1 कुरिंती 8:1 - Korwa Bible

¹ दो नुँहू मुरतीकून मड़ंगरे मंडावतो जोम जिनिसकून बदीरेयिंग कतायतना। मनदो अपे कतायतना, नाःआ कता बदीरे अले कनहूनदारकू इदानलेःआ, माःआन। दो नाःआ बदीरे ईंग कतायतना, कनहूनते अबू बड़वारता मनदो दुलारते अबू एटाः होड़कूबू संघरावाता।

1 कुरिंती 8:1 ပူးပေါင်းရင်းမြစ်များ

मूक चेलाकू 15:10

दो नाःआ इया इदान दो अपे चिला लगा बेगर एहूदाकू, एहूदाकूराः नियम मनाः लगा बोझा एमेवाडकूखन भगवानपे अंदजावतना? नाःआ बोझा अबूरिकुःआ खुटिपहार होड़कू अरू अबू हों मेरबू मनाव अवेनतना।

मूक चेलाकू 15:29

अपे मुरतीकून मड़ंगरे मंडावतो तोनोंगाः जिनिसकून अहापे जोम, बलंगी अरू अइठाव गोएगतो जानरकूराः मास कहियो जोजोम कोवानेःआ अरू सनहा-सनहीते तोनोरे दोहोन लगा इदा। अपे नाःआ जमाकून अते सवासितीपे दोहोन दो नानाः अपे लगा ननपाय दोहोनता। नपायतेपे दोहोन।

मूक चेलाकू 21:25

मनदो बेगर एहूदा बिसवासी होड़कू अबू ओंगोल रायनेना हनाले ओजाः इदीतेरा, अपे मुरतीकून मड़ंगरे मंडावतो तोनोंगाः जिनिसकून अहापे जोम, बलंगी अरू अइठाव गोएगतो जानरकूराः मास कहियो जोजोम लगा कोवानेःआ, अरू सनहा-सनहीते तोरे दोहोन लगा इदा, माःआन।”

रूमी 11:25

ईंगरिकुःआ अजी बोपोहकूतिंग, मड़ंगरे होड़कू मेरकू सुदीया नाःआ कता बदीरे अपे अनसिनहार अहापे दोहोन। अरू अपे अँननपे कनहूनदारकू अहापे ओंगलुः। इसराएल होड़कू अते अदोम होड़कू अँनकूराः जीवकू कटकटावगोतेडा। मनदो भगवान ओंगोल दोहोकेडकुःआ हँकुःआ बेगर एहूदाकू हाँय एचेरे अरीनकू बिसवासगे वरी हँकुःआ एहूदाकू अँनकूराः जीव केटेग कटकटावतोकू दोहोनता।

रूमी 12:16

अपे जमा होड़कू सुदा हेल-मेलरेपे दोहोन। अपे अँननपे अपे कनहूनदारकू ओंगोलकियानखन अलोपे बड़वार, मनदो लचार होड़कू सुदा मिनीरेपे ननायगुः।

रूमी 14:10

दो चिला लगा आम एटाः बिसवासी होड़कूम फड़ियावता? अरू आम हाँय चिला लगा लचार होड़ हवे माःआनमे ओंगलेयता? नाःआ कताम उहियारगे, अबू जमाकू भगवान फड़ियावबू लगा हाँय मड़ंगरे चड़ाँन पराःता।

रूमी 14:14

परबू ईंगे एचे सुदीबाःगोतेरा, तोनोंगाः जिनिस अँनपनते बेलूर मेर होयाःता। मनदो तोनोंगीग ओंगलेता, नाःआ जिनिस बेलूर इदा, माःआन, दो हन हनाँय लगा बेनेलूर होयाःता।

रूमी 14:19

हनालगा अबू जमाकू सुदा हेल-मेलरे दोहोन घड़ीन बिसवासरे बड़ियाड़ होड़ेंग लगा इदा।

रूमी 14:22

आम बिसवासगेता हना कता बदीरे भगवान मड़ंगरे, आम अनम जीवरेम दोहोगे। तोनोंगीग होड़ तोनोंगाः कता नपाय इदा माःआने ओंगलेता, अरू हना कता बदीरे अनँयग आँयग मेरेय बदीनता, हनाँयराः जीव नपाय दोहोनता।

रूमी 14:3

भगवान जमाकूय मनेवाडकुःआ। हनालगा जमा बरानाःए जोमता हाँयग होड़, मेरेय जोमता हाँय अलोय आड-बेकारवाय। अरू मेरेय जोमता हाँयग होड़, जमा बरानाःए जोमता हाँय अलोय बदीगेय।

रूमी 15:14

ने अजी बोपोहकूतिंग, ईंग इनिंग अपे बदीरेयिंग सुसुदीतना, अपे सतायरे नपाय होड़कू इदानपेःआ अरू भगवानराः कताकून नपायतेपे सुसुदीतना अरू अँननपे अपे चेड होड़ेंग अवेनता।

1 कुरिंती 1:5

अपे ईसू मसी सुदापे मिनीयान अते भगवान अपेराः जीवे उडु-बुडूगोतेडा, जेमहा अपे नपायतेपे बुतुड़ु अवेन अरू जमा बरानाःपे बुझाव अवेन।

1 कुरिंती 10:15

अपे कनहूनदारकू इदानपेःआ। हनालगा ईंग अपे एचेरेयिंग कतायता अरू हना सताय हवे जा कोवान हनापे जासवा।

1 कुरिंती 10:28

मनदो तोनोंगीग अपे एचेरेय कताय, नाःआ मुरतीराः देगतो मास हवे, माःआन। दो अपे एचेरेय कता उदुःकेरा हाँयग होड़ अते अरू हाँयराः ओंगोल अते अलोपे जोम।

