1 कुरिंती 4:20 - Korwa Bible

²⁰ भगवान होड़कूराः जीवरेय राइजगेता हन बुतुड़ु एकलारे कोवान, मनदो हाँयराः जंगर होड़कूराः जीवरे दोहोनता।

1 कुरिंती 4:20 ပူးပေါင်းရင်းမြစ်များ

रूमी 1:16

ईसूराः नपाय सरवनरेकू बिसवासगेता, हँकुःआ होड़कू सडाः लगा भगवानराः जंगर हना सरवनरे इदा। मड़ंगरे हाँय एहूदाकू अरू तयोमरे बेगर एहूदाकू होंय सडावता। हनालगा नाःआ नपाय सरवन कता उदुः लगा मेरिंग गियुःतना।

रूमी 14:17

भगवानराः राइज जोम ञूय बदीरे कोवानेःआ। मनदो हन भगवानराः ओंगोल इयाःआ सताय कता बदीरे अरू सुद बिरुवा एमेयता हना सलसत अरू बहाल बदीरे इदा।

रूमी 15:19

ईंग बयाव जुवाः इयाःआ बुता अरू चिनहाकूनिंग एचेय लगा, हाँय सुद बिरुवाराः जंगरे एमेवारिंगा। नाःआ इया एरुसलेम सहर अते इलुरिकूम छतर वरी ईंग ईसू मसीराः नपाय सरवन मुरुक बगरा होड़कू एचेरेयिंग परसार उदुःकेरा।

1 कुरिंती 1:24

मनदो भगवान सुनावतेडकुःआ हँकुःआ एहूदाकू लगा अरू बेगर एहूदाकू लगा ईसू मसीराः सरवन भगवानराः जंगर अरू कनहून उदुःगेता।

1 कुरिंती 2:4

ईंग बुतुड़ु मेला सहे सरवनिंग परसार मेला, ईंग कनहूनदार इदानिंगा हना उदुः लगा मरंग मरंग लबदरे मेरिंग कतागाड। मनदो ईंग सुद बिरुवाराः जंगरतेयिंग कता उदुःतेरा,

2 कुरिंती 10:8

अपे ओंगोल अवेयता, परबू हँकूय एमेवारा हना हातपात बदीरे मुरुककू बड़वारतना, माःआन। मनदो अलेराः हातपात अपे आडपे लगा कोवान, मनदो अपे बड़ाँवपे लगा इदा। हनालगा ईंग ईंगराः हातपात उपयोतगे लगा मेरिंग गियुःता।

1 तिसलूनिका 1:5

ईसू मसीराः नपाय सरवन अले अते अँननलेराः आहराः बड़रा एकला मेरपे अयूमकेरा, मनदो हान सुद बिरुवाराः जंगरते अरू पका-निका बिसवासते दोहोना। अपे नाःआ होँपे सुदीयतना, अले अपे तलारेले दोहोन मेला अपेके नफा होयाः लगाले जियावनेना माःआन।