1 एहुना 5:19 - Korwa Bible

¹⁹ अबू सुदीयतना अबू भगवानरिकुःआ लइंकू हवे अरू जमा चउंदीसरिकुःआ होड़कू बेलूर इदानिया हाँयराः आड़रे इदानकुःआ।

1 एहुना 5:19 ပူးပေါင်းရင်းမြစ်များ

लूका 4:6

अरू ईसू एचेरेय कताया, “नाःआ जमा देसकूनराः हातपात ईंग लगा जिमात इदा। अरू ईंग चहाःता हनाँयग होड़ लगा नाःआ जमाकूनराः हातपातिंग एमेयता।

एहुना 12:31

भगवान नाःआ चउंदीसरिकुःआ होड़कू फड़ियावकू लगा बेला सोदोरयना अरू भगवान नाःआ चउंदीसरीग राजा कलउए उडुंग एंडागोडेयता।

एहुना 14:30

चउंदीसरीग राजा, कलउ वेगतना। हनालगा ईंग अपे एचेरे नाःआ इया मुरुक बेला वरी ओरोयिंग कतातेरा। हाँय ईंग एचेरे हातपातगे लगा ओरोय अवेतेरा।

एहुना 16:11

चउंदीसरीग राजा कलउ डंडियावगेय लगायिंग फड़ियाव दोहोकेरा। हनालगा सुद बिरुवा फड़ियाव बदीरे होड़कूय उदुःवाकूता।

एहुना 17:15

हँकू नाःआ चउंदीस अते रेम गोःयाकू लगा ईंग मेरिंग अरजीतना। मनदो बेलूरीग अते हँकूम बनसाव हड़ाःकू लगायिंग अरजीतना।

रूमी 8:16

अरू हनाँयग सुद बिरुवा अबूय एचे सुदीबूता, अबू भगवानरिकुःआ लइंकू हवे, माःआन।

2 कुरिंती 1:12

अलिंग नपाय इंदरीते बहालगुः घड़ीनलिंग कतायतना, चउंदीसरे, बिसेक अपे सुदा अलिंगराः लूर-नेवन भगवान जुकूर, सुद अरू सताय इदा। अरू अलिंग अँननलिंगराः कनहूनते कोवान, मनदो भगवान मयावाडलिंगा हनानाः अतेलिंग जियाःतना।

2 कुरिंती 4:4

नाःआ चउंदीसरीग देवता, कलउ बेगर बिसवासी होड़कूराः जीवे अनंदरागोतेडा। ननानाः अते भगवानरीग सिरामइत मसी अगम मरंग इदानिया माःआन उदुःगेयता हना नपाय सरवनराः मरसल अँकू जीवरे मेरकू अटकार अवेयता।

2 कुरिंती 5:1

ईंगरिकुःआ अजी बोपोहकूतिंग, चउंदीसरे अबूराः देह बडे दिन मेर दोहोनता हना कुंबा इया इदा। मनदो हान लाय एंडा जुवाः दो, भगवान अगीते सेरमो देसरे अबू लगा मीटोंग ओड़ाः इदा। सगर सइट लगा दोहोनता हना ओड़ाः होड़कूराः तुलात ओड़ाः ना लवे।

गलातिया 1:4

नाःआ बेलूर चउंदीसराः जंगरते अबू सडावबू लगा, ईसू मसी अबूरीग अपांग भगवानराः ओंगोल इया, अबूराः कसूर लगा अनँयग आँयग गुजुः लगाय जिमायान।

इपीसी 2:2

हनमेला अपे हों चउंदीसरिकुःआ होड़कूराः लूर-नेवन इयापे जियाःआ अरू सेरमोरेकू दँड़ाता हँकुःआ भूतकूरीग राजा कलउराः कतापे मनेवाःआ। अरू कलउ, भगवानराः कता मेरकू मनाःता हँकुःआ होड़कूराः इंदरीरेय बुतातना।

2 तिमुतियूस 1:12

हनालगा ईंग नाःआ जेहेलरे हों हाँय लगा कटसिया सहाव लगा मेरिंग गियुःतना। अरू ईंग इये एचेरेयिंग बिसवासकेरा हनायिंग सुसुदीयतना, अरू हनानाः दिन वरी ईंग एचेरेय जिमाकेरा हनानाः संभाड़गे जुकूर इदानिया माःआनिंग पनकियाबाःगोतेडा।

