1 एहुना 5:9 - Korwa Bible

⁹ होड़कूराः हिदइत अबू बिसवासगेतना। मनदो भगवान कताकेरा हना बड़रा होड़कूराः हिदइत अते अबू बगरा बिसवासगे लगा इदा अरू आँयग बेटात बदीरे भनगवान हिदइते एमेयतना।

1 एहुना 5:9 ပူးပေါင်းရင်းမြစ်များ

मती ओजाःतेरा भगवानराः नपाय सरवन 17:5

पतरस नाःआ इयाय कनकता मेला मीटोंग विड़चेड़तो बदरी हँकू दाब रेडगोतेडकू अरू हना बदरीते भगवानराः बड़रा अयूमनेना, “नाँय ईंगरीग दुलार बेटा हवे, नाँय बदीरे ईंग मुरुक बहालते इदानिंगा। नाँयराः कतापे मनाः।”

एहुना 10:38

दो ईंग इनिंग अपांगराः बुतायिंग एचेता अरू अपे ईंग एचेरे मेरपे बिसवासगेता होले, ईंगराः बयाव जुवाः इयाःआ बुतारेपे बिसवासगे। हनाते अपे सुदीगोडता अपांग सुदायिंग मिनीयना अरू अपांग ईंग सुदा होंय मिनीयना।”

एहुना 5:39

अपे भगवानराः कागदते तिंगीड घड़ीन चिडुः लगापे कुरनिसगेतना। नाःआ अते अपे ओंगलेता, ननते अले ओरो टुटीगनेना हना जीवले पवाव जुवाःता, माःआन अरू ननानाः कागद ईंग बदीरे हिदइत एमेयता।

मूक चेलाकू 17:31

अरू आँयगरीग सुनावतो होड़ते, चउंदीसरिकुःआ जमा होड़कू सतायते फड़ियावकू लगा, भगवान मीटोंग दिने तोल दोहोकेरा। हाँयग सुनावतो होड़, भगवान गोएगतो होड़कू अते जियाव रेमकिडिगखन, नाःआ कता सताय हवे माःआन जमा होड़कूय उदुःवारा।”

मूक चेलाकू 5:32

नाःआ कताकूनराः हिदइतदार अले अरू भगवानकू मनावता हँकुःआ होड़कू लगा भगवान एमेयता हाँयग सुद बिरुवा हों इदा।”

इबरानी 2:4

चिनहाकूनते अरू बयाव जुवाः इयाःआ बुताकूनते अरू एटाः एटाः इयाःआ ञेनेल ञेलरे नपाय जुवाःता हना बुताकूनते, अरू अनँयग हिछा इया होड़कूय हटिंगवातेरा हाँयग सुद बिरुवाराः दहिनकूनते भगवान, हाँयराः सरवन सताय हवे माःआन हिदइते उदुःबाःगोतेडा।

इबरानी 6:18

दो भगवान अबू सुदाय जबानकेरा, अरू मीटोंग किरिया होंय जोमकेरा। भगवान कहियो ओरोय लबरा अवेनेना। हनालगा नाःआ बनर कहियो ओरो टगावनेना। अरू अबू हाँय एचेरे दांगगुः लगाबू बतकावकिया दो, मुरुक डीड़कियानखन अबू मड़ंगरे इदा हना असराबू पवाव अवेन।

1 एहुना 5:10

भगवानरीग बेटात एचेरेय बिसवासगेतना हाँयग होड़ अनँयग जीवरेय सुनुदीयतना भगवानराः हिदइत सताय हवे माःआन। भगवानराः कता मेरेय मनाःता हाँयग होड़ ओंगलेता, भगवान लबरातना, माःआन अरू भगवान आँयग बेटात बदीरेय कताकेरा हना कता हँकू मेरकू बिसवासगेतना।

1 एहुना 5:8

सुद बिरुवा, दाः अरू बलंगी। नाःआ पेनेय मिनीटोंग हिदइत एमेयतना।