1 एहुना 4:15 - Korwa Bible

¹⁵ तोनोंगीग होड़ एटाःकू एचेरेय कतायता, ईसू भगवानरीग बेटात हवे, माःआन दो हाँय जीवरे भगवान दोहोनता अरू हाँय हों भगवान सुदाय मिनी जुवाःता।

1 एहुना 4:15 ပူးပေါင်းရင်းမြစ်များ

मती ओजाःतेरा भगवानराः नपाय सरवन 10:32

हनते ईसू अरूय कताया, “अपे ईंगपे अयूम! तोनोंगीग होड़, होड़कू मड़ंगरे ईंगे मान मरजइत दो, ईंग हों सेरमो देसरीग अपांग भगवान मड़ंगरे हाँयग होड़िंग मान मरजइतगेयता।

लूका 12:8

हनते ईसू कताया, “ईंग बड़रापे अयूम। तोनोंगीग होड़ एटाःकू मड़ंगरे ईंगे मान मरजइतता दो मनुवारीग बेटात हों भगवानरिकुःआ सेरमो देसरिकुःआ बराहीलकू मड़ंगरे हाँये मान मरजइतता।

एहुना 6:56

ईंगराः देहे जोमगोडता अरू ईंगराः बलंगीय ञूयता हाँयग होड़ ईंग सुदा मिनीय दोहोनता अरू ईंग हों हाँय सुदा।

मूक चेलाकू 8:37

[दो पिलिप कतातेरा, “आम जमा जीवतेम बिसवासगेतना दो बतिसमायिंग एमेवामता।” दो हाँय कता कुदातेरा, “हाव, ईंग बिसवासगेतना ईसू मसी भगवानरीग बेटात हवे, माःआन।”]

रूमी 10:9

अपे ईसू मसी, परबू हवे माःआन अरू भगवान हाँय गोएगतो होड़कू अतेय जियाव रेमकिडिया, माःआनपे बिसवासगेता, अरूपे कबुलाःतान दो अपे सडाव जुवाःतापे।

पिलिपी 2:11

हँकू इनीसू मसी, परबू हवे माःआनकू कबुलाःता जेमहा अपांग भगवानराः मान मरजइत होयाः।

1 एहुना 2:23

भगवानरीग बेटाते आड-बेकारवायता हाँयग होड़ एचेरे अपात भगवान हों कोवाया अरू भगवानरीग बेटाते मनेवाता हाँय एचेरे अपात भगवान हों इदानिया।

1 एहुना 2:24

ईसू बदीरे मड़ंगरेपे अयूमकेरा हना कता सगर बेला अपे जीवरेपे दोहोगे दो, अपे अपांग भगवान सुदा अरू भगवानरीग बेटात सुदा नपाय नतारे इदानपेःआ।

1 एहुना 3:23

भगवानराः हुकुम ननानाः हवे। भगवानरीग बेटात ईसू मसी एचेरे अबू बिसवासगे लगा इदा। अरू ईसू मसी अबू एचेरेय हुकुमकेरा हनन इया एटाः होड़कू सुदा अलार-दुलारते दोहोन लगा इदा।

1 एहुना 3:24

भगवानराः हुकुमे मनाःता हाँयग होड़ भगवान सुदा मिनी इदानिया अरू भगवान हों हाँय सुदा मिनी इदानिया। भगवान अबू लगाय एमेकिरिया हाँयग सुद बिरुवातेबू सुदीयता, भगवान अबू सुदा मिनी इदानिया, माःआन।

1 एहुना 4:12

तोनोंगीग होड़ भगवान नुँहू वरी मेरकू ञेलगडिया। मनदो अबू अलार-दुलार होड़ेंगता होले भगवान अबू जीवरेय दोहोनता अरू हाँयराः दुलार अबू जीवरे उडु-बुडू जुवाःता।

1 एहुना 4:2

ईसू मसी नाःआ चउंदीसरे होड़कूराः सुरइत मुरइतरेय वेगकिया, माःआने कतायता हनाँयग होड़ भगवानरीग होड़ हवे अरू नानाः कतातेपे सुदी अवेयता हाँय एचेरे भगवानराः सुद बिरुवा इदा।

1 एहुना 5:1

ईसू, मसी हवे माःआने बिसवासगेयता हाँयग होड़ भगवानरीग लँइग हवे। अरू हाँयरीग अपात सुदाय अलार-दुलारता हाँय आँयग अपातरिकुःआ लइंकू होंय अलार-दुलारकूता।

1 एहुना 5:5

ईसू भगवानरीग बेटात हवे माःआनकू बिसवासगेतना हँकुःआ होड़कू एकला नाःआ चउंदीसराः बेलूर ओंगोल अरू कताकूनकू अड़ाः अवेयता।

2 एहुना 1:7

होड़कू एचेरेकू अडिग जोमता हँकुःआ होड़कू चउंदीसरे मुरुक इदानकुःआ। हँकू कतायता, ईसू मसी मनुवाराः सुरइत मुरइतरे मेरेय जनमावगान, माःआन। आअडिग होड़कू अरू मसी मुदइ होड़कू नननकू हवे।