1 एहुना 1:3 - Korwa Bible

³ अले ञेलकेरा अरूले अयूमकेरा, हनानाः अपे एचेरे होंले कतायतना, जेमहा अपे अले सुदापे मिनी जुवाः। अरू अले हों अबूरीग अपांग भगवान अरू आँयगरीग बेटात ईसू मसी सुदा मिनी इदानलेःआ।

1 एहुना 1:3 ပူးပေါင်းရင်းမြစ်များ

एहुना 17:11

ईंग नाःआ चउंदीसरे ओरोयिंग दोहोनेना मनदो नँकू चउंदीसरेकू दोहोनता अरू ईंग आम एचेरेयिंग सेनता। ने सुद अपांग भगवान, अलंग मिनी इदानलंगा, हनन इया हँकू हों मिनीकू दोहोन लगा ईंगमे एमेवातेरा अनमराः ञावराः जंगरते हँकूम बनसावगोड ञवन।

एहुना 17:21

ने अपांग, आम ईंग सुदा मिनी इदानमेःआ अरू ईंग आम सुदा मिनी इदानिंगा, हनन इया हँकुःआ होड़कू हों जमाकू अँननकू अँकू मिनी जुवाः। नाःआते चउंदीसरिकुःआ होड़कू बिसवासगेता अनम ईंगमे वारकेरा।

एहुना 17:25

अगम नपायीग अपांग, चउंदीसरिकुःआ होड़कू आम मेरकू सुदीगाडमेःआ। मनदो ईंग आमिंग सुसुदीतना अरू ईंगरिकुःआ चेलाकू होंकू सुदीयतना अनम ईंगमे वारकेरा।

एहुना 17:3

मिनीटोंग सताय भगवान अनम इदानमेःआ। दो आम अरू आम वारकिरिया हाँयग ईसू मसी, अलंग बना होड़कू सुदीलंगता, हनानाः हमा ओरो टुटीगनेना हना जीव।

एहुना 19:35

नाःआ कागदिंग ओजाःगेतना, ईंग हना जमाकूनिंग ञेलतेरा, अरू ईंग सनाताय हिदइतिंग कता उदुःगेतना, जेमहा अपे हों नाःआ कताकून बिसवासकेडखन ईसू एचेरेपे बिसवास अवेय।

मूक चेलाकू 13:32

भगवान अबूरिकुःआ खुटिपरिया होड़कू एचेरेय जबानतेरा हना जबान, हाँय ईसू गोएगतो होड़कू अतेय जियाव रेमकिरिगखन, अबू जूगरेय पुरावगोतेडा।

मूक चेलाकू 13:41

ईंगपे एरांगवाता हँकुःआ होड़कू, बयावकियानखन लाय जुवाःपे। अपेराः जूगरे ईंग मीटोंग बुतायिंग एचेयता, हना बुता बदीरे तोनोंगीग अपे एचेरेय कताय होले अपे तोनोंग मेला ओनोरोपे बिसवासतेरा।”

मूक चेलाकू 2:42

दो बिसवासी होड़कू मूक चेलाकूराः चेड मिनी जीवतेकू मनावनेना अरू एटाः बिसवासी होड़कू सुदा संगइतीरेकू दुड़ुःआ। हँकू रुटीकू डुंडीगा अरू मिनीरे जुमावनेनखनकू अरजीःआ।

मूक चेलाकू 20:27

हनालगा ईंग कता उदुःगेतना, तोनोंगीग होड़ बेगर बिसवासतेय गोएग जुवाः दो, हाँयराः जिमेवारी ईंगराः ओरो दोहोनेना।

मूक चेलाकू 4:20

अलिंग ञेलकेरा अरूलिंग अयूमकेरा हना कता बदीरे अलिंग कलेकाल ओरोलिंग दोहोनेना।”

रूमी 15:27

मड़ंगरे भगवानराः नपाय सरवन मकिदुनिया राइजरिकुःआ अरू अकाया राइजरिकुःआ होड़कू एहूदाकू अतेकू अयूमतेरा। हनालगा हँकुःआ होड़कू एहूदा बिसवासी होड़कू संघरावाकू लगा हों हँकूराः जिमेवारी इदा।

1 कुरिंती 1:30

भगवान अपे ईसू मसी सुदाय मिनीकेडपेःआ अरू हाँय अगीते अबू कनहूनदारकू बड़ाँवकिया। अरू हाँयते अबू भगवानराः ओंगोलरे बेगर गारबार होड़कूबू बड़ाँवकिया अरू सुद होड़कू बड़ाँवकेडबूखने सडावकेडबुःआ।

1 कुरिंती 1:9

भगवान बिसवासगेयीग इदानिया अरू हाँय अपे अनँयगरीग बेटात अबूरीग परबू ईसू मसी सुदा मिनी जुवाः लगाय राःकेडपेःआ।

1 कुरिंती 15:1

ने ईंगरिकुःआ अजी बोपोहकूतिंग, ईसू मसीराः नपाय सरवन अपे मड़ंगिंग कता उदुःवातेडपेःआ। अरू हनानाः सरवन अपे नुँहू उहियारगे लगायिंग चहाःतना। अपे हना सरवनपे बिसवासकेरा अरू बड़ियाड़ इदानपेःआ।

2 कुरिंती 13:14

परबू ईसू मसी अपेय मयावा अरू भगवान अपेय दुलार अरू सुद बिरुवाराः संगइती अपे जमाकू सुदा सगर सइट होनोयागोड ञवन। आमीन!

