1 कुरिंती 3:10 - Korwa Bible

¹⁰ भगवान ईंगे मयावारा। हना अते ईंग मी होड़ ओड़ाः तुला मिसतिरी इया हना ओड़ाःराः नेविंग गडातेरा। अरू हना नेव सेरमो एटाः होड़कू भीटकू रेमतना। अरू बुतातनाकू हँकुःआ होड़कू ञेल थिताव घड़ीन तुलाय लगा इदा।

1 कुरिंती 3:10 ပူးပေါင်းရင်းမြစ်များ

मती ओजाःतेरा भगवानराः नपाय सरवन 24:45

“कनहूनदार अरू नपाय बिसवासगेयीग सेवकिया होड़ इये हवे? एटाः सेवकिया होड़कू नपाय बेलारे जोम जिनिसकून एमेवाकू लगा मालिक मूक होड़े बड़ाँवतिरिया हनाँय हवे।

मती ओजाःतेरा भगवानराः नपाय सरवन 7:24

“ईंगराः जमा कताय मनाःता हाँयग होड़ कनहूनदार इदानिया। हाँय चटइनरे नेवतेडखन ओड़ाःय तुलातेरा हाँयग होड़ इया इदानिया।

लूका 11:35

आम जीवरे मरसल इदा, हना मरसल अलो अंदरागुः लगा सवासितीम दोहोन।

लूका 21:8

दो ईसू कताया, “तोनोंगीग अपे अहाकू बहकाव अवेपे लगा सवासितीपे दोहोन। मुरुक बगरा होड़कू ईंगराः ञावते अपे एचेरेकू वेगता अरूकू कतायता, ईंग हनाँय हवे, माःआन। अरूकू कतायता, चउंदीस टुटीगगुःराः बेला सोदोरयना, माःआन। मनदो अपे हँकू तयोम अलोपे सेन।

मूक चेलाकू 18:27

अपोलोस अकाया छतर सेन लगाय ओंगलेःआ दो इपीसी सहररिकुःआ बिसवासी होड़कू हाँयकू कता बहालगोतेडीग अरू अकायारिकुःआ बिसवासी होड़कू हाँयकू नेत-नेवारगेय लगा चिठीकू ओजाः इदीतेरा। हाँय हंडाय सोदोरनेना दो भगवानराः मयातेकू बिसवासतेरा हँकुःआ अकाया छतररिकुःआ बिसवासी होड़कू लगा मुरुक संघरा होयानेना।

रूमी 1:5

जमा जइत होड़कू ईसू मसी मनेवाडिगखन बिसवास अवे लगा, भगवान हाँयते अले मयावाडखन मूक चेलाकूय बड़ाँवकेडलेःआ।

रूमी 12:3

दो भगवान ईंगे मयावारा। हना अते ईंग हाँयरीग मूक चेलायिंग बड़ाँवकियानखन अपेयिंग सेतावतना, अपे इदानपेःआ हना अते मरंग अँननपे अपे अहापे ओंगलुः। मनदो नाय नपायते ओंगोल बुझावकियानखन भगवान अपेय जिमावारा हिनिनमिन बिसवास इया अँननपे अपे फड़ियावगुः।

रूमी 15:15

मनदो ईंग डीड़कियानखन तोनोंगाः कताकून एचे उहियाहपे लगायिंग ओजाःगेतना। भगवान मयावाडिंगखन,

रूमी 15:20

ईसू मसी बदीरे मेरकू सुदी अवेगरा, हँकुःआ होड़कू नपाय सरवनिंग परसार उदुःवाकू लगा ईंग जीव ओंगोल तरसाःतना, जेमहा ईंग एटाः होड़ रेमकेरा हना रेमतो भीटरे ओड़ाः अलोयिंग तुलाय।

1 कुरिंती 3:11

दो नाःआ ओड़ाःराः नेव इनीसू मसी एकला इदानिया। हनालगा हाँय अते एटाः तोनोंगाः नेव तोनोंगीग ओरोय गडा अवेतेरा।

1 कुरिंती 9:2

अदोम होड़कू कतायतना, पउलूस ईसू मसीरीग मूक चेला ना लवे, माःआन। मनदो अपे ईंग ईसूरीग मूक चेला हवे माःआन अपे जीवरेपे ओंगोल दोहोबाःकाडिंगा। अपे ईसू एचेरेपे बिसवासकेरा हना ञेलकेडखन होड़कू सुदींगता, पउलूस ईसू मसीरीग मूक चेला हवे, माःआन।

