1 कुरिंती 14:29 - Korwa Bible

²⁹ भगवानराः बड़रा कता होड़कू अते बार पेय होड़कू बड़रा। हनमेला एटाःकू हँकूराः बड़रा नपायते ओंगोल चुवेर घड़ीनकू अयुमे।

1 कुरिंती 14:29 ပူးပေါင်းရင်းမြစ်များ

मूक चेलाकू 13:1

अंतकियाराः कलसियारे तोनोंग तोनोंग भगवानराः बड़रा कता होड़कू अरू चेडदार होड़कू होंकू दोहोना। हँकूराः ञाव दोहोना बरनाबास, निगर माःआन एटाः ञाव दोहोना हाँयग सिमोन, कुरेनरीग लुकियूस, हरदोस सुदा मिनी सउंगताकिन दोहोना हाँयग मनाहेम अरू साहूल।

1 कुरिंती 12:10

अरू एटाः होड़कू बयाव जुवाः इयाःआ बुताकून एचे लगा अरू एटाः होड़कू भगवानराः बड़रा कता होड़कू होयाः लगा सुद बिरुवा दहिन एमेवाकूता। तोनोंग तोनोंग होड़कू सुद बिरुवाराः बड़रा अरू भूतकूराः बड़रा अंदजाव लगा अरू तोनोंग तोनोंग होड़कू अनबुझ भासीकून बड़रा लगा अरू तोनोंग तोनोंग होड़कू अनबुझ भासीकूनराः अरत बुझाः लगा दहिनकू पवाःता।

1 कुरिंती 13:2

ईंग भगवानराः बड़रायिंग कता अवे, अरू भगवानराः ओकोत कता अरू कनहून जमालेःआयिंग बुझाव अवेन, अरू पहाड़कून चलाः एंडागे इयाःआ बिसवास ईंग एचेरे इदान हों ईंग एटाः होड़कू मेरिंग दुलार दो, ईंग कही कोवायिंगा।

1 कुरिंती 14:28

अरत उदुःयीग तोनोंगीग मेरेय दोहोन दो, हँकुःआ अनबुझ भासी बड़रा होड़कू कलसियारे कलेकालकू दोहोन। अरू हँकू अँननकूराः इंदरीरे भगवान सुदाकू बुतुड़ु।

1 कुरिंती 14:30

तोनोंगीग भगवानराः बड़राय कता उदुः मेला, हंडा दुड़ुःतो होड़कू अते तोनोंगीग एचेरे भगवान अनँयगराः सरवन कता लगाय उदुःवाडिया दो, हाँय हनानाःए कता उदुःगे। मनदो मड़ंगे ककाता हाँय कलेकाल जुवाःय।

1 कुरिंती 14:32

भगवानराः बड़रा कता होड़कू अँननकूराः अलंगकू रोंकाव अवेयता। नाःआ अते हँकू ओरे-ओरकू कता उदुः अवेयता।

1 कुरिंती 14:37

तोनोंगीग होड़ ओंगलुः, ईंग भगवानराः बड़रा कतायीग होड़ हवे, माःआन सहे हाँय ओंगलुः, ईंग सुद बिरुवाराः अगुवाइतेयिंग सलाःता, माःआन। दो, हाँय ईंग ओओजाःतना हना कता भगवानराः हुकुम हवे माःआने सुनुदीबाःका।

1 कुरिंती 14:39

हनालगा ईंगरिकुःआ अजी बोपोहकूतिंग, अपे हों भगवानराः बड़रा कता होड़कू होयाः लगापे रोयोँन, अरू अनबुझ भासी बड़रा होड़कू अलोपे रोंकावकू।