1 कुरिंती 9:26 - Korwa Bible

²⁶ हनालगा ईंग अंटो-घंटो होड़कू इया सहे होय सुदाकू घुसाता, हँकुःआ होड़कू इया भगवानराः बुता मेरिंग बुतातना।

1 कुरिंती 9:26 ပူးပေါင်းရင်းမြစ်များ

मती ओजाःतेरा भगवानराः नपाय सरवन 11:12

बतिसमा एमेयीग होड़ एहुनाराः बेला अते नुँहू वरी भगवानराः राइजरे मुरुक बगरा होड़कू रेनहा-पेलहाकू बोलतना अरूकू हातपातगेतना।

लूका 13:24

“ईंग अपे एचेरेयिंग कतायतना, मुरुक बगरा होड़कू बोल लगाकू चहाःता मनदो ओरोकू बोलो अवेनेना। हनालगा सेपटा दुवारते भगवानराः राइजरे बोल लगापे कुरनिसगे।

1 कुरिंती 14:9

दो ननन इया अपे हों टहकार मेरपे बड़राकुः दो, करा उड़ी होड़कू अपेराः बड़राकू बुझाः अवेकुःआ? तोनोंगीग अपेराः बड़रा मेरकू बुझाः दो अपे अयाँड़-गोटाँड़ बुतुड़ूपे बुतुड़ुता।

2 कुरिंती 5:1

ईंगरिकुःआ अजी बोपोहकूतिंग, चउंदीसरे अबूराः देह बडे दिन मेर दोहोनता हना कुंबा इया इदा। मनदो हान लाय एंडा जुवाः दो, भगवान अगीते सेरमो देसरे अबू लगा मीटोंग ओड़ाः इदा। सगर सइट लगा दोहोनता हना ओड़ाः होड़कूराः तुलात ओड़ाः ना लवे।

2 कुरिंती 5:8

अले डीड़गार इदानलेःआ अरू नाःआ देह अटू एंडाकेडखन परबू सुदा बसाः लगाले तरसाःतना।

गलातिया 2:2

भगवान ईंगे कतावातेरा, आम एरुसलेममे सलाव जुवाः, माःआन। हनालगा ईंग हंडा तोरायिंग। हंडाले सोदोरनेनखन, बिसवासी होड़कूरिकुःआ मरंग मरंग मूक होड़कू सुदा, एटाःरेले जुमावनेना। बेगर एहूदाकू एचेरे नपाय सरवन कता उदुःगे लगा ईंगराः मड़ंगःआ अरू नुँहुःआ सेसा-दुरात, सदाःआ अहा होयाः लगा, हना सरवन बदीरे हँकुःआ मूक होड़कू एचेरे एकलायिंग कतातेरा।

इपीसी 6:12

अबूराः लड़ाइ होड़कू सुदा कोवानेःआ। मनदो सेरमोरेकू दोहोनता हँकुःआ भूतकूरिकुःआ परधानकू अरू हातपातदारकू सुदा अरू अंदरारेकू दोहोनता हँकुःआ जंगरदार भूतकू सुदा अरू बेलूरकू एचे बुताकूता हना सेरमोरिकुःआ सइनाकू सुदा अबूराः लड़ाइ इदा।

पिलिपी 1:21

दो ईंग जीयतिंग दोहोन दो मसी लगायिंग दोहोनता अरू ईंग गुजुः दो ईंग लगा अरू नफा होयाःता।

कुलूसी 1:29

ननानाः लगा ईसू मसी ईंगे एमेवारा हना जंगरते, मुरुक मिहनइत घड़ीनिंग सेवाकूतना।

2 तिमुतियूस 1:12

हनालगा ईंग नाःआ जेहेलरे हों हाँय लगा कटसिया सहाव लगा मेरिंग गियुःतना। अरू ईंग इये एचेरेयिंग बिसवासकेरा हनायिंग सुसुदीयतना, अरू हनानाः दिन वरी ईंग एचेरेय जिमाकेरा हनानाः संभाड़गे जुकूर इदानिया माःआनिंग पनकियाबाःगोतेडा।

2 तिमुतियूस 2:5

तोनोंगाः एनेगरे नियम इया मेरेय एनेगतान दो हाँयग होड़ इमान मेरेय पवाःता।

2 तिमुतियूस 4:7

ईंग परबू लगा नपायतेयिंग धरक बजिनी पुरावकेरा, ईंग बतकाःयिंग पुरावगोतेडा अरू बिसवासिंग संभाड़ दोहोकेरा।

इबरानी 12:1

भगवान एचेरेकू बिसवासतेरा हँकुःआ जमा होड़कू अबूराः चाइरो गतर, बदरी इया हिदइतदारकू इदानकुःआ। हनालगा मान अबू रोंकावबूता हनाकून अरू अबू दाःबूता हना कसूरकूनबू चलाः एंडाय। अरू भगवान अबू लगाय संजोड़केरा हनानाः बतकाः, सहाव घड़ीनबू बतकाव ञवन।

इबरानी 4:1

हनालगा भगवान जबानकेरा हना लोड़ोन अबू अटकार अवेय लगा हन नुँहू वरी सलाव वेगतना। दो अबू अते तोनोंगीग होड़ हना लोड़ोन मेरेय अटकार अवेगे अते सवासिती दोहोन लगा इदा।

1 पतरस 5:1

ईंग कलसियारीग मी होड़ अगुवा होड़ इदानिंगा अरू ईसू मसीराः कटसिया इनिंग ईंग ञेलतेरा। अरू दरवाःआ हना दिनरे भगवान जमाकू मड़ंगरेय एचे ञेलेयता हना मान मरजइत हाँय सुदा ईंग होयिंग पवाःता। दो ईंग कलसियारिकुःआ अगुवा होड़कू समझाव घड़ीनिंग कतावाकूतना,

2 पतरस 1:10

दो ईंगरिकुःआ अजी बोपोहकूतिंग, अपे मुरुक ओसताज घड़ीन नपाय लूर-नेवनते जियाः लगापे कुरनिसगे, जेमहा जमा होड़कू सुदीगोड भगवान अपेय सुनावकेडपेःआ अरू अनँयगरिकुःआ निकता होड़कूय बड़ाँवकेडपेःआ, माःआन। नाःआ इयापे एचेय दो अपे भगवानराः दूर कहियो ओरोपे अड़ाःतेरा।