1 कुरिंती 7:29 - Korwa Bible

²⁹ ने ईंगरिकुःआ अजी बोपोहकूतिंग, ईंग कतायतना, अबू लगा बगरा बेला कोवानेःआ। हनालगा नुँहू वरीते अइमी इदानिया हाँयग होड़ आँयगरीग अइमी दुलाररे अलोय केड़ेकुः।

1 कुरिंती 7:29 ပူးပေါင်းရင်းမြစ်များ

लूका 14:20

अरू मी होड़ कताया, नुँहू नुँहू ईंगराः बियाह होयाकिया। हनलगा ईंग ओरोयिंग सेने अवेतेरा, माःआन।

1 कुरिंती 7:28

मनदो आम बिनियाहगुः दो हन कसूर ना लवे। ननन इया तोनोंगीग डिंडा धंगड़ी बियाहगुः दो हाँय मेरेय कसूरगेतना। हनते हों बियाहगुःताकू हँकुःआ होड़कू लगा नाःआ चउंदीसरे मुरुक कटसिया होयाःता। हनालगा अपे हना कटसियाते बनसाःपे लगायिंग चहाःतना।

1 कुरिंती 7:30

अरू इयामताकू हँकुःआ होड़कू मेरकू इयामगान हना इयाकू दोहोन, अरू बहालगुःताकू हँकुःआ होड़कू मेरकू बहालगान हना इयाकू दोहोन, अरू किजायताकू हँकुःआ होड़कू कहिसाः कोवानेःआ हना इयाकू दोहोन।

1 कुरिंती 7:31

अरू चउंदीसराः जिनिसकूनकू एमे होड़ेंगता हँकुःआ होड़कू चनउंदीसराः जिनिसकून लगा टक-टक अलोकू दोहोन। नाःआ चउंदीस नुँहुःआ बेला वरीते अनाड इदीनतना।

1 पतरस 1:24

भगवानराः कागदरे नाःआ इया ओजाःतो इदा; जमा होड़कू बीर इया इदानकुःआ, अरू हँकू पहाड़ बहाकून इया सुघर इदानकुःआ; बीरकून गोसो जुवाःता अरू बहाकून कसड़ जुवाःता,

1 पतरस 4:7

चउंदीस टुटीगगुःराः बेला निचकाःतना। हनालगा अपे ओंगोल बुझाः घड़ीन सवासितीपे दोहोन, जेमहा अपे भगवान एचेरेपे अरजी अवेय।

1 एहुना 2:17

चउंदीस अरू चउंदीसराः जमा बेलूर ओंगोलकून टुटीग जुवाःता, मनदो भगवानराः कता इयाय सलाःता हाँयग होड़राः जीव तोनोंग बेला ओनोरो टुटीगनेना।