1 एहुना 3:7 - Korwa Bible

⁷ ने ईंगरिकुःआ लइंकू इया होड़कू, अपे तोनोंग बेला तोनोंगीग होड़ अलोय अडिग अवेपे। ईसू मसी नपाय इदानिया अरू नपाये एचेयता हनाँयग होड़ ईसू मसी इया नपाय होड़ हवे।

1 एहुना 3:7 ပူးပေါင်းရင်းမြစ်များ

मती ओजाःतेरा भगवानराः नपाय सरवन 5:20

अपे ईंगपे अयूम, अपेराः लूर-नेवन फरीसी होड़कू अरू भगवानराः नियम चेडदार होड़कूराः लूर-नेवन अते नपाय मेर दोहोन दो अपे भगवानराः राइजरे कहियो ओरोपे बोलो अवेनेना।”

लूका 1:75

सगर सइट बेगर बोरते हाँयबू सेवा अवे।”

मूक चेलाकू 10:35

मनदो जमा जइत होड़कू अते भगवानकू मान मरजइतता अरू सताय बुताकूनकू एचेयता हँकुःआ होड़कूय मनेवाता।

रूमी 2:13

नियमकून एकलाय अयुमेता हाँयग होड़ भगवानराः ओंगोलरे बेगर गारबारीग होड़ मेरेय बड़ाँःता। मनदो हना नियम इयाय सलाःता, हनाँयग होड़ भगवान बेगर गारबार होड़ माःआने कतावायता।

1 कुरिंती 6:9

अपे मेरपे सुसुदीतना जा गारबार होड़कू भगवानराः राइजरे इताडदारकू ओरोकू बड़ाँवनेना? तोनोंगीग अपे अहाकू अडिग अवेपे। एटाःकू सुदा बेलूर बुताकून बुता होड़कू, अरू मुरती सेवा होड़कू, अरू बियाहगुः तयोमते सनहा-सनही एचे होड़कू, अरू बंदरा होड़कू, अरू मनारद मरदकू सुदा घोड़ा होड़ेंग होड़कू,

इपीसी 5:6

तोनोंगीग होड़ अँकूराः लबरा चेडतोते अलोकू अडिग अवेपे। बेलूर बुता एचेकेडखन भगवानराः कता मेरकू मनाःता हँकुःआ होड़कू एचेरे भगवान रीस रंजाव जुवाःताय।

इपीसी 5:9

दो मरसल पवावतो होड़कूराः जीवरे जमालेःआते नपाय अरू सताय जोःओकून जोःता।

पिलिपी 1:11

नाःआ इयाःआ नपाय लूर-नेवन ईसू मसीते अपेराः जीवरे होयाःता, अरू हनाते होड़कू भगवानकू जाग अरूकू मान मरजइतगेय।

इबरानी 1:8

मनदो अनँयग बेटात बदीरे नाःआ इयाय कतायता, “ने भगवान, आमराः राइज सगर सइट वरी दोहोनता, अरू आम राइजगेराः बोंग साबकेडखन सतायतेम फड़ियावगेता।

इबरानी 7:2

हनते इबराहीम हनाँय एचेरे लड़ाइते जितावनेनखन लुड़ी अगूत आन-धान अते दस बंटारे मी बंटाय ओवातिडिया। हाँयग मलकिसिदिकराः ञावराः अरत सतायराः राजा हवे। मनदो सालेमराः अरत सलसत हवे। हनालगा हाँय सलसतराः राजा हों इदानिया।

एकूब 1:22

भगवानराः सरवन अअयूम एकलाते अँननपे अपे अडिग जोम होड़कू अलोपे बड़ाँः। मनदो हना सरवन इयाकू सलाःता हँकुःआ होड़कूपे बड़ाँः।

एकूब 2:19

आम बिसवासगेतना जा भगवान मिनीटोंग इदानिया? नपाय। हना कता भूतकू हों बिसवासगेतना अरू एकलाः घड़ीनकू बोरता, माःआन।

1 पतरस 2:24

हाँय अनँयग देहरे अबूराः कसूरे लदाव गोःतेडखन कुरूसरेय गोएगनेना, जेमहा कसूर बदीरे गोएगतोबू दोहोन, अरू भगवानराः ओंगोल इया नपाय जीवबू जियाव अवेन। हाँयराः घाँवकूनते अबूराः जमा बरानाः बेमरियाकून नपाययना।

1 एहुना 2:1

ने ईंगरिकुःआ लइंकू इया होड़कू, अपे अहापे कसूरगे लगा ईंग नाःआ कता अपे लगा ईंग ओजाःगेतानिंग। मनदो तोनोंगीग होड़ कसूरगे दो, बेगर गारबारीग ईसू मसी अबूराः कसूर बराव एंडागे लगा उकील इया अपात भगवान एचेरे इदानिया।

1 एहुना 2:26

तोनोंग तोनोंग होड़कू अपे अडिग लगाकू ओंगलेता। हनालगा ईंग अपे सेताव घड़ीनिंग ओजाःगेतना।

1 एहुना 2:29

अपे सुदीयतना ईसू मसी बेगर गारबारीग इदानिया। दो अपे सुनुदीबाःका, सतायरेकू सलाःता हँकुःआ होड़कू भगवानरिकुःआ लइंकू हवे।

1 एहुना 3:18

ने ईंगरिकुःआ लइंकू इया होड़कू, अपे बनाड़रा बड़राते एकला अलोपे अलार-दुलारकू, मनदो एटाः होड़कू संघरावाकू घड़ीन सतायते अलार-दुलारकू लगा इदा।

1 एहुना 3:3

तोनोंगीग होड़ ईसू मसी इया होयाः लगाय असराता दो, ईसू मसी सुद इदानिया हनन इया, हाँयग होड़ अनँयग आँयग सुदगुः लगा इदा।

1 एहुना 4:17

नाःआ इया अबू जीवरे दुलार उडु-बुडू जुवाःता, जेमहा ईसू नाःआ चउंदीसरेय जियावनेना हनन इया अबू हों जियाः दो, फड़ियावराः दिनरे अबू डीड़तेबू दोहो अवेनता।