1 कुरिंती 9:8 - Korwa Bible

⁸ नाःआ कता ईंग इनिंगराः ओंगोलते मेरिंग कतायतना अरू भगवानराः कागदरे हों ननन इया कतायता।

1 कुरिंती 9:8 ပူးပေါင်းရင်းမြစ်များ

रूमी 3:31

दो अबूराः बिसवास अते नियम सदाःआ होया जुवाःता जा? कोनोवानेःआ। बिनिसवासते अबू जमालेःआ नियमकूनबू एचे पुराव अवेता।

रूमी 3:5

मनदो अदोम होड़कू कतायता, अलेराः कसूरते होड़कू सुदीगोडता भगवान तुमिन नपाय इदानिया, माःआन। दो नाःआ कता बदीरे चेले माःआनबू कताय? होड़कू अँनकूराः ओंगोल इयाकू कता अवेयता, हाँय अलेराः कसूर बदलारेय डंडियावले दो हाँयराः फड़ियाव सताय कोवानेःआ, माःआन। (ईंग होड़कूराः ओंगोल इयायिंग कतायतना।)

रूमी 6:19

अपे ओहेनपे बुझाव अवेन लगा ईंग मीटोंग बड़रायिंग ककतातना। मड़ंगरे अपे अँननपेराः देह दगलीकून कसूर अरू बेनेलूर बुताकून एचेय लगापे जिमातेरा। दो नुँहू अपे हनन इया अपेराः देह दगलीकून, नपाय बुता एचेय लगा अरू अपेराः जीव सुद होयाः लगा, भगवान एचेरेपे जिमा एंडागोड।

1 कुरिंती 14:34

अपेराः कलसियारे तोनोंगीग सरवने कता मेला अपेरिकुःआ अइमीकू हों बुतुड़ु लगा कोवानेःआ। हँकू कलेकाल दोहोन लगा इदा। भगवानराः नियम इया हँकू कता मनाः घड़ीन दोहोन इदा।

1 कुरिंती 7:40

मनदो ईंगराः ओंगोलरे हाँयग रंडियाहीन रनंडियाहीने दोहोन दो हाँय बहालतेय दोहोनता। अरू ईंग ओंगलेतना भगवानराः बिरुवा ईंग एचेरे हों इदा।

गलातिया 1:11

ईंग अजी बोपोहकूतिंग, अपेयिंग कता उदुःवाडपेःआ, हना नपाय सरवन होड़कूराः तुलात सरवन ना लवे।

1 तिसलूनिका 2:13

अले अपे एचेरेले परसारतेरा हना नपाय सरवन होड़कूराः सरवन इया मेरपे ओंगोलगाड, मनदो भगवान कतातेरा हना सताय सरवन इयापे ओंगोलतेरा अरूपे मनाःआ। हननलगा अपे लगा अले भगवानले धनियाबादगोड ञवनतना अरू भगवानराः नाःआ सरवनरेकू बिसवासगेता अपेराः इंदरीरे बुतागोड ञवनता।

1 तिसलूनिका 4:8

हनालगा तोनोंगीग होड़ नाःआ कताय आड-बेकारवा दो, हाँय होड़कूराः कता मेरेय आड-बेकारवाता, मनदो अबू लगा आँयगराः सुद बिरुवाय एमेयता हनाँयग भगवाने आड-बेकारवाता।