1 कुरिंती 7:17 - Korwa Bible

¹⁷ नाःआते हों परबू मेमेड होड़ लगाय जिमाकेरा हना दहिन इया अरू भगवान राःकेडकुःआ हनन इया जमा होड़कू जियाः लगा इदा। जमा कलसियारिकुःआ होड़कू लगा ईंगराः हुकुम ननानाः हवे।

1 कुरिंती 7:17 ပူးပေါင်းရင်းမြစ်များ

मती ओजाःतेरा भगवानराः नपाय सरवन 19:12

मनदो तोनोंग तोनोंग होड़कू जनम अते चकुराकू दोहोनता अरू तोनोंग तोनोंगकू होनोड़कू चकुराकू बड़ाँवकेडकुःआ अरू तोनोंग तोनोंग होड़कू भगवानराः राइज लगा बेगर बियाहते इदानकुःआ। बुझाव अवेनता, हाँयग होड़ ईंगराः कताय मनाः।”

1 कुरिंती 10:32

अरू अपे एहूदाकू, सहे बेगर एहूदाकू, सहे कलसियारिकुःआ बिसवासी होड़कू एचे कसूरकू लगा अलोपे बड़ाँः।

1 कुरिंती 11:16

नाःआ कता बदीरे तोनोंगीग अड़ा-चउकी दो ईंग कतायतना, अले अरू भगवानराः कलसियारिकुःआ होड़कू एचेरे तोनोंगाः एटाः रिती-बिधी कोवानेःआ।

1 कुरिंती 11:34

अपे रंगेगतेपे पड़ूकुः दो, ओनोड़ाःतेपे जोम वेग। नाःआ इयापे एचेय दो, भगवान ओरोय डंडियावतेडपेःआ। बनसावतो इदा हना कताकून अपे एचेरे सोदोरकियानखनिंग कता उदुःवापेता।

1 कुरिंती 14:33

भगवान कहिसाः रन-भन मेरेय एचेयता, मनदो हाँय जमालेःआ नपायतेय एचेयता। भगवानरिकुःआ सुद होड़कूराः जमा कलसियारेकू एचेयता हनन इया,

1 कुरिंती 16:1

नुँहू ईंग भगवानरिकुःआ सुद होड़कू अपेराः पुंजी पसर अते संघरावाकूपे लगायिंग ओजाःगेतना। नाःआ बदीरे गलातिया देसराः कलसियाकूनरिकुःआ होड़कू एचेरेयिंग कतातेरा, हनन इया अपे होँपे एचेय।

1 कुरिंती 4:17

नाःआ लगा ईंग अपे एचेरे ईंगरीग दुलार बेटा इयायीग तिमुतियूसिंग वारतना। हाँय परबू लगा बिसवासगेयीग इदानिया। जमा ततेरराः कलसियारिकुःआ होड़कू सरवनिंग चेडकूता हना चेड इया ईसू मसी लगा करा इयायिंग जियाःतना हना हाँय अपे एचेरेय कता उदुःगेता।

1 कुरिंती 7:18

तोनोंगीग होड़ खतनानेनाय हना तयोमरे भगवान हाँये राःकेरा दो हाँय खतनाराः चिनहा अलोय चलाःगे। तोनोंगीग होड़ मेरेय खतनागान हनमेला भगवान हाँये राःकेरा दो, हाँय खतनान लगा अलोय ओंगले।

1 कुरिंती 7:24

ईंगरिकुःआ अजी बोपोहकूतिंग, अपे भगवान राःतेडपेःआ हनमेला कर करा उड़ीपे दोहोना, हनन इया अपे भगवान सुदापे दोहोन।

1 कुरिंती 7:7

हनते हों ईंग चहाःतना, जमा मरदकू इनिंग इया बेगर बियाहतेकू दोहोन। मनदो जमा मरदकू भगवान अते एटाः एटाः इयाःआ दहिनकू पवावकिया, मी होड़ लगा मी बरानाः अरू एटाःयीग लगा एटाः बरानाः।

2 कुरिंती 11:28

नाःआ अड़ाःकेडखन जमा कलसियारिकुःआ होड़कूराः बिसवास बदीरे सगर दिन ईंग जीव ओंगोल कुहकाःआ।

2 कुरिंती 8:18

अरू हाँय सुदा अले मी होड़ बिसवासी होड़ले वारकेरा। जमा कलसियारिकुःआ होड़कू नपाय सरवन परसार बदीरे हाँयकू भल-भलायवाता।

गलातिया 1:22

हनामिन दिन वरी एहूदिया छतरराः कलसियारिकुःआ बिसवासी होड़कू अते तोनोंगीग ईंग मेरकू सुदीगडिंगा।

1 तिसलूनिका 2:14

ने अजी बोपोहकूतिंग, हनन इया अपे हों ईसू मसी एचेरेकू बिसवासतेरा हँकुःआ एहूदिया छतररे भगवानराः कलसियारिकुःआ बिसवासी होड़कूरिकुःआ ञेल सिखात होड़कूपे बड़ाँवयना। हनालगा अपेरिकुःआ जइत सगा होड़कू, एहूदाकू हंडाकुःआ बिसवासी होड़कूकू एचे कटसियातेडकुःआ, हनन इया अपे होंकू एचे कटसियातेरा।

2 तिसलूनिका 1:4

हनालगा अले अपे बदीरे भगवानराः कलसियाकूनरिकुःआ बिसवासी होड़कू एचेरे अपे भल-भलावातेडखनले कतायता, एटाः होड़कू हँकूकू संतावतना अरू हँकू एचेरे हलकइनकू अगूतना। हनते हों हँकू सहाव घड़ीन असतिरकू दोहोनता अरू हँकू बिसवास मेरकू अड़ाःगेता, माःआन।