1 पतरस 1:13 - Korwa Bible

¹³ हनालगा ईंगरिकुःआ अजी बोपोहकूतिंग, अपे नपाय एचेय लगा सपड़ावतोपे दोहोन अरू ओंगोल समझाव घड़ीनपे दोहोन। अरू ईसू मसी अनँयग आँयग एचे ञिलुः मेला भगवान अपेय मयावा लगापे असरागोड ञवन।

1 पतरस 1:13 ပူးပေါင်းရင်းမြစ်များ

मती ओजाःतेरा भगवानराः नपाय सरवन 20:4

हँकू ञेलतेडखन हाँयग मालिक कतातेड, अपे हों ईंगराः अंगूर बगइचारे बुता लगापे सलाव जुवाः अरू अपेराः बुता बनी बड़ाँःतना हनामिनिंग एमेवापेता।

लूका 12:35

अपेराः मयांग बड़ियाड़पे कास दोहोका अरू अपेराः ढिबरी सलगावगोड ञवन।

लूका 17:30

मनुवारीग बेटात अनँयग एचे ञिलुःता हना दिनरे हों ननन इया होयाःता।

लूका 17:8

मनदो अपे हाँय एचेरेपे कतायता, ईंग लगा जउःमे जउः अरू ईंग अरीनिंग जोम ञूय वरी मयांग कासकेडखन ईंगमे सेवा। हना तयोमरे आम होंम जोम ञूय।

रूमी 13:13

अपे कसूर लूर-नेवन इया कोसोड़ा-दारू झड़ीकेडखन हउड़ी होड़कू अलोपे होयाः, सनहा-सनही अरू बेलूर बुताकून अहापे एचेय, कड़ीग अरू इरा होड़कू इया अहापे जियाः। मनदो अपेराः जीव भगवान मरसलगोतेडकुःआ हँकुःआ होड़कू इया नपाय लूर-नेवनतेपे जियाव ञवन।

रूमी 8:19

भगवान अनँयगरिकुःआ होड़कूय मान मरजइतता हनानाः दिन लगा अबू मनुवाकू एकला कोवान, मनदो भगवान जेहो सकालाःए तुलाकेरा हना जनामा उंभराव घड़ीन दोहोनतना।

1 कुरिंती 1:7

दो अपे अबूरीग परबू ईसू मसीराः कुदा वेग लगापे टकागोड ञवन मेला, सुद बिरुवाराः दहिन बदीरे अपे जीवरे तोनोंगाः हुडिंग बगरा ओरो होयानेना।

1 कुरिंती 13:13

दो अबू बिसवासगेता, अरूबू असरागेता, अरूबू दुलारता, नाःआ पेनेय मेनेर टगाःता। मनदो नाःआ पेनेय अते मनइद मरंग एटाःकू दुलारता हना हवे।

इपीसी 6:14

दो अपे सवासितीपे दोहोन। भगवानराः सताय कताकून पेटार इया मयांगरेपे तोलगे अरू कुड़ोम बनसावगे लगा झिलमकू तुसिंगगेता हनन इया, बेगर गारबार जीवराः झिलमपे तुसिंगगे।

कुलूसी 3:4

ईसू मसी अबूराः जीव हवे, अरू हाँय अनँयग एचे ञिलुः मेला, अपे हों हाँय सुदापे ञिलुःता अरू हाँय सुदा मान मरजइतपे पवाःता।

2 तिसलूनिका 1:7

ईसू मसी हितकाःतो सेंगेलरे भगवानरिकुःआ जंगरदार बराहीलकू सुदा सेरमो देस अते वेग मेला, अले सुदा सिकिसतारे इदानपेःआ अपे लोड़ोन लगाय एमेवापेता।

2 तिमुतियूस 4:5

मनदो तिमुतियूस, जमा बेला ओंगोल समझाव घड़ीन कटसिया सहावकेडखन नपाय सरवन परसारराः बुताम बुता अरू भगवानराः सेवाम सेवा पुराव।

