1 कुरिंती 15:32 - Korwa Bible

³² अरू इपीसी सहररिकुःआ होड़कू ईंग मुरुककू घंटावतिरिंगा अरू पहाड़ जानरकू इया ईंग सुदाकू लड़ाइनेना। गोएगतो होड़कू मेरकू जियाव रेमकुः दो नाःआ इयाःआ घंटाव चिला लगायिंग सहावकेःआ? गोएगतो होड़कू ओरोकू जियाव रेमनेन दो, “गपामिन अबू गोनेग जुवाःता, दो मान हमा अबू जोम-ञूय अरूबू मंजागे।”

1 कुरिंती 15:32 ပူးပေါင်းရင်းမြစ်များ

लूका 12:19

पला तुलाकेडखन ईंग इनिंगतेयिंग कतायता, ईंग मुरुक बरिस लगा हुड़ू अरू जमा जइतकूनिंग बुता अदेरकेरा। नुँहू नपाय ईंग जोम ञूयता अरूयिंग लोड़ोनता अरू बहालतेयिंग दोहोनता।

लूका 9:25

तोनोंगीग होड़ चउंदीसराः जमा जिनिसकूने पवाव जुवाः अरू अनँयग जीवे लायगोड दो, हनारे चिला नफा होयाःता?

मूक चेलाकू 18:19

हँकू इपीसी सहररेकू सोदोरनेन अरू हाँय पिरिसकी अरू अकिला हंडाय अटूतेडकिना। अरू हाँय अनँयग आँयगते अरजी ओड़ाःरेय सेनेडा अरू एहूदाकू सुदाय कता होड़ेंगा।

मूक चेलाकू 18:21

मनदो हाँय सेन मेला हँकू एचेरे नाःआ इयाय कतातेरा, “भगवानराः ओंगोल इदान दोयिंग कुदा वेगता।” हनते हाँय इपीसी सहर अते जहाजते तोराय।

मूक चेलाकू 19:1

अपोलोस कुरिंतीरेय दोहोन मेला, पउलूस गलातिया अरू पिरगिया छतरते इपीसी सहररेय सेनेडा। हाँय हंडा अदोम बिसवासी होड़कू सुदाय जुमावनेना।

रूमी 3:5

मनदो अदोम होड़कू कतायता, अलेराः कसूरते होड़कू सुदीगोडता भगवान तुमिन नपाय इदानिया, माःआन। दो नाःआ कता बदीरे चेले माःआनबू कताय? होड़कू अँनकूराः ओंगोल इयाकू कता अवेयता, हाँय अलेराः कसूर बदलारेय डंडियावले दो हाँयराः फड़ियाव सताय कोवानेःआ, माःआन। (ईंग होड़कूराः ओंगोल इयायिंग कतायतना।)

रूमी 6:19

अपे ओहेनपे बुझाव अवेन लगा ईंग मीटोंग बड़रायिंग ककतातना। मड़ंगरे अपे अँननपेराः देह दगलीकून कसूर अरू बेनेलूर बुताकून एचेय लगापे जिमातेरा। दो नुँहू अपे हनन इया अपेराः देह दगलीकून, नपाय बुता एचेय लगा अरू अपेराः जीव सुद होयाः लगा, भगवान एचेरेपे जिमा एंडागोड।

1 कुरिंती 16:8

ईंग पिंतिकूसतराः दिन वरी इपीसी सहररेयिंग दोहोनता।

गलातिया 3:15

ने अजी बोपोहकूतिंग, सगर दिनाः कताकून अते मीटोंग कतायिंग कतायता। होड़कूराः कता-जमकावतो तोनोंगीग मेरकू टड़ावगेता अरू मेरकू बदलायता।

2 पतरस 2:12

हँकुःआ होड़कू बोको जानरकू इया बेगर ओंगोलते इदानकुःआ अरू ञेड एंडाकू लगाकू होयाकिया। हँकू मेरकू सुदीयता हनानाः कताकून बदीरे एटाः होड़कूकू ओपताता अरू हँकू पहाड़ जानरकू इयाकू लाय एंडा जुवाःता।

जूदा 1:10

हनारे हों नँकुःआ होड़कू हँकू मेरकू सुदीयता हना कताकून बदीरे हों एरंग बड़राकू बड़राता अरू बोको जानरकू इया बेगर ओंगोलते इदानकुःआ अरू हना कताकूनते हँकू अँननकू अँकू लाय जुवाःता।