1 कुरिंती 7:7 - Korwa Bible

⁷ हनते हों ईंग चहाःतना, जमा मरदकू इनिंग इया बेगर बियाहतेकू दोहोन। मनदो जमा मरदकू भगवान अते एटाः एटाः इयाःआ दहिनकू पवावकिया, मी होड़ लगा मी बरानाः अरू एटाःयीग लगा एटाः बरानाः।

1 कुरिंती 7:7 ပူးပေါင်းရင်းမြစ်များ

मूक चेलाकू 26:29

दो पउलूस कतातेरा, “हुडिंग सहे बगरा बेलाते आम एकला कोवान, मनदो ईंगराः बड़राकू अयूमता, हँकुःआ जमा होड़कू नाःआ सिकिड़ीकून अड़ाःकेडखन ईंग इयाकू होया जुवाः लगा ईंग भगवान एचेरेयिंग अरजीतना।”

रूमी 12:6

भगवान अबूय मयावाडबूखन एटाः एटाः दहिने एमेवाडबुःआ। तोनोंगीग भगवानराः बड़रा कतायीग होड़ हवे दो हाँय भगवान एमेतेरा हना बिसवास इयाय कताय।

1 कुरिंती 12:11

सुद बिरुवा मिनीटोंग इदा अरू नाःआ जमा दहिनकून हनाँयग सुद बिरुवा एमेवाकूता। मनदो हाँयग सुद बिरुवा तोनोंगीग एमेवा लगाय चहाःता, हनाँयग होड़ लगा दहिनकूने एनेमेगोडता।

1 कुरिंती 12:4

दहिनकून एटाः एटाः बरानाः इदा। मनदो नाःआ जमाकून मिनीटोंग सुद बिरुवा एमेयता।

1 कुरिंती 7:8

डिंडाकू अरू रंडियाहीनकू लगा ईंगराः सलाह ननानाः हवे, अपे इनिंग इया डिंडापे दोहोन दो ननपाय दोहोनता।

1 कुरिंती 9:15

मनदो ईंगराः गुजर मसर सलाव लगा नाःआ इयाःआ तोनोंगाः मेरिंग हकतियारगाड। अरू नुँहू वरीते अपे अते नफा पवाः लगा हों नाःआ इया मेरिंग ओजाःगेतना। ईंग इनिंग मिहनइतकेडखन ईंगराः गुजर मसरिंग सलावता हना बदीरे ईंग मेरिंग बड़वार अवेकुः दो ईंग गोनेग जुवाः नपाय इदा।

1 कुरिंती 9:5

पतरस अरू ईसूरिकुःआ एटाः मूक चेलाकू अरू ईसूरीग बोहोत, हँकू अँननकूरिकुःआ एपेराकू सुदा ईसूराः नपाय सरवनकू कता उदुःता। दो हँकू इया अलिंग हों ओरोलिंग एचे अवेतेरा जा?