1 कुरिंती 15:54 - Korwa Bible

⁵⁴ तयोमरे अबूराः नाःआ देह बदलाव जुवाःता अरू हना नँवा देह कहियो ओरो सेया लाय एंडानेना। नाःआ इया होयाः दो भगवानराः कागदरे ओजाःतो इदा हना सरवन पुराव जुवाःता। “भगवान जितावयना, दो नुँहू वरीते गुजुः रोंकावबाःयना।”

1 कुरिंती 15:54 ပူးပေါင်းရင်းမြစ်များ

लूका 20:36

हँकू ओरोकू गोएगनेना अरू सेरमो देसरिकुःआ बराहीलकू इयाकू दोहोनता। हँकुःआ होड़कू भगवान जियाव रेमकेडकुःआ अते, हँकू भगवानरिकुःआ लइंकू होयाःता।

रूमी 1:23

हँकू मान मरजइतगे इयायीग अरू कहियो ओरोय गोएगनेना, हाँयग भगवान मेरकू जागगेयतना। मनदो हँकू गुजुःताकू हँकुःआ होड़कू, तितीगकू, जानरकू अरू बींगकूराः मुरतीकून इया भगवानकू बड़ाँवगोतेडिया।

रूमी 2:7

तोनोंग तोनोंग होड़कू सहाव घड़ीन नपाय बुताकू बुतागोड ञवनता। हँकुःआ होड़कू भगवान अगीते मान मरजइत अरू मेर गुजुःता हना देह पवाः लगाकू चहाःतना। हँकुःआ होड़कू लगा भगवान ओरो टुटीगनेना हना जीवे एमेवाकूता।

रूमी 6:12

दो अपे नाःआ चउंदीसरेपे दोहोन मेला अपेराः लूर-नेवन बेलूराः कसूर ओंगोल इया सलाः लगा अहापे एमेय।

रूमी 8:11

भगवानराः बिरुवा, ईसू मसी गोएगतो होड़कू अतेय जियाव रेमकिरिया। अरू हनाँयग सुद बिरुवा अपे जीवरे होंय दोहोनता। भगवान ईसू मसी गोएगतो होड़कू अतेय जियाव रेमकिरिया। हनन इया हाँय हनाँयग सुद बिरुवाते अपेराः गुजुः इयाःआ देहकूने जियाव रेमता।

2 कुरिंती 4:11

अले जिनियत इदानले हों ईसू लगा जमा बेला अले गुजुः सेंगसारेले पारता, जेमहा अलेराः गोएग जुवाःता हना देहरे, ईसू जीयत इदानिया माःआन होड़कू एचेरे उदुः जुवाः।

2 कुरिंती 5:4

अरू अबू नाःआ कुंबा इयाःआ देहरे इदानबू मेला कुहकाः घड़ीन बोझारे इदानबुःआ। नाःआ देह अबू अअटू लगा मेरबू चहाःता, मनदो सेरमो देसराः देह पवाः लगाबू चहाःतना, जेमहा गुजुः इयाःआ देह ओरो टुटीगनेना हना देहते बदलाव जुवाः।

2 तिसलूनिका 1:10

ईसू मसी अनँयग एचेरेकू बिसवासकेरा अरू सुद इदानकुःआ हँकुःआ होड़कू एचेरे मान मरजइत जुवाः लगा, अरूकू बयाव जुवाः लगाय कुदा वेगता हना दिन, नाःआ जमाकून होयाःता। अरू अपे अलेराः हिदइतरेपे बिसवासकेरा। हनलगा अपे हों हना गउदारेपे दोहोनता।

उदुःतो कताकून 20:14

हनते हाँय गुजुः अरू पतालपूर सेंगेलराः हुडिंग समुंदररेय सोलोंगगोतेड। नाःआ सेंगेलराः हुडिंग समुंदर बार नमार गुजुः हवे।

उदुःतो कताकून 21:4

हाँय हँकूराः जमा मेड दाःए जोड अमिंगकूता। अरू हना तयोमरे गुजुः अरू फिकीर, अरू इयाम, अरू हसू कहियो ओरो दोहोनेना। नाःआ जमाकून सगर सइट लगा टनाड़ाव एंडा जुवाःता।”