तितूस 3:3

मड़ंगरे अबू बोको होड़कू अरू भगवानराः कता मेरबू मनाःआ, अडिगतोबू दोहोना अरू जमा बरानाः बेलूर ओंगोलकूनते बझावतोबू दोहोना। अबूराः जीव टेनसाहा अरू इराते पेरेगतो दोहोना, अबू एरंगवा इयाबू दोहोना अरू हिनइस-बिनइस होड़ेंगाबू।

एकूब 4:4

ने सनहा-सनहीत होड़कू, अपे मेरपे सुदीयता जा, अपे नाःआ चउंदीसराः जिनिसकूनपे मंजूरवाता दो, अपे भगवानपे हिनइस-बिनइसवाता। तोनोंगीग होड़ चउंदीसराः जिनिसकून मंजूरगे लगाय चहाःता दो, हाँयग होड़ भगवानरीग मुदइ होड़ इदानिया।

1 एहुना 3:14

अबू अँननबू बिसवासी वपक-बोपोहकू सुदाबू अलार-दुलारतना। नान अते अबू सुदीयता अबू गोएगतो होड़कू इया कोवाबुःआ मनदो अबू ओरो टुटीगनेना हना जीवबू पवावकिया। होड़कू मेरकू अलार-दुलारकूता हँकुःआ होड़कू गोएगतो होड़कू इया इदानकुःआ।

1 एहुना 3:24

भगवानराः हुकुमे मनाःता हाँयग होड़ भगवान सुदा मिनी इदानिया अरू भगवान हों हाँय सुदा मिनी इदानिया। भगवान अबू लगाय एमेकिरिया हाँयग सुद बिरुवातेबू सुदीयता, भगवान अबू सुदा मिनी इदानिया, माःआन।

1 एहुना 5:10

भगवानरीग बेटात एचेरेय बिसवासगेतना हाँयग होड़ अनँयग जीवरेय सुनुदीयतना भगवानराः हिदइत सताय हवे माःआन। भगवानराः कता मेरेय मनाःता हाँयग होड़ ओंगलेता, भगवान लबरातना, माःआन अरू भगवान आँयग बेटात बदीरेय कताकेरा हना कता हँकू मेरकू बिसवासगेतना।

1 एहुना 5:13

भगवानरीग बेटात एचेरेकू बिसवासगेतना हँकुःआ होड़कू लगा ईंग नाःआ कताकूनिंग ओजाःगेतना, जेमहा अपे सुदी अवे ओरो टुटीगनेना हना जीव अपे लगा भगवान एमेकेरा, माःआन।

1 एहुना 5:15

अबू सुदीयता भगवान अबूराः अरजीय अयूमता दो अबू नाःआ हों सुदीयताबू, अबू असेकेरा हना भगवान अगीतेबू पवावकिया।

1 एहुना 5:18

अबू सुसुदीतना भगवानरिकुःआ लइंकू ओरोकू कसूरगोड ञवननेना। भगवानरीग बेटात हँकूय बनसावता अरू बेलूर इदानिया हाँयग कलउ, हँकू तोनोंग इया ओरोय हानी अवेतेडकुःआ।

1 एहुना 5:20

अबू नाःआ हों सुदीयतनाबू भगवानरीग बेटात चउंदीसरेय वेगकिया अरू हाँय अबू सताय भगवाने एचे सुदीगोतेडबुःआ। अबू हनाँयग सताय भगवान अरू आँयग बेटात ईसू मसी सुदाबू मिनीयना। हनाँय हवे सताय भगवान अरू हाँय अबू लगा ओरो टुटीगनेना हना जीवे एमेयता।

उदुःतो कताकून 12:9

हनते हाँयग लाल मरंग बींग चउंदीसरेकू तेके लोजोरगोतेडीग। हाँय अरू आँयगरिकुःआ बराहीलकू सेरमो देस अतेकू तेके लोजोरगोतेडकू। हाँयग बींग दरहा अरू कलउ माःआनकू कतावायता। हनाँय जमा चउंदीसरिकुःआ होड़कू मनाड़ंग वरीतेय बहकावकूता।

उदुःतो कताकून 20:3

हनते हाँयग बराहील लाल मरंग बींग पतालपूरेय सोलोंगतेडीग अरू हंडा हाँये सींगगोतेड अरू सेरमो अगीते मोहरे लगावगोतेड, जेमहा हजार बरिस अरीन पुराः वरी जमा जइत होड़कू हाँय अलोय अडिग अवेकू। हनते तोनोंग बेला वरी अरूय अड़ाःगेयता।