1 एहुना 3:4 - Korwa Bible

⁴ कसूरगेताकू हँकुःआ होड़कू भगवानराः नियमकू टड़ावता। अरू सनातायरे भगवानराः नियम टड़ाव दो कसूर हवे।

1 एहुना 3:4 ပူးပေါင်းရင်းမြစ်များ

मती ओजाःतेरा भगवानराः नपाय सरवन 5:19

हनालगा तोनोंगीग होड़ भगवानराः नियमकून अते हुनुडिंगाः नियमे टड़ावगोडता अरू हनन इयाय चेडकूता दो, हाँय भगवानराः राइजरे जमाकू अते हुडिंग कतावाडिगखनकू रगेयता। मनदो हना नियमकूने मनाःता अरू एटाः होड़कूय चेडता, हाँयग होड़ भगवानराः राइजरे जमाकू अते मरंग कतावाडिगखनकू रगेयता।

मूक चेलाकू 23:3

दो पउलूस हाँय एचेरेय कताया, “ने बेलूर पचघुचिया होड़, भगवान आमे ञेडता। आम नियम इया ईंग बदीरे फड़ियावगे लगाम दुड़ुःकिया अरू आम अनम नियम टड़ाव एंडाकेडखन ईंग ञेड लगाम कतावाकूतना जा?”

रूमी 3:20

दो तोनोंगीग होड़ नियम मनाः लगा कुरनिसगे अते भगवानराः ओंगोलरे बेगर गारबारीग होड़ ओरोय बड़ाँवनेना मनदो नियमते अबू सुदीगोडता, अबू कसूर होड़कू इदानबुःआ, माःआन।

रूमी 4:15

होड़कू भगवानराः नियमकून जमालेःआ मेरकू मनाव अवेनतान अते भगवान डंडियावकूताय। मनदो नियमकून मेर दोहोन दो नियमकून टड़ावराः कता करा इया दोहोकुःआ?

2 कुरिंती 12:21

ईंग बोरतना, अपे एचेरे अरूयिंग सेन दो होयाःकून करे अपे मड़ंगरे भगवान ईंगे एचे गियूगोडिंग। अपे अते मुरुक होड़कू मड़ंगरेकू एचेया हना सनहा-सनही, लमचोर-लिमचोर अरू बेलूर बुताकून अड़ाःकेडखन भगवान अगी जीव मेरकू कुदागरा। अरू हँकुःआ होड़कू हनानाः बुताकून एचे घड़ीनकू जियाःतना। दो ईंग हँकुःआ होड़कू लगा मुरुक फिकिराः पराःता करे?

एकूब 5:15

अरू बिसवासराः अरजीते बेमरिया होड़ बनसाव जुवाःता अरू परबू हाँय नपाये दोहोयता। हाँय तोनोंगाःआय कसूरतेड दो, हना हों परबू बराव एंडागोडताय।

1 एहुना 5:17

होड़कू एचेयता जमा इयाःआ गारबार दो कसूर हवे। मनदो हना अते तोनोंग तोनोंग कसूर होड़कू एचेयतान दो हँकू मेरकू गुजुःता।