1 कुरिंती 14:15 - Korwa Bible

¹⁵ दो ईंग चिलायिंग एचे? ईंग बिरुवाते होयिंग अरजीता अरू ओंगोल चुवेरगे घड़ीन होयिंग अरजीता। ईंग बिरुवाते होयिंग सेरेंगता अरू ओंगोल चुवेरगे घड़ीन होयिंग सेरेंगता।

1 कुरिंती 14:15 ပူးပေါင်းရင်းမြစ်များ

मूक चेलाकू 21:22

दो नुँहू अबू चिला एचे इदा? हँकुःआ एहूदाकू सुनुदीगोडता, आम नंडाम वेगकिया माःआन।

रूमी 1:9

जमा बेला अपे उहियारकेडपेखनिंग अरजीगोड ञवनतना माःआन भनगवान हमा ईंगरीग हिदइतदार हवे। अरू हनाँयग भगवानरीग बेटात ईसू मसीराः नपाय सरवन परसार घड़ीन मिनी जीवतेयिंग सेवायतना।

रूमी 3:5

मनदो अदोम होड़कू कतायता, अलेराः कसूरते होड़कू सुदीगोडता भगवान तुमिन नपाय इदानिया, माःआन। दो नाःआ कता बदीरे चेले माःआनबू कताय? होड़कू अँनकूराः ओंगोल इयाकू कता अवेयता, हाँय अलेराः कसूर बदलारेय डंडियावले दो हाँयराः फड़ियाव सताय कोवानेःआ, माःआन। (ईंग होड़कूराः ओंगोल इयायिंग कतायतना।)

रूमी 8:31

भगवान अबू लगा नाःआ इया ननपाये एचेकेरा दो हना बदीरे अबू चेले माःआनबू कतायता? सतायरे, भगवान अबू अगी इदानिया, दो इये अबूय घंटाव अवेबूता?

1 कुरिंती 10:19

दो मुरती मड़ंगरे देगतो बलिदानरे तोनोंगाः जंगर इदा अरू मुरतीरे हों जंगर इदा माःआन ईंग मेरिंग कतायतना।

1 कुरिंती 14:14

दो ईंग अनबुझ भासीरेयिंग अरजी दो ईंगराः बिरुवा अरजीता, मनदो ओंगोल चुवेरगे घड़ीन मेरिंग अरजीता।

1 कुरिंती 14:19

मनदो ईंग कलसियारे दस हजार लबदकून अनबुझ भासीरेयिंग बड़रा अते पाँचगोटोंग फरचार लबद ओंगोल चुवेरगुः घड़ीनिंग चेडकू दो हनानाः नपाय होयाःता।

1 कुरिंती 14:26

ने अजी बोपोहकूतिंग, अपे मिनीरेपे जुमाः मेला नाःआ इयापे एचेय। अपे मेमेड होड़ मेमेड होड़ एचेरे सेरेंगकून सहे, चेड सरवन सहे, भगवानराः एचे उदुःतो सरवन सहे, अनबुझ भासी सहे, अनबुझ भासीराः अरत उदुः लगा इदा दो, नाःआ जमाकूनते कलसियारिकुःआ जमा बिसवासी होड़कूराः नफा होयाः लगा इदा।

इपीसी 6:18

सुद बिरुवाते जमा बेलारे जमालेःआ लगा अरजी हड़ाःगोड ञवनपे। ननन इया सवासितीपे दोहोन घड़ीन भगवानरिकुःआ जमा सुद होड़कू लगा अरजीगोड ञवनपे।

पिलिपी 1:18

नाःआते चिला होयाःता? तोनोंगाः बेलूर ओंगोलते सहे नपाय ओंगोलते, नाःआ बनर ओंगोलते मसीराः बदीरेकू परसारगेता दो नाःआते ईंग बहालरे इदानिंगा अरू बनाहाल बहालतेयिंग दोहोनता। हाव, ईंग बनाहाल बहालतेयिंग दोहोनता।

कुलूसी 3:16

मसीराः सरवन अपेराः जीवरे नपायतेपे दोहोगे। अरू जमालेःआ कनहूनते अँननपे अपे सेताव होड़ेंग घड़ीनपे चेड होड़ेंग। अरू अँननपेराः इंदरीरे भगवान धनियाबाद घड़ीन जाग सेरेंगकून, लंबी लंबी मसी सेरेंगकून, अरू सुद बिरुवा अगुवाइवापेता हना सेरेंगकूनपे सेरेंगगोड ञवन।

एकूब 5:13

अपे अते तोनोंगीग होड़ सिकिसतारे इदानीग दो, हाँय अरजीगेय। बहालरे इदानीग दो, हाँय भगवान जाग घड़ीने सेरेंग।

जूदा 1:20

मनदो ईंगरिकुःआ अजी बोपोहकूतिंग, अपेराः मुरुक सुद बिसवास बड़ियाड़ इदीनपे अरू सुद बिरुवा अगुवाइवापेता हना इयापे अरजी।