1 एहुना 2:7 - Korwa Bible

⁷ ने ईंगरिकुःआ सउंगताकू, ईंग अपे लगा तोनोंग इयाःआ नँवा नियम मेरिंग ओओजाःतना। मनाड़ंग जूग अते अपे एचेरे इदा अरूपे अयूमकेरा हनानाः सरवन हवे ननानाः नियम।

1 एहुना 2:7 ပူးပေါင်းရင်းမြစ်များ

मती ओजाःतेरा भगवानराः नपाय सरवन 5:43

“अरू अबूरिकुःआ खुटिपरिया होड़कू एचेरे भगवान कतातेरा हना कता अपे मेरपे सुदीयता जा, आमरीग परुसीम अलार-दुलारगेय? अरू अपेरिकुःआ मुदइकूपे हिनइस-बिनइसवा।

एहुना 13:34

ईंग अपे लगा मीटोंग नँवा हुकुमिंग एमेयतना। ईंग अपेयिंग अलार-दुलारतना, हनन इया अपे होँपे अलार-दुलार होड़ेंगगोड ञवन।

मूक चेलाकू 17:19

हनते हँकू हाँय अरियूपगुसराः मरंग पंचाइतरेकू अगूतिरिया अरू हाँय एचेरेकू कतातेरा, “आम चेड उदुःगेतना हना नँवा चेड अले होंम कता उदुःवा हान चिला हवे, माःआन।

इबरानी 6:9

ने सउंगताकू, अले नाःआ इयाले कतायतान हों, अपे बदीरे नाय नपाय अरू सडावगे इयाःआ कताकूनले भरसाता।

1 एहुना 2:24

ईसू बदीरे मड़ंगरेपे अयूमकेरा हना कता सगर बेला अपे जीवरेपे दोहोगे दो, अपे अपांग भगवान सुदा अरू भगवानरीग बेटात सुदा नपाय नतारे इदानपेःआ।

1 एहुना 3:11

ननानाः सरवन अपे मड़ंग वरीतेपे अअयूमतना, अँननपे अपे अलार-दुलार होड़ेंग।

1 एहुना 3:2

ने ईंगरिकुःआ सउंगताकू, अबू भगवानरिकुःआ लइंकू हवे। अबू तयोमरे करा इयाबू होयाःता हना नुँहू जमालेःआते मेरबू सुसुदीता। मनदो अबू नाःआबू सुसुदीतना, हाँय सेरमो देस अतेय वेगता हनमेला अबू हाँय इदानिया हनन इयाबू ञेलेयता अरू हनाँय इयाबू होया जुवाःता।

1 एहुना 3:21

अबू जीवरे कसूरराः बोझा मेर दोहोन दो भगवान एचेरे डीड़तेबू सेने अवेनता।

1 एहुना 3:23

भगवानराः हुकुम ननानाः हवे। भगवानरीग बेटात ईसू मसी एचेरे अबू बिसवासगे लगा इदा। अरू ईसू मसी अबू एचेरेय हुकुमकेरा हनन इया एटाः होड़कू सुदा अलार-दुलारते दोहोन लगा इदा।

1 एहुना 4:1

ने अजी बोपोहकूतिंग, नाःआ चउंदीसरे भगवानराः बड़रा लबराकेडखन कताय होड़कू मुरुक इदनकुःआ। हँकुःआ होड़कूराः कता अपे ओहेन अहापे बिसवासगे। मनदो अपे हँकुःआ होड़कू सतायते भगवानराः बड़राकू कतायता जा कोवान हना नपायते जासवाडखनपे बिसवासगे।

1 एहुना 4:11

ने सउंगताकूतिंग, भगवान अबू मुनुरुके दुलारकेडबुःआ। हननलगा अबू हों अलार-दुलार होड़ेंग लगा इदा।

1 एहुना 4:21

भगवान अबू लगा नाःआ इयाय हुकुमकेरा, भगवान सुदाय दुलारता हाँयग होड़ एटाः बिसवासी होड़कू हों अलार-दुलारकू लगा इदा।

1 एहुना 4:7

अलार-दुलार भगवान अगीते होयाःता। हनालगा ईंगरिकुःआ सउंगताकू, अँननबू अबू अलार-दुलार होड़ेंग लगा इदा। अबू अते तोनोंगीग होड़ एटाःकूय अलार-दुलार दो, हाँय भगवानरीग लँइग हवे अरू हाँय भगवाने सुदीता।