1 कुरिंती 6:11 - Korwa Bible

¹¹ अपे अते अदोम होड़कू हनन इयाकुःआ होड़कू दोहोना। मनदो परबू ईसू मसी अपे सडावकेडपे अते अरू भगवानराः सुद बिरुवाराः जंगरते भगवान अपेराः कसूरे बुहाल एंडागोतेरा, अरूय सुदकेडपेःआ अरू आँयग ओंगोलरे बेगर गारबार होड़कूय बड़ाँवगोतेडपेःआ।

1 कुरिंती 6:11 ပူးပေါင်းရင်းမြစ်များ

मती ओजाःतेरा भगवानराः नपाय सरवन 20:4

हँकू ञेलतेडखन हाँयग मालिक कतातेड, अपे हों ईंगराः अंगूर बगइचारे बुता लगापे सलाव जुवाः अरू अपेराः बुता बनी बड़ाँःतना हनामिनिंग एमेवापेता।

लूका 18:14

दो ईसू चेलाकू एचेरेय कताया, “अपे ईंगपे अयूम, हाँयग फरीसी होड़ कोवान, मनदो मलगुजारी गोः होड़ भगवान ओंगोलरे बेगर गारबार होड़े बड़ाँवनेना। अनँयग आँयग मरंगे ओंगलुःता हाँय भगवान हुडिंगे बड़ाँवगेयता अरू अनँयग आँयग हुडिंगे ओंगलुःता हाँय भगवान मरंगे बड़ाँवगेयता।”

एहुना 13:10

दो ईसू कतातेरा, “ऊमयनाय हाँयग होड़राः काट एकला बुहाल लगा इदा अरू तोनोंगाः बुबुहाल लगा कोवानेःआ अरू जमा अमिंगयना। अपे दो अमिंगतो इदानपेःआ मनदो जमाकू अमिंगतो कोवापेःआ।”

एहुना 13:8

दो पतरस कतातेड, “आम ईंगराः काट कहियो बुबुहाल लगा ओरोयिंग एमेवातेडमेःआ।” दो ईसू हाँय एचेरेय कताया, “आमराः काट बुबुहाल लगा मेरेम ओवायिंग दो, आम ईंगरीग होड़ ना लवे।”

एहुना 5:4

[तोनोंग तोनोंग बेला परबू भगवानरीग बराहील सेरमो देस अते दाःरे उतरावकियानखन दाःए हिड़कोड़ा। दो दाःरे मड़ंगकू उतराःआ, हँकू तोनोंग इयाःआ बेमरियारेकू दोहोना हों हँकू नपाय जुवाःआ।]

मूक चेलाकू 13:39

अरू ईसू एचेरेकू बिसवासगेतना हँकुःआ होड़कू भगवान अनँयग ओंगोलरे बेगर गारबार होड़कूय बड़ाँवगोडकूता। मनदो मोसेस एमेतेरा हना नियम मनाःता अते तोनोंगीग होड़ बेगर गारबारीग होड़ हवे माःआन भगवान ओरोय ओंगोलतिरिया।

मूक चेलाकू 22:16

अरू नुँहू आम चिलाम तंगीतना? रिमुःमे अरू बतिसमाम गोः अरू आमराः कसूर भगवान बराव एंडागे लगा ईसू एचेरेम बिसवासगे।

मूक चेलाकू 26:18

जेमहा हँकू ईंग बदीरेकू सुदी अवेय अरू अँनकूराः कसूर अड़ाःकेडखन अंदरा दूर अते मरसल अगीकू वेग अरू कलउराः आड़ अते भगवान अगी जीवकू कुदा अवेय। नाःआते भगवान हँकूराः कसूरे बराव एंडाता अरू ईंग एचेरे बिसवासकेडखन एचे सुदकेडकुःआ हँकुःआ होड़कू सुदा इताडदारकू होयाःता।

रूमी 3:24

मनदो भगवान ईसू मसीते अबूय सडावकेडबुःआ अरू आँयगराः ओंगोलरे फड़ियावतो होड़कूय बड़ाँवकेडबुःआ। नाःआ इयाबू बड़ाँः लगा अबू तोनोंगाः एएचे लगा मेर दोहोगान, मनदो हाँय मयावाडबूखन नाःआ इयाय एचेकेरा।

रूमी 4:5

मनदो अपे तोनोंगाः एचेकेडखन भगवान ओरोपे एचे मने अवेतेडिया। भगवान एचेरे कसूर होड़कू बिसवासगेता, अरू हनानाः एकलाते हाँय हँकूय मनेवाता।

