1 कुरिंती 14:27 - Korwa Bible

²⁷ अपे अनबुझ भासीरेपे बड़रा दो बार पेय होड़ अते बगरा अलोपे बड़रा। अरू हन हों मेमेड होड़ मेमेड होड़ कताय लगा इदा, अरू हँकूराः बड़राराः अरत उदुः लगा मी होड़ दोहोन।

1 कुरिंती 14:27 ပူးပေါင်းရင်းမြစ်များ

1 कुरिंती 12:10

अरू एटाः होड़कू बयाव जुवाः इयाःआ बुताकून एचे लगा अरू एटाः होड़कू भगवानराः बड़रा कता होड़कू होयाः लगा सुद बिरुवा दहिन एमेवाकूता। तोनोंग तोनोंग होड़कू सुद बिरुवाराः बड़रा अरू भूतकूराः बड़रा अंदजाव लगा अरू तोनोंग तोनोंग होड़कू अनबुझ भासीकून बड़रा लगा अरू तोनोंग तोनोंग होड़कू अनबुझ भासीकूनराः अरत बुझाः लगा दहिनकू पवाःता।

1 कुरिंती 14:13

हनालगा तोनोंगीग होड़ अनबुझ भासीय बड़राता दो हाँय हना भासीराः अरत उदुः अवे लगा भगवान एचेरेय अरजी।

1 कुरिंती 14:2

अनबुझ भासीय बड़राता हाँयग होड़, होड़ सुदा मेरेय बड़राता, मनदो भनगवान सुदाय बड़राता। हनालगा हाँयराः बड़रा तोनोंगीग मेरेय बुझाव अवेनता, अरू हाँय ओकोत बुइदकून सुद बिरुवा अगुवाइतान अतेय कतायता।

1 कुरिंती 14:26

ने अजी बोपोहकूतिंग, अपे मिनीरेपे जुमाः मेला नाःआ इयापे एचेय। अपे मेमेड होड़ मेमेड होड़ एचेरे सेरेंगकून सहे, चेड सरवन सहे, भगवानराः एचे उदुःतो सरवन सहे, अनबुझ भासी सहे, अनबुझ भासीराः अरत उदुः लगा इदा दो, नाःआ जमाकूनते कलसियारिकुःआ जमा बिसवासी होड़कूराः नफा होयाः लगा इदा।

1 कुरिंती 14:28

अरत उदुःयीग तोनोंगीग मेरेय दोहोन दो, हँकुःआ अनबुझ भासी बड़रा होड़कू कलसियारे कलेकालकू दोहोन। अरू हँकू अँननकूराः इंदरीरे भगवान सुदाकू बुतुड़ु।

1 कुरिंती 14:5

ईंग चहाःता, अपे जमाकू अनबुझ भासीपे बड़रा, मनदो नाःआ अते बगरा अपे भगवानराः बड़रा कता होड़कूपे होयाः लगा ईंग चहाःता। अनबुझ भासी बड़रायीग होड़ हना भासीराः अरत कलसियारिकुःआ होड़कूराः बिसवास बड़ियाड़गे लगा मेरेय उदगे दो, हाँय भगवानराः बड़रा कतायीग होड़ अते हुडिंग इदानिया।