1 कुरिंती 14:6 - Korwa Bible

⁶ ने ईंगरिकुःआ अजी बोपोहकूतिंग, ईंग अपे एचेरे अनबुझ भासी कता घड़ीनिंग सेनेकुः दो, अपे लगा तोनोंगाः नफा होयाकुःआ जा? अरू ईंग अपे एचेरे भगवानराः उदुःतो सरवन, सहे हाँयराः कनहून, सहे भगवानराः बड़रा सहे चेडतो मेरिंग उदुःकेः दो अपे लगा तोनोंगाः नफा होयाकुःआ जा?

1 कुरिंती 14:6 ပူးပေါင်းရင်းမြစ်များ

मती ओजाःतेरा भगवानराः नपाय सरवन 11:25

दो हनमेला ईसू कतातेरा, “ने सेरमो देस अरू चउंदीसरीग मालिक, ईंगरीग अपांग भगवान, ईंग आमिंग धनियाबादतना। आम नाःआ कताकून, कनहूनदारकू अरू सुदीदारकू अतेम ओकोतेरा अरू लइंकू इया होड़कू एचेरेम उदुःकेरा।

मती ओजाःतेरा भगवानराः नपाय सरवन 16:17

हनते ईसू कता कुदातेरा, “ने एवनारीग बेटात सिमोन, भगवान आम जीवे नपायकेरा। तोनोंगीग मनुवा अगीते कोवान, मनदो सेरमो देसरे इदानिया ईंगरीग अपांग भगवान, नाःआ कता अनँयग आमे कता उदुःवाडमेःआ।

मती ओजाःतेरा भगवानराः नपाय सरवन 16:26

तोनोंगीग होड़ चउंदीसराः जमा जिनिसकूने पवाव जुवाः अरू अनँयग जीवे लायगोडता दो, हाँयके हनारे चिला नफा होयाःता? मी होड़ अनँयग जीव बदलारे चिलाय एमे अवेयता?

मूक चेलाकू 2:42

दो बिसवासी होड़कू मूक चेलाकूराः चेड मिनी जीवतेकू मनावनेना अरू एटाः बिसवासी होड़कू सुदा संगइतीरेकू दुड़ुःआ। हँकू रुटीकू डुंडीगा अरू मिनीरे जुमावनेनखनकू अरजीःआ।

रूमी 15:14

ने अजी बोपोहकूतिंग, ईंग इनिंग अपे बदीरेयिंग सुसुदीतना, अपे सतायरे नपाय होड़कू इदानपेःआ अरू भगवानराः कताकून नपायतेपे सुसुदीतना अरू अँननपे अपे चेड होड़ेंग अवेनता।

रूमी 16:17

दो ईंगरिकुःआ अजी बोपोहकूतिंग, अपे एचेरे गोड़न-पइयनकियानखन अरू मीटोंग कतायिंग असेयतना, होड़कू अपे चेडकिया हना चेडतो अते एटाः इया चेडकेडखन होड़कूकू हिगार हटिंगगोडकूता अरू होड़कू बिसवासतेकू एचे चलाःगोडकूता। दो हँकुःआ होड़कू सुदा सवासितीपे दोहोन अरू हँकू अते तोरेपे दोहोन।

रूमी 6:17

अपे मड़ंगरे कनासूर कसूररेपे दोहोना। मनदो नुँहू अपेकू चेडतेरा हनन इया अपे मिनी जीवकियानखनपे मनाःतना। हनालगा ईंग भगवानिंग धनियाबादगेयतना।

1 कुरिंती 10:33

ईंग इनिंग ननायगुः अते एटाः होड़कू ननाय जुवाः लगा जमा बेलायिंग कुरनिसगेता। ईंग इनिंगराः नफा मेरिंग ओंगलेता, मनदो एटाः होड़कू सडाव जुवाः लगा हँकूराः नफायिंग ओंगोलता।

1 कुरिंती 14:1

दो ईंगरिकुःआ अजी बोपोहकूतिंग अपे एटाः होड़कू दुलारकू लगापे होमगोड। अरू सुद बिरुवाराः दहिनकून पवाः लगा मुरुकपे रोयोँन, बिसेक भगवानराः बड़रा कता उदुः लगा सुद बिरुवा एमेवाबूता हनानाः दहिन पवाः लगापे रोयोँन।

1 कुरिंती 14:7

जीव कोवानेःआ हना बाजाकून अते मिनी इया अरो अयूमकुः दो, करा इया तोनोंगीग तंबुररा अरू बसुरीराः लाये सुदी अवेकेःआ?

