1 एहुना 5:6 - Korwa Bible

⁶ भगवानरीग बेटात ईसू मसी चउंदीसरे दाः अरू बलंगीतेय वेजेडा। दो हाँय दाःरे बतिसमा एकला मेरेय गोःगाड, मनदो हाँय आँयग बलंगी हों तूःकेडखने गोएगनेना। सताय हवे हान भगवानराः सुद बिरुवा नाःआ कताराः हिदइते एमेयतना।

1 एहुना 5:6 ပူးပေါင်းရင်းမြစ်များ

मती ओजाःतेरा भगवानराः नपाय सरवन 26:28

नाःआ रस ईंगराः बलंगी हवे अरू नानाः अते होड़कू सुदा भगवान कता-जमकावकूता। मुरुक होड़कूराः कसूर भगवान बराव एंडागे लगा ईंगराः बलंगी तूःता।

मती ओजाःतेरा भगवानराः नपाय सरवन 3:16

ईसू बतिसमा गोःतेडखन दाः अतेय उडुंगगुः मेला सेरमो देस गीगयान अरू भगवानराः बिरुवा, पेरवाँ तितीग इया ईसू चोटरे उतराव वेगनेना, हना अनँयग ञेलतेरा।

मरकूस 14:24

दो हाँय हँकू एचेरेय कतातेड, “नाःआ रस ईंगराः बलंगी हवे अरू मुरुक बगरा होड़कू लगा ईंगराः बलंगी तूःता। नानाः अते होड़कू सुदा भगवान कता-जमकावकूता।

लूका 22:20

हनन इया जोम तयोमरे ईसू अंगूर रसराः डुबहाय सेपेंग गोःतेरा अरू नाःआ इया कतातेडखने एमेतेरा, “ईंगराः बलंगी तूःतान अते नँवा कता-जमकावतोयिंग जबानगेता। अरू नाःआ डुबहारे इदा हना अंगूर रस हनाराः चिनहा हवे।

एहुना 14:17

हान सतायराः बिरुवा हवे। चउंदीसरिकुःआ होड़कू हान मेरकू ञेल अवेयता अरू मेरकू सुदी अवेयता। हनालगा हँकू हाँयराः कता मेरकू मनेवाता। मनदो हाँय अपे सुदा इदानिया अरू हाँय अपे सुदाय दोनोहोगोड ञवनता। हनालगा अपे हाँयपे सुदीयता।

एहुना 14:6

दो ईसू कतातेड, “दूर, सताय अरू जीव इनिंग हवे। ईंग अड़ाःकेडखन ईंग अपांग भगवान एचेरे तोनोंगीग ओरोय सेने अवेनेना।

एहुना 15:26

मनदो संघरादार, ईंग अपांग अगीते अपे एचेरेयिंग वारेयता, हाँय अपे एचेरेय वेग मेला ईंग बदीरेय कता उदुःगेता। हाँय भगवान अगीतेय वेगता हान सतायराः बिरुवा हवे।

एहुना 16:13

मनदो सतायराः बिरुवा वेग दो अपे जमा बरानाः सताय दूरे उदुःवापेता। हाँय अनँयग ओंगोलते ओरोय कतातेरा। मनदो हाँय अयुमेता हनानाःए कता उदुःगेता अरू दरवाःआ हना कताकून होंय कता उदुःगोडता।

एहुना 3:5

दो ईसू कतातेरा, “ईंगमे अयूम! तोनोंगीग होड़ भगवानराः राइजरीग होड़ बड़ाँः लगा इदान दो हाँय दाः अरू भगवानराः सुद बिरुवाते जनमावगुः लगा इदा।

एहुना 4:10

हनते ईसू कतातेड, “भगवान एमेयता हना बदीरे अरू आम एचेरे दाः ञूय लगाय असेयतना हाँयग होड़ बदीरेम सुदीकेः दो, आम ईंग एचेरेम असेकेःआ अरू आम लगा जीवराः दाःयिंग एमेवाकेमेःआ।”