रूमी 5:1

अबू बिसवासकेडखन बेगर गारबार होड़कूबू बड़ाँवयना दो नुँहू अबूरीग परबू ईसू मसीते भगवान सुदा हेल-मेलरेबू दोहो अवेनता।

रूमी 5:9

ईसू मसी अबू लगा बलिदाननेनखन बलंगीय तूतेरा। हनाते अबू भगवानराः ओंगोलरे बेगर गारबार होड़कूबू बड़ाँवयना, दो अबू भगवानराः डंडियावते हों बननसाव जुवाःताबू।

रूमी 8:30

भगवान मनाड़ंगतेय सुनाव दोहोकेडकुःआ हँकुःआ होड़कू अनँयग एचेरेय राः अगुकेडकुःआ अरू फड़ियावतो होड़कूय बड़ाँवगोतेडकुःआ। हनते हाँय हँकू होंय मान मरजइतकेडकुःआ।

रूमी 8:33

अबू भगवानरिकुःआ सुनावतो होड़कू हवे, दो इये बदी अवेबूता? भनगवान हमा अबू फड़ियावतो होड़कूय बड़ाँवकेडबुःआ। हनालगा तोनोंगीग अबू ओरोय बदी अवेतेडबुःआ।

1 कुरिंती 1:2

कुरिंती सहररे इदानकुःआ भगवानराः कलसियारिकुःआ होड़कू अपे लगा, नाःआ चिठी ईंग ओओजाःतना। ईसू मसी एचेरेपे बिसवासकेड अते, भगवान अनँयग लगा अपेय एटाःकेडपेःआ अरू परबू ईसू मसीराः ञावतेकू अरजीता हँकुःआ जमा ततेररिकुःआ होड़कू सुदा अनँयगरिकुःआ सुद होड़कूय बड़ाँवकेडपेःआ। हाँयग ईसू मसी हँकूरीग अरू अबूरीग परबू हवे।

1 कुरिंती 1:30

भगवान अपे ईसू मसी सुदाय मिनीकेडपेःआ अरू हाँय अगीते अबू कनहूनदारकू बड़ाँवकिया। अरू हाँयते अबू भगवानराः ओंगोलरे बेगर गारबार होड़कूबू बड़ाँवकिया अरू सुद होड़कू बड़ाँवकेडबूखने सडावकेडबुःआ।

1 कुरिंती 12:2

अपे सुसुदीतना, अपे बेगर बिसवासी होड़कूपे दोहोन मेला, मेर अयुमेता हना मुरतीकूनपे सेवा लगा अपेके आँच परावनेना अरू हनानाःपे सेवागोड ञवना।

गलातिया 2:16

तोनोंगीग होड़ एहूदाकूराः नियमकून मनाः अते भगवान हाँय कसूर अते फड़ियावतो होड़ मेरेय बड़ाँवगेयता। मनदो हाँय ईसू मसी एचेरेय बिसवासगेता दो, हनानाः अते भगवान हाँय कसूरते फड़ियावतो होड़े बड़ाँवगेयता, माःआनले सुनुदीयतना। हनालगा अले एहूदाकू हों नियमकूनले मनाःता हना अते कोवान, मनदो ईसू मसी एचेरेले बिसवासगेता हना अते भगवान अले कसूर फड़ियावतो होड़कूय बड़ाँवकेडलेःआ।

गलातिया 3:11

भगवानराः कागदरे नाःआ इया हों ओजाःतो इदा, “भगवान बेगर गारबारीग होड़े बड़ाँवकिरिया हाँयग होड़, बिनिसवासतेय जियावगोड ञवनता।” हनालगा तोनोंगीग होड़ जमा नियमकून मनावकियानखन भगवान ओरोय ननाय अवेतिरिया।

गलातिया 3:24

ईसू मसी एचेरे बिसवासकेडखन भगवानराः ओंगोलरे बेगर गारबार होड़कू अरीनबू बड़ाँः वरी अगुवाइवाबू लगा अरू संघरावाबू लगा नाःआ नियमकून भगवान एमेतेरा।

गलातिया 3:8

मड़ंग जूग वरीते भगवानराः कागदरे नाःआ इया ओजाःतो इदा, बेगर एहूदाकू भगवान एचेरेकू बिसवासगे अते, कसूर अते फड़ियावतो होड़कूय बड़ाँवकूता। अरू भगवान नाःआ सरवन इबराहीम एचेरेय कतातेरा, “आम अते चउंदीसरिकुःआ जमा जइत होड़कू नपाय जीव-जहनतेकू दोहोनता।”

इपीसी 5:26

भगवानराः सरवनते कलसिया, दाःतेकू बुहाल अमिंगगुःता हनन इया सुदगे लगा मसी अनँयग आँयग जिमानेना,