2 कुरिंती 10:15

भगवान अलेय जिमावारा हनानाः सेवा अड़ाःकेडखन एटाः होड़कूराः सेवा बदीरे अलेराः सेवा हवे माःआन, मेरले भल-भलायगुःता। मनदो अले असरातना, अपे बिसवासरेपे बड़ियाड़ जुवाःता, अरू अपे तलारे अलेराः सेवा हों अरू बगरा होयागोड ञवनता,

इपीसी 2:20

अरू अबू हना ओड़ाःराः फड़ा इयाबू बड़ाँवयना। इनीसू मसी हना ओड़ाः तलाराः बड़ियाड़ खुंटा इया इदानिया अरू मूक चेलाकू अरू भगवानराः बड़रा कता होड़कू, ओड़ाःराः धरी खुंटाकून इया इदानकुःआ।

कुलूसी 1:29

ननानाः लगा ईसू मसी ईंगे एमेवारा हना जंगरते, मुरुक मिहनइत घड़ीनिंग सेवाकूतना।

कुलूसी 4:17

अरू अरकिपूस एचेरेपे कताय, “परबू आमे जिमावारा, हना सेवा एचे पुरावगे लगाम ओंगोल दोहोबाःका।”

1 तिसलूनिका 3:2

हनाते अले अबूरीग बिसवासी वगाबू अरू ईसू मसीराः नपाय सरवनराः परसाररे भगवानरीग सेवकिया होड़ तिमुतियूस अपेराः बिसवास एचे बड़ियाड़गे लगा अरू बिनिसवासरे सलाः लगाय कता बहालवापे लगा अपे एचेरेले वारकिरिया,

1 तिमुतियूस 4:16

आम सवासिती दोहोन घड़ीनमे जियाः अरू होड़कूम चेड। नान इयाम एचेय दो आम अरू आमराः बड़राकू अयुमेता हँकुःआ होड़कू हों आम सुदाकू बनसाव जुवाःता।

2 तिमुतियूस 2:15

तोनोंग कतारे गियुः मेर पराःता अरू भगवानराः सताय सरवन ननपायतेय चेडकूता भगवान जुकूरे दोहोनता हाँयग सेवकिया होड़ इया अनम आम जिमान लगा मिहनइत घड़ीनमे कुरनिसगे।

एकूब 3:1

ईंगरिकुःआ अजी बोपोहकूतिंग, अपे सुनुदीयतना भगवान अले चेडदार होड़कू, एटाः होड़कू अते कड़ातेय फड़ियावलेता। हनालगा अबू अते मुरुक होड़कू चेडदार होड़कू अहाबू बड़ाँः।

1 पतरस 4:11

परसारताकुःआ होड़कू भनगवानराः सरवन पपरसार लगा इदा। एटाः होड़कूकू सेवाता हँकुःआ होड़कू, भगवानराः जंगरते सेवाकू लगा इदा, जेमहा नाःआ जमाकून अते ईसू मसीते भगवानराः मान मरजइत होयाः। हनाँय मान मरजइतगे इयायीग अरू सगर सइट वरी अगम जंगरदार इदानिया। आमीन!

2 पतरस 3:15

अबूरीग परबू अबू सुदा सहाव घड़ीने दोहोना दो, हना अबू सडावगुःराः बेलाबू बुझाः। ननानाः कता बदीरे अबूरीग बिसवासी वगाबू पउलूस हों हाँय पवावनेना हना कनहून इया अपे लगाय ओजाःकेरा।

उदुःतो कताकून 21:14

हना सहरराः हता बारहगोटोंग नेवरे तुलात दोहोना। अरू हना मेमेडटोंग नेवरे हाँयग भेड़ा होनरिकुःआ बारहगोटोंग मूक चेलाकूराः ञाव ओजाःतो दोहोना।

उदुःतो कताकून 21:19

हना सहरराः नेव जमा बरानाः मुरुक किमइताः दिरिकूनते तुलात दोहोना। मड़ंगाः नेव हड़ियड़ रंगाः एसब दिरिते, अरू बार नमारराः नेव नीला रंगाः नीलमड़ी दिरिते अरू पेय नमारराः नेव सिसा इयाःआ दिरिते, अरू चइर नमारराः नेव हड़ियाड़ रंगाः पना दिरिते,