1 कुरिंती 7:33 - Korwa Bible

³³ मनदो बियाहतो मरदकू चउंदीसराः कताकून बदीरे ओंगोल कुहकाःरेकू दोहोनता। हँकू अँनकूरिकुःआ अइमीकू ननायकू लगाकू ओंगोल कुहकावगोड ञवनता।

1 कुरिंती 7:33 ပူးပေါင်းရင်းမြစ်များ

लूका 12:22

हनते ईसू चेलाकू एचेरेय कताया, “हनालगा अपे एचेरे ईंग कतायतना, अपेराः जीव लगा अलोपे ओंगोल कुहकाः, अले चिलाले जोम, माःआन। अरू अपे देह लगा अलोपे ओंगले, अले चिलाले तुसिंग, माःआन।

लूका 14:20

अरू मी होड़ कताया, नुँहू नुँहू ईंगराः बियाह होयाकिया। हनलगा ईंग ओरोयिंग सेने अवेतेरा, माःआन।

एहुना 10:13

हाँय मंजूरी होड़े दोहोनता, हनालगा हाँय ञीर एंडा अटूकूता अरू भेड़ाकू मेरेय ओंगोलकूता।

1 कुरिंती 7:3

मरद अनँयग अइमीराः हिछा पुराव लगा इदा अरू हनन इया अइमी हों अनँयग मरदराः हिछा पुराव लगा इदा।

1 कुरिंती 7:32

अपे चउंदीसराः कताकून बदीरे अलोपे ओंगोल कुहकाः लगायिंग चहाःतना। डिंडा होड़कू परबू ननायगेय लगाकू ओंगोल कुहकावगोड ञवनता।

1 कुरिंती 7:34

हनालगा हँकू जीव बार बंटा दोहोनता। हनन इया डिंडा धंगड़ीकू अरू मेरकू बियाहगना हँकुःआ अइमीकू, परबूराः कताकून बदीरेकू ओंगोल कुहकावगोड ञवनता। हँकू अँननकूराः देह अरू इंदरी भगवान लगा जिमा घड़ीन सुद जीवकू जियाःता। मनदो बियाहतो अइमीकू चउंदीसराः कताकून बदीरे ओंगोल कुहकाःरेकू दोहोनता। हँकू अँनकूरिकुःआ मरदकू ननायकू लगाकू ओंगोल कुहकावगोड ञवनता।

कुलूसी 3:19

ने मरदकू, अपे अँननपेरिकुःआ एपेराकूतापेपे अलार-दुलार अरू अपे हँकू सुदा एरंगाहा अलोपे दोहोन।

1 तिमुतियूस 5:8

अँननकू ओड़ाःरिकुःआ होड़कू मेरकू पला दरीकूता, हँकुःआ होड़कू अँनकूराः बिसवासकू अड़ाःगोतेडा अरू बेगर बिसवासी होड़कू अते हों बेनेलूर इदानकुःआ।

1 पतरस 3:7

ने हेपेरेलकू, अपे हों हनन इया अँननपेरिकुःआ एपेराकू मान मरजइतकूपे अरू अलार-दुलारकू घड़ीनपे तिहाकू। हँकू अपे अते अबड़ इदानकुःआ, मनदो हँकू हों बरोबइर अपे सुदा भगवान एमेकेरा हना नँवा जीवराः दहिन पवाः लगा इताडदारकू इदानकुःआ। नाःआ इयापे एचेय दो, अपे अरजी मेला तोनोंगाः टटी-बेड़ा अपे लगा ओरो होयानेना।