2 कुरिंती 11:6

ईंग बुतुड़ु लगा नवड़िरहिया इदानिंगा हों, बेगर कनहूनते कोवायिंगा। अरू नाःआ कता बदीरे जमालेःआते अपे एचेरे नपायतेले उदुःबाःगोतेरा।

2 कुरिंती 12:1

बड़वारगुः अते तोनोंगाः नफा कोवानेःआ। मनदो परबू अगीतेयिंग पवावकिया हना दरसनकून अरूय उदुःवारिंगा हना कताकून बदीरेयिंग कता उदुःगोड ञवनता।

2 कुरिंती 12:7

दो नुँहू ईंग ओरोयिंग बुतुड़ु देखार अवेतेरा हनानाः मुरुक बगरा दरसनकून बदीरेयिंग कतायतना। दो ईंग अलोयिंग बड़वारगुः लगा सुई गोभावगिंगता इया कलउरीग बराहीलते मुरुक पीरा ईंग लगा भगवान एमेतेरा।

इपीसी 1:17

जेमहा परबू ईसू मसीरीग अगम मरंगीग अपात भगवान, अपे सेरमो देसराः कनहूने एमेवापे लगा अरू अनउर नपायते हाँयपे सुदी अवे लगा अनँयगराः कताकूने उदुःवापे।

इपीसी 3:4

अरू अपे नाःआ कतापे बछाःता दो, मसी बदीरे ओकोत दोहोना हना कता ईंग तुमिनिंग बुझावकिया, हना अपेय सुदी अवेयता।

पिलिपी 3:15

अबू अते, भगवानराः ओंगोल इया जमालेःआते उडु-बुडूत इदानबुःआ, अबू नाःआ इयाःआ ओंगोलरे सनालावगोड ञवन लगा इदा। मनदो तोनोंगीग एचेरे एटाः इयाःआ ओंगोल इदान दो, भगवान हँकूराः हना ओंगोल ननपायतेय एचे सुदीगोडकूता।

2 तिमुतियूस 2:14

दो नाःआ कता बिसवासी होड़कूम कता उहियार ञवनकू। तोनोंग नफा मेर होयाःता अरू अयुमेताकू हँकुःआ होड़कूराः जीव आडगोडता हना लबदकून बदीरे अलोकू अड़ा-चउकी लगा भगवान मड़ंगरेम सेतावकू।

2 तिमुतियूस 3:10

ने तिमुतियूस, ईंग करा उड़ी भगवानराः सरवन होड़कूयिंग चेडतेरा अरू ईंगराः लूर-नेवन अरू ईंगराः बिसवास अरू ईंग करा इयायिंग सहावगोड ञवना अरू करा इया होड़कूयिंग अलार-दुलारकेरा अरू करा उड़ी कटसियायिंग सहाव पारगोतेडा हना होंम सुसुदीतना।

2 तिमुतियूस 3:16

भगवानराः कागदराः जमा सरवन भगवानराः अगुवाइते ओजाःतो इदा अरू अबू होड़कू चेडकू लगा, डंटावकू लगा, मंदरावकू लगा अरू बेगर गारबारते नपाय जीवकू जियाः लगा मुरुक नफा एमेयता,

2 तिमुतियूस 4:2

भगवानराः सरवनमे परसार। अरू सगर बेला परसारगे लगा सपड़ावतोम दोहोन। मुरुक सहाव घड़ीन होड़कूम मंदरावकू अरूम डंटावकू अरूम कता बहालवाकू अरू भगवानराः सरवन नपायतेम चेडकू।

तितूस 3:8

नाःआ कता सनाताय हवे। ईंग चहाःतना आम भल-भलाय अरू जमाकू नफा पवाः लगा इदा हना कताकून तिंगीड घड़ीनमे चेडकू, जेमहा भगवान एचेरेकू बिसवासकेरा हँकुःआ होड़कू नपाय नपाय बुता तिंगीड घड़ीनकू एचे हड़ाःगे।

इबरानी 13:9

होड़कू अपे मसीराः चेडतो अते एटाः एटाःकू चेडपे दो, हनारे अलोपे बहकाःआ। जोजोमराः नियमकून मनावकेडखन अपेराः जीवरे तोनोंगाः नफा ओरो होयानेना। मनदो मसीराः मयाते अपेराः जीव बड़ियाड़गुःता।

2 पतरस 1:5

ननानाः लगा अपे मुरुक मिहनइत घड़ीन अपेराः बिसवास सुदा नपाय लूर-नेवनते हों दोहोन इदा, अरू नपाय लूर-नेवनतेपे जियाः मेला कनहूनदारपे बड़ाँः,

2 पतरस 3:18

मनदो अबूरीग परबू अरू सडावदार ईसू मसी अपेय मयावागोड ञवन अरू हाँयराः कनहूनरेपे बडे इदीन। हाँय लगा नुँहू अते सगर सइट वरी मान मरजइत होनोयागोड ञवन। आमीन!

2 एहुना 1:9

ईसू मसी चेडतिरिया हना सरवन बदलाकेडखन एटाः इयाय चेडकूता अरू सताय सरवन इया मेरेय सलाःता हाँयग होड़ भगवान सुदा अनसिनहारे दोहोनता। मनदो ईसू मसीराः सताय सरवन इयाय सलाःतना हाँयग होड़ भगवान अरू ईसू मसीरीग होड़े दोहोनता।