एहुना 4:14

मनदो ईंग एमेयता, हना दाः तोनोंगीग ञूय दो हाँय सगर सइट जूग वरी ततंगतो ओरोय दोहोनेना। सनातायरे, ईंग हाँयिंग एमेवाता, हना दाः हाँयराः इंदरीरे दाः सूती इया तू ञवनता अरू हना दाः हाँय ओरो टुटीगनेना हना जीव अगी गोःयायता।”

एहुना 6:55

ईंगराः देह सताय जोम जिनिस हवे अरू ईंगराः बलंगी सताय ञूय जिनिस हवे।

मूक चेलाकू 8:36

दो हँकिन सेनेन सेन दूररे हना संडक कुटीरे दाः दोहोना। दो हाँयग मरंग हातपात होड़ कतातेरा, “ञेलमे नंडा दाः इदा। ईंग बतिसमा एमे अते तोनोंग टटी-बेड़ा इदा जा?”

रूमी 3:25

भगवान अबूराः कसूर बदलारे ईसूय डंडियावतेरा, अरू ईसू कुरूसरे गोएगनेनखन अबू लगा अनँयग बलंगीय तूतेरा। अरू ईसू एचेरेकू बिसवासगेता, हँकुःआ होड़कू भगवान बेगर गारबार होड़कू हवे माःआने कतावाकूता। होड़कू मड़ंगरेकू एचेतेरा हना कसूरकून सहाव घड़ीन भगवान मेरेय डंडियावगडकू।

इपीसी 1:7

भगवानराः अगम मयाते ईसू मसीराः बलंगीते अबू अजइतयना अरू अबूराः कसूरे बराव एंडाकेरा।

कुलूसी 1:4

अलिंग अयूमकेरा, अपे ईसू मसी एचेरेपे बिसवासगेतना, अरू भगवानरिकुःआ जमा सुद होड़कू सुदापे अलार-दुलार होड़ेंगतना, माःआन। हनालगा भगवानलिंग धनियाबादता।

1 तिमुतियूस 3:16

अरूबू कबुलाःता हना बिसवास मुरुक गहीर सताय इदा। होड़कूराः सुरइत मुरइतरेय जनमावनेना, बेगर गारबारते इदानिया माःआन सुद बिरुवा कता उदुःतेरा सेरमो देसरिकुःआ बराहीलकू हाँयकू ञेलतेरा, होड़कू हाँय बदीरे जमा जइत होड़कू एचेरेकू परसार उदुःतेरा, चउंदीसरिकुःआ होड़कू हाँय एचेरेकू बिसवासतेरा, अरू मान मरजइत सुदा सेरमो देस अगी भगवान रेम गोःयडिया।

तितूस 3:5

अबूराः तोनोंगाः नपाय बुताते भगवान मेरेय सडावगडबू, मनदो अनँयग आँयग मयावाडबूखन आँयगराः सुद बिरुवा अबू जीवरे पेरेगकेडखन अबूराः कसूरे बुहालकेरा अरू नँवा जीवे एमेकेरा।

इबरानी 10:29

दो अँननपे ओंगले, भगवानरीग बेटाय आड-बेकारवाता अरू मयावाबूता हाँयग सुद बिरुवाय बेग-हतावाता अरू होड़कू सुदगेता हना कता-जमकावतोराः बलंगी सदाःआ इदा माःआने ओंगलेता, हाँयग होड़ भगवान तुमिन बगराय डंडियावगेयता।

इबरानी 12:24

अरू हाबीलराः बलंगी अते मसीराः मुरुक नाय नपाय इरचीत बलंगी हों हंडा इदा। अरू नँवा कता-जमकावतोरीग बिच-बिचवाई होड़ इदानिया हाँयग ईसू हों हंडा इदानिया।

इबरानी 13:20

दो सलसत एमेयीग भगवान, भेड़ाकूरीग मूक सरवाहा अबूरीग परबू ईसू, सगर सइट दोहोनता हना कता-जमकावतोराः बलंगीते गोएगतो अतेय जियाव रेमकिरिया।

इबरानी 9:14

मसी, सगर सइट जीयत दोहोनता हाँयग सुद बिरुवाते, भगवान मड़ंगरे बेगर गारबारते बलिदानगुः लगा अनँयग आँयगे जिमायान। दो अबूराः ओंगोल गोएगतो इयाःआ बुताकून अते अबू जीयत भगवानबू सेवा अवे लगा हाँयराः बलंगी चिला लगा अरू मेर सुदकेःबुःआ?

