1 कुरिंती 7:25 - Korwa Bible

²⁵ दो डिंडा इदानकुःआ हँकू बदीरे परबू अगीते ईंग एचेरे तोनोंगाः हुकुम कोवानेःआ। मनदो ईंगराः मीटोंग सलाहिंग उदुःवापेतना। भगवान ईंगे मयावारा, हनालगा अपे ईंग एचेरेपे भरसा अवेयता।

1 कुरिंती 7:25 ပူးပေါင်းရင်းမြစ်များ

1 कुरिंती 15:10

मनदो भगवान ईंगे मयावारा। हनालगा नुँहू ईंग इदानिंगा हनानाःयिंग बड़ाँवनेना। अरू हाँय ईंगे मयावारा हना ईंग जीवरे सदाःआ मेर होयागना। हनते हों ईंग ईसूरिकुःआ एटाः मूक चेलाकू अते मुरुक बगरा मिहनइत घड़ीनिंग बुतातना। मनदो नाःआ बुता ईंग इनिंगराः जंगरते मेरिंग बुतातना। भगवान ईंगे मयावारा अरू हनानाः मया ईंग बुनुतागोड ञवन लगा संघरा एमेता।

1 कुरिंती 4:2

अरू मड़ंग अलिंग मालिक एचेरे बिसवासगे इयालिंग दोहोन लगा इदा।

1 कुरिंती 7:10

बियाह होयायना हँकुःआ होड़कू मिनीरे दोहोन लगा परबू अगीतेयिंग हुकुमगेतना। तोनोंगीग अइमी अनँयग मरद अते अलोय हिगारगुः।

1 कुरिंती 7:12

ईंग कतायतना हनापे अयूम। नाःआ कता परबू मेरेय कतायतना मनदो ईंग इनिंग अगीते एटाः होड़कूयिंग कतावातना, तोनोंगीग बिसवासी होड़रीग अइमी ईसू एचेरे मेरेय बिसवासगेतान अरू हाँय अनँयगरीग हेरेलतो सुदा दोहोन लगा राजूरे इदानिया, दो हाँय हाँयग अइमी अलोय बइ एंडागेय।

1 कुरिंती 7:28

मनदो आम बिनियाहगुः दो हन कसूर ना लवे। ननन इया तोनोंगीग डिंडा धंगड़ी बियाहगुः दो हाँय मेरेय कसूरगेतना। हनते हों बियाहगुःताकू हँकुःआ होड़कू लगा नाःआ चउंदीसरे मुरुक कटसिया होयाःता। हनालगा अपे हना कटसियाते बनसाःपे लगायिंग चहाःतना।

1 कुरिंती 7:34

हनालगा हँकू जीव बार बंटा दोहोनता। हनन इया डिंडा धंगड़ीकू अरू मेरकू बियाहगना हँकुःआ अइमीकू, परबूराः कताकून बदीरेकू ओंगोल कुहकावगोड ञवनता। हँकू अँननकूराः देह अरू इंदरी भगवान लगा जिमा घड़ीन सुद जीवकू जियाःता। मनदो बियाहतो अइमीकू चउंदीसराः कताकून बदीरे ओंगोल कुहकाःरेकू दोहोनता। हँकू अँनकूरिकुःआ मरदकू ननायकू लगाकू ओंगोल कुहकावगोड ञवनता।

1 कुरिंती 7:40

मनदो ईंगराः ओंगोलरे हाँयग रंडियाहीन रनंडियाहीने दोहोन दो हाँय बहालतेय दोहोनता। अरू ईंग ओंगलेतना भगवानराः बिरुवा ईंग एचेरे हों इदा।

1 कुरिंती 7:6

नाःआ, हुकुम इया मेरिंग कतायतना, मनदो मीटोंग सलाहिंग एमेयतना।

2 कुरिंती 11:17

ईंगराः नाःआ भल-भलायगुः परबूराः हुकुम इया कोवानेःआ, मनदो ईंग मी होड़ बुयांग होड़ इयायिंग कतायतना।

2 कुरिंती 2:17

एटाः होड़कू इया अँननकूराः नफा लगा, अले भगवानराः सरवनरे मेरले मेसायता, मनदो सताय ओंगोलते भगवान अगीते पवावतो सरवन मसीराः संघरातेले कता उदुःगेता।