाः एंडागोड दो, अपे जिनियावगोड ञवनता।

2 कुरिंती 6:6

नाःआ जमा अले जीवरे होयानेना। हनारे हों अले सुद जीवले जियाःआ, अरू भगवानराः सरवनले ओंगोल बुझाःआ अरू सहाव घड़ीन सुधा होड़कूले दोहोना। अले एचेरे सुद बिरुवा दोहोनता अरू सतायते होड़कूले दुलारा।

गलातिया 3:1

ने गलातियारिकुःआ होड़कू, अपे करा उड़ी नाःआ इयापे बोकोयना? ईसू मसी कुरूसरेय गोएगनेना माःआन अपे सनाताय सतायिंग उदुःवातेडपेःआ। दो अपे करा इया पती ञेडतो इयापे होयायना?

गलातिया 5:5

मनदो अबू ईसू मसी एचेरे बिसवासकेडखन भगवानराः ओंगोलरे बेगर गारबार होड़कू बड़ाँः लगा सुद बिरुवाराः संघराते मिनी जीवतेबू अनसरागोड ञवनतना।

गलातिया 5:7

अपे बिसवासरे नपायतेपे सनालावगोड ञवना, दो इये अपे सताय सरवन मनाः अतेय रोंकावकेडपेःआ?

इपीसी 4:3

भगवानराः सुद बिरुवा अपे मी जुमूटकेडपेःआ दो हनन इया सलसतरे दोनोहोन लगा जमा बरानाःपे कुरनिसगोड ञवन।

पिलिपी 1:9

एटाः होड़कू लगा अपेराः अलार-दुलार बगरागोड ञवन लगायिंग अरजीतना। अपे भगवान बदीरे, अरू नपायतेपे सुदी अवेय लगा, अरू जमा सताय कताकूनपे बुझाव अवेन लगा होयिंग अरजीतना,

1 तिसलूनिका 3:12

अपेले अलार-दुलारतना हान इया अपे होँपे अलार-दुलार होड़ेंग लगा, अरू जमा होड़कू होँपे अलार-दुलार लगा, परबू भगवान अपेराः दुलार बगरागोड लगा होंले अरजीतना।

2 तिसलूनिका 1:3

दो ईंगरिकुःआ अजी बोपोहकूतिंग, ईसू मसी एचेरे अपेराः बिसवास नपाय बड़ियाड़ इदीनतना अरू अपे बगरापे दुलार होड़ेंग इदीनतना। हनालगा जमा बेला अपे बदीरे अलेके भगवान धनियाबादगेय लगा इदा अरू ननन इया एएचे हों नपाय इदा।

2 तिसलूनिका 2:13

ने अजी बोपोहकूतिंग, सुद बिरुवाराः बुताते अपेराः जीव सुदयना अते, अरू परबू ईसू मसीराः सताय सरवनरेपे बिसवासगेतान अते, भगवान अपे मड़ंगाः जोःओ इयाय सडावकेडपेःआ। हनालगा अपेय दुलारपेतना हाँयग भगवान एचेरे, अले अपे बदीरे जमा बेलाले जागगोड ञवन लगा इदा।

1 तिमुतियूस 1:3

ने बेटा, ईंग मकिदुनिया राइज अगीयिंग सेनेन मेला, इपीसी सहररेम दोहोन लगा आमिंग असेतेरा, जेमहा तोनोंग तोनोंग होड़कू लबरा चेड अलोकू चेडकू लगा हँकूम हुकुम अवेवाकू।

1 तिमुतियूस 1:5

बिसवासी होड़कू सुद इंदरीते, नपाय ओंगोलते अरू बेगर गारबारराः बिसवासते दुलार होड़ेंग लगाले हुकुमवाकूतना।

1 तिमुतियूस 4:12

ने तिमुतियूस, डिंघा इदानमेःआते तोनोंगीग आम हुडिंग अलोकू ओंगोल अवेमे। मनदो आम सुद लूर-नेवनते अरू बड़राते, बिसवासरे अरू अलार-दुलारतेम दोहोन अते, बिसवासी होड़कूके मीटोंग चिनहा इयाम दोहोन।

