1 कुरिंती 14:37 - Korwa Bible

³⁷ तोनोंगीग होड़ ओंगलुः, ईंग भगवानराः बड़रा कतायीग होड़ हवे, माःआन सहे हाँय ओंगलुः, ईंग सुद बिरुवाराः अगुवाइतेयिंग सलाःता, माःआन। दो, हाँय ईंग ओओजाःतना हना कता भगवानराः हुकुम हवे माःआने सुनुदीबाःका।

1 कुरिंती 14:37 ပူးပေါင်းရင်းမြစ်များ

लूका 10:16

हनते ईसू चेलाकू एचेरेय कताया, “अपेराः बड़राकू मनाःता हँकू ईंगराः बड़रा होंकू मनाःता अरू अपेराः बड़रा मेरकू मनाःता हँकू ईंगराः बड़रा मेरकू मनाःता। अरू ईंगकू आड-बेकारवाता हँकू ईंगे वारकेरा हाँयकू आड-बेकारवाता।”

रूमी 12:3

दो भगवान ईंगे मयावारा। हना अते ईंग हाँयरीग मूक चेलायिंग बड़ाँवकियानखन अपेयिंग सेतावतना, अपे इदानपेःआ हना अते मरंग अँननपे अपे अहापे ओंगलुः। मनदो नाय नपायते ओंगोल बुझावकियानखन भगवान अपेय जिमावारा हिनिनमिन बिसवास इया अँननपे अपे फड़ियावगुः।

1 कुरिंती 14:29

भगवानराः बड़रा कता होड़कू अते बार पेय होड़कू बड़रा। हनमेला एटाःकू हँकूराः बड़रा नपायते ओंगोल चुवेर घड़ीनकू अयुमे।

1 कुरिंती 14:36

दो अपे चेले माःआनपे ओंगलेता? भगवानराः सरवन अँननपे अगीते बुँहड़ीकिया जा? अरू अँननपे एचेरे एकलाकू परसारतेरा जा?

1 कुरिंती 14:38

नाःआ कता अपे अयूम पार एंडागोड दो अपे हों रेहडाव उडुंग एंडा जुवाःता।

1 कुरिंती 2:15

सुद बिरुवा इदानीग होड़, नपाय अरू बेलूर कताकूने बुझाव अवेनता, मनदो एटाः होड़कू हाँयग होड़ मेनेरकू बुझाव अवेनता।

1 कुरिंती 3:1

ने ईंगरिकुःआ अजी बोपोहकूतिंग, ईंग अपे सुदायिंग दोहोन मेला, सुद बिरुवा अगुवाइवाकूता हँकुःआ होड़कू सुदायिंग बुतुड़ुता इया अपे सुदा मेरिंग बुतुड़ु अवेगान। मनदो ईसू मसी एचेरे बिसवास बदीरे बती लइंकू इया अँननकूराः मनबिदियारेकू सलाःता हँकुःआ होड़कू एचेरेकू बुतुड़ुतान इया, अपे एचेरेयिंग बुतुड़ुःआ।

1 कुरिंती 7:25

दो डिंडा इदानकुःआ हँकू बदीरे परबू अगीते ईंग एचेरे तोनोंगाः हुकुम कोवानेःआ। मनदो ईंगराः मीटोंग सलाहिंग उदुःवापेतना। भगवान ईंगे मयावारा, हनालगा अपे ईंग एचेरेपे भरसा अवेयता।

1 कुरिंती 7:40

मनदो ईंगराः ओंगोलरे हाँयग रंडियाहीन रनंडियाहीने दोहोन दो हाँय बहालतेय दोहोनता। अरू ईंग ओंगलेतना भगवानराः बिरुवा ईंग एचेरे हों इदा।

1 कुरिंती 8:2

तोनोंगीग होड़ ओंगलेता, ईंग कनहूनदार इदानिंगा, माःआन दो हाँय निःईमिन कहिसाः मेरेय सुदीयता।

2 कुरिंती 10:12

अँननकू भल-भलायगुःता हँकुःआ होड़कू सुदा अले एचे गँड़ाः लगा सहे एचे अउल-तउलगुः लगा मेरले चहाःता। हँकुःआ होड़कू अँननकू अँकू अउल-तउल होड़ेंगतान अते हँकू बुयांगकू बड़ाँव जुवाःता।

2 कुरिंती 10:7

अपे सताय कतापे सुदीवा। तोनोंगीग ओंगोलबाःका, ईंग मसीरीग हवे। दो हाँय अले बदीरेय बुझाबाःकान, ईंग इया हँकू हों मसीरिकुःआ हवे, माःआन।

2 कुरिंती 11:4

तोनोंगीग अपे एचेरे सेनेकियानखन अले परसारकेरा हाँयग ईसू अते एटाः ईसूकू परसार दो, सहे अपे पवावनेना हाँयग सुद बिरुवा अते एटाः इयाःआ बिरुवापे पवाः दो, सहे अपे कबुलावकिया हना नपाय सरवन अते एटाः इयाःआ सरवनपे अयूम दो, अपे हना कताकून ओनोहोनपे मनाव जुवाःता।

गलातिया 6:8

दो तोनोंगीग अनँयग जीवरे अनँयगराः बेलूर ओंगोल इयाय एचेयता, हाँय गुजुःए पवाःता। मनदो सुद बिरुवाराः ओंगोल इयाय एचेयता, हाँयग होड़ ओरो टुटीगनेना हना जीवे पवाःता।

2 पतरस 3:2

भगवानराः बड़रा कता होड़कू मड़ंगरेकू कतातेरा हना कता, अरू अबूरीग परबू अरू सडावदार ईसू अपे एचेरेय वारतेडकुःआ हँकुःआ मूक चेलाकूतेय एमेकेरा, हनानाः हुकुमपे उहियारगोड ञवन।

1 एहुना 4:6

अबू दो भगवानरिकुःआ होड़कू हवे अरू भगवानकू सुदीता हँकुःआ होड़कू अबूराः कताकू मनाःता। मनदो भगवान मेरकू सुदीता हँकुःआ होड़कू अबूराः कता मेरकू मनाःता। ननन अते सुदीगोडताबू इये इयेकू भगवानराः सुद बिरुवा अते सताय बड़राकू चेडकिया अरू इये इयेकू कलउ अते लबरा बड़राकू चेडकिया, माःआन।

जूदा 1:17

मनदो ईंग अजी बोपोहकूतिंग, अबूरीग परबू ईसू मसीरिकुःआ मूक चेलाकू, मड़ंगरेकू कता उदुःतेरा हना कतापे उहियारगोड ञवन।