1 कुरिंती 14:20

ने ईंगरिकुःआ अजी बोपोहकूतिंग, अपे लइंकू इया अहापे ओंगले। मनदो अपे सयाँड़ होड़कू इयापे ओंगले अरू बती लइंकू इया सुझिया होड़कूपे बड़ाँः।

1 कुरिंती 15:34

भगवान मेरकू सुदीयता हँकुःआ होड़कू इया अपे अते तोनोंग तोनोंग होड़कू जियाःतना। हनालगा अपे गियू जुवाः लगा नाःआ इयायिंग कतायतना, नपायपे सुरतान अरू कसूरगे लगापे अड़ाः एंडागोड।

1 कुरिंती 4:10

ईसू मसी लगा बोको इया इदानकुःआ माःआन होड़कू ओंगोललेता, मनदो अपे ईसू मसी लगा अँननपे कनहूनदारपे ओंगलुःतना। अलेराः जीव अबड़ अरू एरंगतो इदा, मनदो अपे जंगरदारकू अरू मान मरजइत पवावतो होड़कूपे ओंगलुःतना।

1 कुरिंती 4:18

अपे अते तोनोंग तोनोंग होड़कू, हाँय अबू एचेरे ओरोय वेजेडा, माःआन ओंगोलतेडखनकू बड़वारतना।

1 कुरिंती 4:6

ने अजी बोपोहकूतिंग, ईंग अपोलोस बदीरे अरू इनिंगराः बदीरे, ओजाःतो इदा हना अते बगरा एचेय लगा कोवानेःआ माःआन अपेराः नफा लगा अउल-तउल इयायिंग कताकेरा। अरू हन अते अपेके अलिंग अते चिडुः लगा इदा। दो अपे अलिंग बदीरे, मी होड़ एटाः होड़ अते ननपाय इदानिया माःआन, अलिंग बदीरे अलोपे बड़वार।

1 कुरिंती 5:2

अरू नाःआ बदीरे अपे बड़वारतनापे। मनदो अपे नाःआ बदीरे अपे हदराः दोहोकुः दो, हाँयग होड़ अपे तलाते हिगार एंडागोडकेःआपे।

1 कुरिंती 5:6

अपे हाँयग सनहा होड़ बदीरे चिला लगापे बड़वारतना? अपे मेरपे सुसुदीता जा, गुनमिनाः सेबेल सोड़ा जमा गोहोम गुंडा एचे पुड़सूड़गोडता, माःआन?

1 कुरिंती 8:2

तोनोंगीग होड़ ओंगलेता, ईंग कनहूनदार इदानिंगा, माःआन दो हाँय निःईमिन कहिसाः मेरेय सुदीयता।

1 कुरिंती 8:4

मुरतीकून मड़ंगरे मंडावतो जिनिसकून जोम बदीरे अबू सुसुदीतना, सतायरे चउंदीसराः मुरतीकूनरे हनसा कोनोवानेःआ अरू एनेकला मिनीटोंग भगवान इदानिया।

1 कुरिंती 8:7

मनदो जमा होड़कू नाःआ बदीरे मेरकू सुसुदीतना। हँकू ओंगलेता, सतायरे मुरतीकूनरे जीव इदा, माःआन। दो हँकू हना मुरतीकून मड़ंगरे मंडावतो जिनिसकूनकू जोमता। अरू हँकू अबड़ जीव होड़कू दोहोनतान अते, हँकूराः जीव मइलाव जुवाःता।

इपीसी 4:16

जमा देह गेनेँट गेँटते जोड़ावतो दोहोनता, हनन इया मसी अबू मिनी जुमूटरेय दोहोबूता। देहराः एटाः एटाः दगलीकून इया अबू अँननबूराः बुताबू बुताता दो जमा देह हरानता अरू अलार-दुलाररेबू बड़ियाड़ जुवाःता।

कुलूसी 2:18

भगवान अपेय एमेवापेता हना इमान अते तोनोंगीग अपे अहाकू अडिग अवेपे लगा सवासितीपे दोहोन। हँकुःआ होड़कू अँननकू हुडिंगकू बड़ाँव अडिगता, अरू सेरमोरिकुःआ बराहीलकूकू जागता। नाःआ इयाकुःआ होड़कू दरसनरेकू ञेल कता, हनानाः कताकून बदीरे, ओंगोल घड़ीनकू कता उदुःगोड ञवनता, अरू अँननकूराः ओंगोल इया बेगर लूर कताकूनरेकू बड़वारता।

उदुःतो कताकून 2:14

मनदो अपे बदीरे ईंगके तोनोंग तोनोंग बड़रा ककता लगा इदा; अपे अते अदोम होड़कू बिलामराः चेडतोकू मनाःता। हाँयग बिलाम, बालाक राजा एचेरेय कता उदुःवातेरा, इसराएल होड़कूम लहकावगोडकू, जेमहा हँकू मुरतीकून मड़ंगरे मंडावतो जिनिसकूनकू जोम अरू सनहा-सनहीकू एचेय, माःआन।

उदुःतो कताकून 2:20

हनते हों अपे बदीरे ईंगके मीटोंग बड़रा ककता लगा इदा; इजबील ञावीग अइमी मेरपे हिगार एंडायतना। हाँय ईंगरिकुःआ सेवकिया होड़कू अडिगकेडकूखने कतायता, ईंग भगवानराः बड़रा कतायीग अइमी हवे, माःआन। हाँयराः चेडतोते, मुरतीकून मड़ंगरे मंडावतो जिनिसकून जोम लगा अरू सनहा-सनहीपे एचेय लगा होड़कूय बहकावतना।