1 तिमुतियूस 5:2

आम मरंग अइमीकू एंगाम इयाम ओंगोलकू अरू सुद ओंगोलते हुडिंग धंगड़ीकू अनम मेमेसकूताम इयाम ओंगोलकू।

2 तिमुतियूस 1:14

अबू जीवरेय दोहोनता, हाँयग भगवानराः सुद बिरुवाते आम एचेरेय जिमाकेरा हना सताय सरवनमे जतनगे।

इबरानी 11:8

बिनिसवासते इबराहीम भगवानराः कताय मनावनेना। हनालगा भगवान हाँय इताडगेय लगाय ओंगोल दोहोतेरा हनानाः देसरे सेन लगाय हुकुमवातेरिया दो इबराहीम, ईंग करा होरिंग सलाःतना, माःआन मेनेरेय सुसुदीःआ। हनारे हों हाँय भगवानराः कता मनावनेनखन सेन लगाय उडुंगयान।

इबरानी 13:1

ने बिसवासी होड़कू, अपे जमाकू अजी बोपोहकू इयापे अलार-दुलार होड़ेंगगोड ञवन।

इबरानी 5:9

अरू हाँय उडु-बुडूत होड़ बड़ाँवकियानखन हुकुमकू मनाःता हँकुःआ होड़कू सगर सइट लगाय सडाव अवेकूता,

इबरानी 6:10

भगवान जमालेःआ नपाये एचेयता। हनालगा अपेराः बुता अरू भगवानरिकुःआ सुद होड़कू सेवा घड़ीन हाँयपे दुलारकेरा हना, हाँय ओरोय लिड़िंगतेरा। अपे नुँहू हों हँकूपे सेवागोड ञवनतना।

इबरानी 9:14

मसी, सगर सइट जीयत दोहोनता हाँयग सुद बिरुवाते, भगवान मड़ंगरे बेगर गारबारते बलिदानगुः लगा अनँयग आँयगे जिमायान। दो अबूराः ओंगोल गोएगतो इयाःआ बुताकून अते अबू जीयत भगवानबू सेवा अवे लगा हाँयराः बलंगी चिला लगा अरू मेर सुदकेःबुःआ?

एकूब 1:21

हनालगा अपेराः जमालेःआ लेटाव-पेटाव अरू बेलूर नेवन अपे जीव अतेपे चलाः एंडागोड अरू अँननपे अपे हुडिंग ओंगोलकियानखन भगवान अपे बनसाव लगा अपे जीवरे हुड़ू इयाय रोपाकेरा हना सरवनपे मनाः।

एकूब 4:8

भनगवानराः लेसानरेपे दोहोन दो भगवान हों अँननपेराः लेसानरेय दोहोनता। ने कसूर होड़कू, अहापे कसूरगे। ने बार जीव ओंगोल होड़कू, अपेराः जीव सुदगेपे।

1 पतरस 1:2

ईसू मसीराः कता मनाः लगा, अरू हाँयराः बलंगीते सुद होयाः लगा, अपांग भगवान ओंगोल दोहोकेडपेखने सुनावकेडपेःआ अरू आँयगराः सुद बिरुवाते अपेय सुदकेडपेःआ। दो भगवान जमालेःआते अपेराः जीव मयावा लगा अरू सलसतगे लगायिंग अरजीतना।

1 पतरस 2:17

जमा होड़कूपे मान मरजइत, अरू बिसवासी होड़कू सुदा अलार-दुलारतेपे दोहोन, भगवानराः अकूस मनाः घड़ीनपे दोहोन अरू मरंग राजा होँपे मान मरजइतगेय।

1 पतरस 3:1

ने अइमीकू, हनन इया अपे अँननपेरिकुःआ हेपेरेलकूतापेराः आड़रेपे दोहोन। हँकू अते तोनोंगीग होड़ भगवानराः सरवन मेरकू बिसवासगेतान दो,