इपीसी 5:8

मड़ंगरे अपेराः जीव अंदरारे दोहोना, मनदो नुँहू परबू अपेराः जीवे मरसलगोतेडा। हनालगा अपे भगवानराः मरसल पवावतो होड़कू इयापे जियाः।

2 तिसलूनिका 2:13

ने अजी बोपोहकूतिंग, सुद बिरुवाराः बुताते अपेराः जीव सुदयना अते, अरू परबू ईसू मसीराः सताय सरवनरेपे बिसवासगेतान अते, भगवान अपे मड़ंगाः जोःओ इयाय सडावकेडपेःआ। हनालगा अपेय दुलारपेतना हाँयग भगवान एचेरे, अले अपे बदीरे जमा बेलाले जागगोड ञवन लगा इदा।

इबरानी 10:22

दो हनालगा अबू नपाय ओंगोलते अरू मिनी जीवते बिसवासकेडखन भगवान एचेरेबू सेन। अबूराः इंदरी बेलूर ओंगोलते इरची सुदकेडखन अरू अबूराः देह सुद दाःते एचे बुहालकियानखन हाँय एचेरेबू सेन।

इबरानी 10:29

दो अँननपे ओंगले, भगवानरीग बेटाय आड-बेकारवाता अरू मयावाबूता हाँयग सुद बिरुवाय बेग-हतावाता अरू होड़कू सुदगेता हना कता-जमकावतोराः बलंगी सदाःआ इदा माःआने ओंगलेता, हाँयग होड़ भगवान तुमिन बगराय डंडियावगेयता।

इबरानी 2:11

होड़कू सुदे बड़ाँवकूता हाँय, अरू सुदकू बड़ाँव जुवाःता हँकू मिनी मइछुवारिकुःआ होड़कू इदानकुःआ। हनालगा ईसू हँकुःआ होड़कू, ईंगरिकुःआ अजी बोपोहकूतिंग माःआन राःकू लगा मेरेय गियुःता।

1 पतरस 1:2

ईसू मसीराः कता मनाः लगा, अरू हाँयराः बलंगीते सुद होयाः लगा, अपांग भगवान ओंगोल दोहोकेडपेखने सुनावकेडपेःआ अरू आँयगराः सुद बिरुवाते अपेय सुदकेडपेःआ। दो भगवान जमालेःआते अपेराः जीव मयावा लगा अरू सलसतगे लगायिंग अरजीतना।

1 पतरस 1:22

अपे सताय कता मनावकेडखन अपेराः जीवपे सुदकेरा, जेमहा अपे अँननपे सतायते अपेराः इनिंदरी इंदरीते अरूपे अलार-दुलार होड़ेंग।

1 पतरस 3:21

अरू हना दाः बतिसमाराः अउल-तउल इया इदा। ईसू मसी गोएगतो होड़कू अतेय जियाव रेमकिया अते बतिसमाते अपे बनसाव जुवाःता। नाःआ बतिसमाते अपेराः देहराः मइल बुहाल अमिंगगुः लगा कोवानेःआ। मनदो हन बतिसमा अपेराः इंदरी नपायते दोहो ञवन लगा भगवान एचेरे मीटोंग अरजी इया इदा।

1 एहुना 2:12

ने ईंगरिकुःआ लइंकू इया होड़कू, ईसूराः ञावते अपेराः कसूर भगवान बराव एंडाकेरा। ननानाः लगा ईंग अपे लगायिंग ओजाःगेतना।

उदुःतो कताकून 1:5

अरू ईसू मसी हों अपे मयावाडपेखन सलसत एमेवापे लगायिंग अरजीतना। हाँय बिसवासगेयीग दोहोकियानखन होड़कू एचेरे सताय भगवाने उदुःवातेडकुःआ। हाँय गोएगनेनखन जियाव रेमतो होड़कू अते मड़ंगीगे दोहोना अरू चउंदीसरिकुःआ जमा राजाकूरीग मनारंग राजा हवे। ईसू अबूय दुलारकेडबुःआ अरू कुरूसरे अनँयग बलंगीय तूतेड अते हाँय अबू कसूरराः बोझातेय अजइतकेडबुःआ।

उदुःतो कताकून 7:14

दो ईंग कता कुदातेरा, “ने साहेब, अनम सुदीयता।” हनते हाँय ईंगे कतावाड, “नँकू मुरुक कटसिया सहावकेडखनकू पार वेगकिया हँकुःआ होड़कू हवे। नँकू अँननकूराः सोनहे भेड़ा होनराः बलंगीतेकू बुहाल उजड़केरा।”