2 तिमुतियूस 4:8

दो नुँहू वरीते बेगर गारबारराः इमान सनातायते होड़कूय फड़ियावकूता हाँयग परबू ईसू, हनानाः दिन ईंग लगाय एमेयता। अरू हान ईंग एकला लगा कोवान, मनदो हाँय कुदा वेगता हना बदीरे टक टक इदानकुःआ हँकुःआ जमा होड़कू लगा होंय एमेयता।

इबरानी 10:35

हनालगा अपे डीड़कियानखन भगवान एचेरेपे असरागोड ञवन। दो भगवान अपे मरंग इमाने एमेवापेता।

इबरानी 3:6

मनदो बेटात इया भगवानराः जमा ओड़ाःरे ईसू मसी बिसवासगेयीगे दोहोना। अरू अबू डीड़ घड़ीन टुटीग वरीबू असरागोड ञवन दो अबू हाँयराः ओड़ाःरिकुःआबू बड़ाँःता।

इबरानी 6:19

भगवान एचेरे इदा अबूराः हना असरा अबू जीव लगा मीटोंग पहटाराः खुंटा इया जबड़ अरू बड़ियाड़ इदा। दो नाःआ असराते मरंग परदाराः मार परोम मुरुक सुद ततेररे भगवानराः मड़ंगरे बोलोत इया इदानबुःआ।

इबरानी 9:28

हनन इया मसी हों मुरुक बगरा होड़कूराः कसूर बराव एंडागे लगा मिनी तुरहाय बलिदाननेना। दो मसी अरू मी तुरहाय वेगता। हाँय होड़कूराः कसूर, अरू चलाः एएंडा लगा ओरोय वेजेडा। मनदो हाँयकू टका ञवनता हँकुःआ होड़कू सडावकू लगाय वेगता।

1 पतरस 1:10

भगवान अपेय मयावाता हना बदीरे हाँयराः बड़रा कता होड़कू मड़ंगरेकू कता उदुःतेरा। अरू भगवान होड़कूय सडावता ननानाः कता बदीरे, मुरुक नपायतेकू जासबाःगोतेरा।

1 पतरस 3:15

मनदो अपे ईसू मसी अँननपेरीग परबू हवे माःआन अकूसपे मनावगेय। अरू तोनोंगीग अपे जीवरे इदा हना असरा बदीरेय होंबरे दो, जमा बेला अँननपे अपे हुडिंग ओंगोलकियानखन, एटाःकू मान मरजइत घड़ीन कता कुदागे लगा, सपड़ावतोपे दोहोन।

1 पतरस 4:7

चउंदीस टुटीगगुःराः बेला निचकाःतना। हनालगा अपे ओंगोल बुझाः घड़ीन सवासितीपे दोहोन, जेमहा अपे भगवान एचेरेपे अरजी अवेय।

1 पतरस 5:12

दो ईंगरिकुःआ अजी बोपोहकूतिंग, ईंगरीग बिसवासगेयीग सउंगता सिलवानूसराः संघराते, ईंग नाःआ हुडिंग चिठीयिंग ओजाःकेरा। अपेराः जीविंग कता बहालगे लगा अरू भगवानराः मया अबू जीव लगा सताय हवे माःआनपे सुदीबाःका लगायिंग ओजाःकेरा। दो अपे नाःआ सताय मयारेपे सनालावगोड ञवन।

1 पतरस 5:8

अपेरीग मुदइ कलउ, नरराःता हाँयग कूल इया तोनोंगीग ऊड जोम लगाय लबड हड़ाःता। हनालगा अपेराः जीव ओंगोल समझाव घड़ीनपे दोहोगे अरू सवासितीपे दोहोन।

1 एहुना 3:3

तोनोंगीग होड़ ईसू मसी इया होयाः लगाय असराता दो, ईसू मसी सुद इदानिया हनन इया, हाँयग होड़ अनँयग आँयग सुदगुः लगा इदा।