इबरानी 9:7

मरंग पुजउरी एकला मी बरिसरे मिनी तुरहा जानरकूराः बलंगी गोःकेडखन भितरी छिनारेय बोलता। हना बलंगी अनँयग अरू एटाः होड़कू बेगर सुदीतेकू कसूरगोडा हना कसूरकून भगवान बराव एंडा लगा बलिदाने एमेगेता।

1 पतरस 1:2

ईसू मसीराः कता मनाः लगा, अरू हाँयराः बलंगीते सुद होयाः लगा, अपांग भगवान ओंगोल दोहोकेडपेखने सुनावकेडपेःआ अरू आँयगराः सुद बिरुवाते अपेय सुदकेडपेःआ। दो भगवान जमालेःआते अपेराः जीव मयावा लगा अरू सलसतगे लगायिंग अरजीतना।

1 पतरस 3:21

अरू हना दाः बतिसमाराः अउल-तउल इया इदा। ईसू मसी गोएगतो होड़कू अतेय जियाव रेमकिया अते बतिसमाते अपे बनसाव जुवाःता। नाःआ बतिसमाते अपेराः देहराः मइल बुहाल अमिंगगुः लगा कोवानेःआ। मनदो हन बतिसमा अपेराः इंदरी नपायते दोहो ञवन लगा भगवान एचेरे मीटोंग अरजी इया इदा।

1 एहुना 1:7

मनदो भगवान मरसल इदानिया अरू अबू मरसल इया नपायबू जियाःता दो, अबू अँननबू अबू मिनी इदानबुःआ अरू भगवानरीग बेटात ईसूराः बलंगीते अबूराः जीव अते जमा कसूरकूने बुहाल अमिंगगोडता।

1 एहुना 4:10

अबू भगवान मेरबू अलार-दुलारगरिया, मनदो भगवान अबूय अलार-दुलारकेरा अरू अबूराः कसूर बराव एंडाकेडखन एचे मनावगेय लगा अनँयग बेटात अबू लगाय डंडियावतिरिया। नाःआ अते भगवान अबूय दुलारकेरा।

उदुःतो कताकून 1:5

अरू ईसू मसी हों अपे मयावाडपेखन सलसत एमेवापे लगायिंग अरजीतना। हाँय बिसवासगेयीग दोहोकियानखन होड़कू एचेरे सताय भगवाने उदुःवातेडकुःआ। हाँय गोएगनेनखन जियाव रेमतो होड़कू अते मड़ंगीगे दोहोना अरू चउंदीसरिकुःआ जमा राजाकूरीग मनारंग राजा हवे। ईसू अबूय दुलारकेडबुःआ अरू कुरूसरे अनँयग बलंगीय तूतेड अते हाँय अबू कसूरराः बोझातेय अजइतकेडबुःआ।

उदुःतो कताकून 5:9

हनते हँकुःआ चूबीसगोटोंग जीव-जंतूकू अरू मी कुड़ी चइरगोटोंग मूक होड़कू, नाःआ नँवा सेरेंगकू सेरेंगा; “ने परबू, आमकू ञेड गोएगतेरा, अरू आमराः बलंगीते जमा देसरिकुःआ होड़कू, अरू एटाः एटाः भासीरिकुःआ होड़कू, अरू जमा जइत होड़कू अरू जमा खमदानरिकुःआ होड़कू, हँकुःआ जमा होड़कू भगवान लगाम सडावगोतेडकुःआ। हनालगा आम नाःआ कोंडोड़तो कागद अरू मोहर लड़ा जुकूर इदानमेःआ।

उदुःतो कताकून 7:14

दो ईंग कता कुदातेरा, “ने साहेब, अनम सुदीयता।” हनते हाँय ईंगे कतावाड, “नँकू मुरुक कटसिया सहावकेडखनकू पार वेगकिया हँकुःआ होड़कू हवे। नँकू अँननकूराः सोनहे भेड़ा होनराः बलंगीतेकू बुहाल उजड़केरा।”