1 पतरस 3:20

तोलतोकू दोहोना हँकुःआ गोएगतो होड़कू नूहराः जूग परियारे भगवानराः कता मेरकू मनावगान हँकुःआ होड़कू हवे। हनमेला नूह मरंग दाः जहाजे तुलाःआ अरू होड़कू भगवान एचेरे बिसवासगे लगा, भगवान सहाव घड़ीने तंगी ञवना। मनदो आठगोटोंग होड़कू एकला हना दाःतेकू बनसावनेना।

1 पतरस 3:8

नाःआ जमाकून एचे घड़ीन, अपे जमाकू सुदा मिनी जीवते, सोगा होड़ेंग घड़ीन अलार-दुलारतेपे दोहोन। अरू अँननपे अपे हुडिंग ओंगोलकियानखन सुधा होड़कूपे बड़ाँः।

1 पतरस 4:17

भगवानरिकुःआ होड़कू भगवान फड़ियावकूराः बेला सोदोरकिया। अरू फड़ियावगे लगा अँननबू अतेय बुँहड़ीगेता दो, भगवानराः नपाय सरवन मेरकू बिसवासगेता हँकुःआ होड़कूराः जीव करा इया होयाःता?

1 पतरस 4:8

भगवानराः कागदरे ओजाःतो इदा, “अपे एटाः होड़कूपे दुलार दो, हँकूराः मुरुक कसूरकूनतेपे कता बनसावकूता।” हनालगा अपे नाःआ मनइद कता इया अँननपे अपे इनिंदरी इंदरीते अलार-दुलार होड़ेंग ञवनपे।

2 पतरस 1:7

भगवानराः ओंगोल इयापे दोहोन घड़ीन बिसवासी होड़कू सुदा अलार-दुलार होड़ेंग लगा इदा अरू एटाः होड़कू होँपे अलार-दुलारगोड ञवन लगा इदा।

1 एहुना 3:11

ननानाः सरवन अपे मड़ंग वरीतेपे अअयूमतना, अँननपे अपे अलार-दुलार होड़ेंग।

1 एहुना 3:23

भगवानराः हुकुम ननानाः हवे। भगवानरीग बेटात ईसू मसी एचेरे अबू बिसवासगे लगा इदा। अरू ईसू मसी अबू एचेरेय हुकुमकेरा हनन इया एटाः होड़कू सुदा अलार-दुलारते दोहोन लगा इदा।

1 एहुना 4:12

तोनोंगीग होड़ भगवान नुँहू वरी मेरकू ञेलगडिया। मनदो अबू अलार-दुलार होड़ेंगता होले भगवान अबू जीवरेय दोहोनता अरू हाँयराः दुलार अबू जीवरे उडु-बुडू जुवाःता।

1 एहुना 4:20

तोनोंगीग होड़ कतायता, ईंग भगवानिंग दुलारतना, माःआन। मनदो एटाः बिसवासी होड़कू मेरेय अलार-दुलारकूता, हाँय लबरा होड़ हवे। तोनोंगीग होड़ हाँय सुदाय दोहोनता हाँयग बिसवासी वगात मेरेय अलार-दुलार अवेयता दो मेरेय ञेलगरिया हाँयग भगवान हाँय करा इयाय अलार-दुलार अवेय?

1 एहुना 4:7

अलार-दुलार भगवान अगीते होयाःता। हनालगा ईंगरिकुःआ सउंगताकू, अँननबू अबू अलार-दुलार होड़ेंग लगा इदा। अबू अते तोनोंगीग होड़ एटाःकूय अलार-दुलार दो, हाँय भगवानरीग लँइग हवे अरू हाँय भगवाने सुदीता।

उदुःतो कताकून 2:4

मनदो अपे बदीरे ईंगके मीटोंग बड़रा ककता लगा इदा; अपे मड़ंगाः दुलारपे अड़ाःकेरा।