1 कुरिंती 15:4 - Korwa Bible

⁴ हनते हाँयकू तीलगोतेड अरू भगवानराः कागदरे ओजाःतो इदा हनन इया पेनेय दिनरेय जियाव रेमकिया।

1 कुरिंती 15:4 ပူးပေါင်းရင်းမြစ်များ

मती ओजाःतेरा भगवानराः नपाय सरवन 12:40

एवना पेय दिन अरू पेय रइत मरंग हँकूराः दोंगे पेंदारेय दोहोना। हनन इया मनुवारीग बेटात पेय दिन अरू पेय रइत ओत पेंदारेय दोहोनता।

मती ओजाःतेरा भगवानराः नपाय सरवन 16:21

हना वरीते ईसू अनँयग चेलाकूतेने कता उदुःआ, “ईंग एरुसलेम सहररे सेन लगा इदा अरू एहूदाकूरिकुःआ मूक होड़कू, मरंग पुजउरीकू अरू नियम चेडदार होड़कू मुरुककू संतावगींगता अरूकू ञेड एंडागोडिंगता। मनदो ईंग पेय दिनरेयिंग जियाव रिमुःता।”

मती ओजाःतेरा भगवानराः नपाय सरवन 20:19

अरू बेगर एहूदाकूराः तिःईरेकू जिमागेयता अरू लंदा एरंगवा घड़ीनकू ञेडेयता अरू कुरूसरेकू ठोंकाव गोजेयता। मनदो पेय दिनरेय जियाव रिमुःता।”

मरकूस 9:31

अरू ईसू आँयगरिकुःआ चेलाकू चेडतेडखने कताया, “मनुवारीग बेटात होड़कूराः तिःईरेकू एचे सबेयता अरू हाँयकू ञेड गोजेयता अरू पेय दिनरेय जियाव रिमुःता।”

लूका 24:26

मसीके मुरुक कटसिया सहावकेडखन गुनुजुः लगा दोहोना अरू हना तयोमरे मान मरजइत सुदा सेरमो देसरे बोल लगा दोहोना।”

लूका 24:46

हाँय कताया, “भगवानराः कागदरे नाःआ इया ओजाःतो इदा, मसी कटसिया सहावकेडखने गुजुःता अरू पेय दिनरेय जियाव रिमुःता।

लूका 9:22

अरू हाँय कताया, “मनुवारीग बेटाके मुरुक कटसिया ससहाव पराःता अरू एहूदा मूक होड़कू, मरंग पुजउरीकू अरू नियम चेडदार होड़कू आड-बेकारवडिगखन हाँयकू एचे ञेड एंडागींता। मनदो हाँय पेय दिनरेय जियाव रिमुःता।”

एहुना 19:38

अरमतिया सहररीग उसूप ञावीग मी होड़ होड़ दोहोना। हाँय हों ईसूरीग चेलाय दोहोना। मनदो एहूदाकूरिकुःआ मूक होड़कूराः बोरते हना कता हाँय ओकोतेरा। दो हाँय पिलातूस एचेरे ईसूराः मुरदा गोःगे लगाय असेतेरा। हनते पिलातूस मुरदा गोःया लगाय एमेवागोतेडीग।

मूक चेलाकू 1:3

ईसू कटसिया सहावतेडखन कुरूसरेय गोएगनेन तयोमरे हाँय जीयत इदानिया, माःआन मुरुक सताय चिनहाकून हँकुःआ होड़कू एचेरे चालीस दिन वरीय एचे उदुःतेरा अरू भगवानराः राइज बदीरेय कता उदुःतेरा।

मूक चेलाकू 17:31

अरू आँयगरीग सुनावतो होड़ते, चउंदीसरिकुःआ जमा होड़कू सतायते फड़ियावकू लगा, भगवान मीटोंग दिने तोल दोहोकेरा। हाँयग सुनावतो होड़, भगवान गोएगतो होड़कू अते जियाव रेमकिडिगखन, नाःआ कता सताय हवे माःआन जमा होड़कूय उदुःवारा।”

रूमी 6:4

अबू बतिसमाबू गोःतेड मेला हाँय सुदाबू गोएगनेना दो अबू हों हाँय सुदा तीलतो इया इदानबुःआ। अरू अपांग भगवान ईसू मसी गोएगतो होड़कू अते अनँयगराः अगामाः जंगरतेय जियाव रेमकिरिया, हनन इया अबू हों नँवा जीवबू जियाव अवेनता।

कुलूसी 2:12

अरू अपे बतिसमापे गोःतेड मेला, अपे हों मसी सुदापे तीलयना। अरू भगवान अनँयग जंगरते, ईसू मसी गोएगतो होड़कू अतेय जियाव रेमतिरिया माःआनपे बिसवासगेतना। दो नँवा लूर-नेवनते, मसी सुदा अपे होँपे जियाव रेमकिया।

इबरानी 13:20

दो सलसत एमेयीग भगवान, भेड़ाकूरीग मूक सरवाहा अबूरीग परबू ईसू, सगर सइट दोहोनता हना कता-जमकावतोराः बलंगीते गोएगतो अतेय जियाव रेमकिरिया।

1 पतरस 1:11

मसीराः सुद बिरुवाते हँकुःआ होड़कू, मसी करा उड़ी कटसियाय सहावता अरू हना तयोमरे भगवान हाँय करा उड़ीय मान मरजइतगेयता, हना बदीरे मड़ंगरेकू कता उदुःतेरा। हनालगा भगवानराः बड़रा कता होड़कू, नाःआ जमाकून करा इया होयाःता अरू तुमिस होयाःता, हना सुदीगे लगा मुरुककू कुरनिस सोतेडा।