1 कुरिंती 2:15 - Korwa Bible

¹⁵ सुद बिरुवा इदानीग होड़, नपाय अरू बेलूर कताकूने बुझाव अवेनता, मनदो एटाः होड़कू हाँयग होड़ मेनेरकू बुझाव अवेनता।

1 कुरिंती 2:15 ပူးပေါင်းရင်းမြစ်များ

एहुना 7:17

तोनोंगीग होड़ भगवानराः ओंगोल इया एचेय लगाय चहाःता दो हाँय सुदीगोडता, ईंगराः चेड भगवान अगीते इदा जा ईंग इनिंग ओंगोलतेयिंग कतायतना, माःआन।

मूक चेलाकू 16:3

दो पउलूस हाँयग तिमुतियूस आँयग सुदा गोःगेय लगाय चहाःआ। हंडाकुःआ एहूदाकू सुसुदीःआ हाँयग तिमुतियूसराः खतना मेर होयागान अरू हाँयरीग अपात बेगर एहूदा होड़े दोहोना। हनालगा पउलूस तिमुतियूसे एचे खतनातेरा।

1 कुरिंती 14:37

तोनोंगीग होड़ ओंगलुः, ईंग भगवानराः बड़रा कतायीग होड़ हवे, माःआन सहे हाँय ओंगलुः, ईंग सुद बिरुवाराः अगुवाइतेयिंग सलाःता, माःआन। दो, हाँय ईंग ओओजाःतना हना कता भगवानराः हुकुम हवे माःआने सुनुदीबाःका।

1 कुरिंती 3:1

ने ईंगरिकुःआ अजी बोपोहकूतिंग, ईंग अपे सुदायिंग दोहोन मेला, सुद बिरुवा अगुवाइवाकूता हँकुःआ होड़कू सुदायिंग बुतुड़ुता इया अपे सुदा मेरिंग बुतुड़ु अवेगान। मनदो ईसू मसी एचेरे बिसवास बदीरे बती लइंकू इया अँननकूराः मनबिदियारेकू सलाःता हँकुःआ होड़कू एचेरेकू बुतुड़ुतान इया, अपे एचेरेयिंग बुतुड़ुःआ।

1 कुरिंती 4:5

दो परबू अरीने कुदा वेग वरी, अपे तोनोंगीग अलोपे फड़ियावगेय। हनाँय अंदरारे ओकोत इदा हना कताकून मरसलरेय एचे उदुःगोडता अरू होड़कूराः ओंगोलकूने एचे उदुःगोडता। हना तयोमते भगवान मेमेड होड़ अँननकूराः बुता इयाय भल-भलायकूता।

गलातिया 6:1

ईंगरिकुःआ अजी बोपोहकूतिंग, सुद बिरुवा अपे अगुवाइवापेतना। हनालगा अपे अते तोनोंगीग होड़ कसूरगोड दो, अपे सुधा होड़कू इया सताय दूर अगीपे कुदा अगूय। मनदो अपे कसूररे अलोपे बझाः लगा सवासितीपे दोहोन।

पिलिपी 1:10

जेमहा अपे ननपायते नपाय कता जमालेःआपे सुदी अवेय, अरू ईसू मसी कुदा वेग वरी सुद अरू बेगर गारबारतेःआ नपाय लूर-नेवन अपे जीवरे होया जुवाः।

कुलूसी 1:9

ननानाः लगा अलिंग नाःआलिंग अयूमकेरा, हना दिन वरीते अपे लगा, भगवान एचेरे अरजीगे लगा मेरलिंग अड़ाःगरा। भगवानराः ओंगोल जमालेःआपे सुदीय लगा, सुद बिरुवाते अपे कनहूनदारकू अरू बुझावदारकू होयाः लगालिंग अरजीगोड ञवनतना,

1 तिसलूनिका 5:21

मनदो होड़कू कतायतना हना जमा बड़रापे जास अरू ननपाय इदा हनापे मनाः।

इबरानी 5:14

मनदो बुधियाड़ इदानकुःआ हँकुःआ होड़कू कइन तुरहा उपयोतगेतान अते करा नपाय अरू करा बेलूर इदा हना जासगे लगाकू चेडकिया।

1 एहुना 2:20

मनदो ईसू मसी सुद बिरुवाय ओवाडपेःआ अरू नाःआते अपे जमा सताय कतापे सुदीयतना।

1 एहुना 4:1

ने अजी बोपोहकूतिंग, नाःआ चउंदीसरे भगवानराः बड़रा लबराकेडखन कताय होड़कू मुरुक इदनकुःआ। हँकुःआ होड़कूराः कता अपे ओहेन अहापे बिसवासगे। मनदो अपे हँकुःआ होड़कू सतायते भगवानराः बड़राकू कतायता जा कोवान हना नपायते जासवाडखनपे बिसवासगे।