इपीसी 3:6

ओकोत कता ननानाः हवे, ईसू मसीराः नपाय सरवनते अपे बेगर एहूदाकू, एहूदाकू सुदा इताडदारपे बड़ाँवयना अरू मिनीटोंग देहराः दगलीकूनपे बड़ाँवयना अरू ईसू मसीतेकू पवाःता हना जबान अपे होँपे पवावयना।

पिलिपी 1:7

नुँहू ईंग जेहेलरे इनिदानिंग मेला अरू मड़ंगरे नपाय सरवन, सताय हवे माःआनिंग कनता कताय मेला, अपे भगवानराः मया इया ईंगपे सेवा देंगवातेरा। अपे ईंगराः जीवरे इदानपेःआ। हनालगा अपे बदीरे नाःआ इयायिंग ओंगले दो नपाय इदा।

पिलिपी 2:1

ईसू मसी अपेय कता-बहालकेरा अरू हाँय दुलारकेडपेखन अपेराः जीवे हड़ियाड़केरा। सुद बिरुवा अपेय मिनी जुमूटकेडपेःआ अरू अपे अँननपे अपे सोगा होड़ेंगतना अरू मया होड़ेंगतनापे।

पिलिपी 3:10

ईसू मसी जमालेःआते सुदीगेय लगायिंग चहाःतना। ईसू मसी गोएगतो अते भगवान जियाव रेमतिरिया हना जंगर अटकारगे लगा हों ईंग चहाःतना। अरू ईसू मसी करा इया कटसिया सहावतेडखने गोएगनेना हन, ईंग हों बुझावकियानखन अटकारगे लगायिंग चहाःतना,

कुलूसी 1:13

भगवान अबू कलउराः अंदरा राइज अते सडावकेडबूखन, अनँयगरीग दुलार बेटातराः राइजरेय गोः अदेरकेडबुःआ।

1 तिसलूनिका 1:10

अरू गोएगतो अते भगवान जियाव रेमकिडिया आँयगरीग बेटात भगवानराः दरवाःआ हना डंडियाव अतेय सडावबूता हनाँयग ईसू सेरमो देस अतेय कुदा वेगता, हाँयकू टकागोड ञवनतना, माःआन।

1 तिमुतियूस 6:2

तोनोंगीग बेगारी होड़रीग मालिक बिसवासी होड़ दोहोन दो, हाँय बिसवासी होड़ इदान अते हाँयग मालिकतेन अलोय आड-बेकारवाय। हँकुःआ बेगारी होड़कू अते नफाकू पवाःता हँकुःआ मालिककू बिसवासी होड़कू अरू दुलारतो इदनकुःआ। हनालगा बेगारी होड़कू अँननकूरिकुःआ मालिककू अनउर नपायते सेवाकू लगा इदा। दो तिमुतियूस, नाःआ जमा कताकूनमे चेडवाकू अरूकू एनेचेगोड ञवन लगाम समझावकू।

इबरानी 2:12

भगवानराः कागदरे हाँय कतायता, “ईंग आम बदीरे ईंगरिकुःआ बोपोहकूतिंग एचेरेयिंग कतायता; अरू जमा बिसवासी होड़कू तलारे आमराः ञाविंग जागता।”

इबरानी 3:1

ने सुद अजी बोपोहकूतिंग, भगवान ईंगे राःकेरा हनन इया अपे होंय राःकेरा। हनालगा भगवानरीग बराहील अरू मूक पुजउरी हवे माःआनबू कबुलाःता हाँयग ईसू एचेरे अपेराः ओंगोलपे टक-टकगोड।

इबरानी 3:14

अबू बिसवासकेरा हना बेलाःआ भरसा, टुटीग वरीबू बड़ियाड़ इदीन दो, अबू मसीरिकुःआ बुता देंगवा होड़कूबू बड़ाँव जुवाःता।

1 पतरस 5:1

ईंग कलसियारीग मी होड़ अगुवा होड़ इदानिंगा अरू ईसू मसीराः कटसिया इनिंग ईंग ञेलतेरा। अरू दरवाःआ हना दिनरे भगवान जमाकू मड़ंगरेय एचे ञेलेयता हना मान मरजइत हाँय सुदा ईंग होयिंग पवाःता। दो ईंग कलसियारिकुःआ अगुवा होड़कू समझाव घड़ीनिंग कतावाकूतना,

2 पतरस 1:16

ईसू मसीराः जंगर बदीरे अरू हाँयराः कुदा वेग बदीरे अले तोनोंगाः तुलात कहड़ीकून मेरले कता बोनावगाडपेःआ। मनदो अले अँननलेराः मेडते हाँय तुमिन मरंग इदानिया हनाले ञेलकेरा।

1 एहुना 1:1

ने अजी बोपोहकूतिंग, जीव एमेता हना सरवन जूग परियाते दोहोना अरू ननाः बदीरे अपे लगाले ओजाःगेतना। अले हनानाः सरवन अँननलेराः मेडतेले ञेलतेरा अरूले अयूमतेरा, अले अँननलेराः तिःईतेले टोँवावतेरा।

1 एहुना 1:5

भगवान मरसल इदानिया अरू हाँय एचेरे अंदरा इया तोनोंगाः कोनोवानेःआ। नानाः सरवन अले हाँय अतेले अयूमकेरा अरू अपे एचेरेले कता उदुःगेतना।

1 एहुना 1:7

मनदो भगवान मरसल इदानिया अरू अबू मरसल इया नपायबू जियाःता दो, अबू अँननबू अबू मिनी इदानबुःआ अरू भगवानरीग बेटात ईसूराः बलंगीते अबूराः जीव अते जमा कसूरकूने बुहाल अमिंगगोडता।