1 पतरस 1:10 - Korwa Bible

¹⁰ भगवान अपेय मयावाता हना बदीरे हाँयराः बड़रा कता होड़कू मड़ंगरेकू कता उदुःतेरा। अरू भगवान होड़कूय सडावता ननानाः कता बदीरे, मुरुक नपायतेकू जासबाःगोतेरा।

1 पतरस 1:10 ပူးပေါင်းရင်းမြစ်များ

मती ओजाःतेरा भगवानराः नपाय सरवन 13:17

अपे ईंगपे अयूम! भगवानराः बड़रा कता होड़कू अते मुरुक होड़कू अरू बेगर गारबार होड़कू, अपे ञेञेलतना हना ञेलगे लगा अरू अपे अयुमेतना हना बड़रा अयुमे लगाकू चहाःआ, मनदो हना हँकू मेरकू ञेल अयूम अवेगाड।”

मती ओजाःतेरा भगवानराः नपाय सरवन 26:24

मनुवारीग बेटात बदीरे भगवानराः कागदरे ओजाःतो इदा हनन इयाय गुजुःता। मनदो मनुवारीग बेटाते एचे साबेयता हाँयग होड़राः जीव नपाय कहियो ओरो दोहोनेना। हाँय अनाहाय जनमावकुः दो, हाँय लगा नपाय दोहोकुःआ।”

लूका 10:24

अपे ईंग कतापे अयूम, मुरुक भगवानराः बड़रा कता होड़कू अरू राजाकू अपे अयुमेतना हना बड़रा अयुमे लगा अरू अपे ञेलतना हना ञेल लगाकू चहाःआ। मनदो अपे ञेलतना अरूपे अयुमेतना हना हँकू मेरकू ञेल अयूम अवेगरा।”

लूका 24:44

तयोमरे हाँय हँकू एचेरेय कताया, “ईंग अपे सुदा दोहोन मेलायिंग कतातेरा, मोसेसराः नियम कागदरे, भगवानराः बड़रा कता होड़कूराः कागदरे अरू सेरेंगकून कागदरे ईंग बदीरे ओजाःतो इदा, हना जमा कता हनन इया होनोयाः इदा।”

एहुना 5:39

अपे भगवानराः कागदते तिंगीड घड़ीन चिडुः लगापे कुरनिसगेतना। नाःआ अते अपे ओंगलेता, ननते अले ओरो टुटीगनेना हना जीवले पवाव जुवाःता, माःआन अरू ननानाः कागद ईंग बदीरे हिदइत एमेयता।

एहुना 7:52

दो हँकू डंटावतिडिगखनकू कतातेरा, “आम हों गलील छतररीग हवे जा? आम भगवानराः कगदरेम ञाम अरूम सुदीगोडता तोनोंगीग भगवानराः बड़रा कता होड़ गलील छतर अते मेरेय वेगता, माःआन।”

मूक चेलाकू 10:43

हाँय बदीरे भगवानराः बड़रा कता होड़कू जमाकू कता उदुःगेता, तोनोंगीग होड़ हाँय एचेरेय बिसवासगे दो हाँयराः ञावते हाँयग होड़राः कसूर भगवान बराव एंडागोडता।”

मूक चेलाकू 17:11

बिरिया सहररिकुःआ होड़कू तिसलूनिका सहररिकुःआ होड़कू अते नपाय होड़कूकू दोहोना। नँकुःआ होड़कू भगवानराः सरवन मिनी जीवतेकू अयुमेःआ अरू सगर दिन भगवानराः कागद अते पउलूस कतातेरा हना कता सताय हवे जा कोवान, हनाकू जासतेरा।

मूक चेलाकू 28:23

दो हँकू हाँय सुदा बुतुड़ु लगा मीटोंग दिनकू तोल दोहोतेरा। अरू हना दिन पउलूस दोहोना हना ओड़ाःरे, मुरुक होड़कू जुमावनेना। निंदावा अते सिंगाड़ वरी, हाँय भगवानराः बड़रा कता होड़ मोसेसराः नियमकून, अरू भगवानराः बड़रा कता होड़कू ओजाःतेरा एटाः कागदकूनते, ईसू मसीराः बदीरे एचे सुदीकू घड़ीन, भगवानराः राइज बदीरे हिदइते उदुःवातेडकुःआ।

मूक चेलाकू 7:52

अपेरिकुःआ खुटिपरिया होड़कू भगवानराः बड़रा कता होड़कू जमाकूकू संतावतेरा। अपेरिकुःआ खुटिपरिया होड़कू बेगर गारबार होड़राः बदीरे मड़ंगरेकू कतातेरा हँकुःआ होड़कू होंकू ञेड गोएग एंडातेडकुःआ। अरू नुँहू अपे ईसू चुबिलीतेडखनपे एचे ञेडतिरिया।

इबरानी 11:13

हँकू जमाकू बिसवासकेडखनकू गोएगयान। अरू भगवान जबानतेरा हना हँकू मेरकू पवावगान। मनदो भगवान जबानतेरा हनाकून हँकू लनंकाते ञेलकेडखनकू अहाल बहालयान अरू हँकू अबू चउंदीसरे दुरीन देसरिकुःआ होड़कू इया इदानबुःआ, माःआनकू मनावयान।

इबरानी 11:40

भगवान हँकू लगा एकला कोवान, मनदो अबू लगा हों मुरुक नाय नपाय कताये ओंगोल दोहोतेरा, जेमहा अबू बेगर हँकू अलोकू उडु-बुडू अवेन।

1 पतरस 1:11

मसीराः सुद बिरुवाते हँकुःआ होड़कू, मसी करा उड़ी कटसियाय सहावता अरू हना तयोमरे भगवान हाँय करा उड़ीय मान मरजइतगेयता, हना बदीरे मड़ंगरेकू कता उदुःतेरा। हनालगा भगवानराः बड़रा कता होड़कू, नाःआ जमाकून करा इया होयाःता अरू तुमिस होयाःता, हना सुदीगे लगा मुरुककू कुरनिस सोतेडा।

1 पतरस 1:13

हनालगा ईंगरिकुःआ अजी बोपोहकूतिंग, अपे नपाय एचेय लगा सपड़ावतोपे दोहोन अरू ओंगोल समझाव घड़ीनपे दोहोन। अरू ईसू मसी अनँयग आँयग एचे ञिलुः मेला भगवान अपेय मयावा लगापे असरागोड ञवन।