1 कुरिंती 13:12 - Korwa Bible

¹² नुँहू अबू अइनारे उंबूलताबू ञेलता हना इया कोयोल कोयोलबू ञेञेलतना। मनदो हनमेला अबू मुहा-मुहीबू ञेलता। नुँहू ईंग एचेरे गुनुनमिन कनहून इदा। मनदो भगवान ईंग बदीरे उडु-बुडूय सुदीकेरा हनन इया हनमेला ईंग हों उडु-बुडूयिंग सुदीगोडता।

1 कुरिंती 13:12 ပူးပေါင်းရင်းမြစ်များ

मती ओजाःतेरा भगवानराः नपाय सरवन 18:10

“अपे ईंगपे अयूम, ईंग एचेरेकू बिसवासगेता हँकुःआ होड़कू अते तोनोंगीग हुडिंगीग होड़ अहापे आड-बेकारवाय। सेरमो देसरे नँकूरिकुःआ अगुरादार बराहीलकू, हंडा इदानिया ईंगरीग अपांग भगवान सुदा सगर बेला इदानकुःआ।

मती ओजाःतेरा भगवानराः नपाय सरवन 5:8

इंदरी सुद इदा, हँकुःआ होड़कूराः जीव भगवान भलावाडखने नपायगेयता, अरू हँकुःआ होड़कू भगवानकू ञेल अवेता।

एहुना 10:15

अरू ईंग ईंगरिकुःआ भेड़ाकू लगा ईंगराः जीविंग एमेगोडता। ईंगरीग अपांग ईंगे सुदीता, हनन इया ईंग हों ईंगरीग अपांगिंग सुदीता।

रूमी 8:18

ईंग सुदीबाःगोतेडिंग, अबू तयोमरे भगवान एचेरेबू पवाःता हना मान मरजइत अते नुँहूबू सहाव पारता हना कटसिया तोहोड घाव मिन हों कोवानेःआ।

1 कुरिंती 13:11

ईंग लँइगिंग दोहोन मेला, लनँइग इयायिंग बुतुड़ुःआ, अरू लइंकू इयायिंग ओंगलेःआ, अरू लनँइग इयायिंग ओंगोल चुवेरगुःआ। मनदो ईंग सयाँड़यान दो, ईंग लँइग इया ओंगोलकून मिनी मुरुखियायिंग अड़ाः एंडागोतेडा।

1 कुरिंती 8:3

मनदो तोनोंगीग भगवाने दुलारता दो, भगवान हाँये सुदीता।

2 कुरिंती 3:18

मनदो बिसवासगेता अबू जमाकू हुमू आह बेगर पता रेडतो अते परबूराः अगम जबड़ जंगरबू अटकारगेता। परबू सुद बिरुवा हवे अरू हाँय अते हना जंगर अरू बगरा बगरा अटकार घड़ीनबू बदलाव इदीनता, जेमहा अबू परबू बरोबइरबू होया जुवाः।

2 कुरिंती 5:7

नुँहू अले ञेनेल मेड मेरले सलाःतना, मनदो अले बिनिसवासकेडखनले सलाःतना।

पिलिपी 3:12

ईंग नाःआ जमाकूनिंग पवावयान सहे जमालेःआते नपाय इदानिंगा माःआन मेरिंग कतायतना। मनदो ईसू मसी ईंगे साबकेरा हनानाः ओंगोल पुरावगे लगायिंग मिहिनइतगेतना।

एकूब 1:23

भगवानराः सरवन अयुमेता मनदो मेरेय मनाःता हाँयग होड़, अनँयगराः सुरइत अइनारेय ञेलता हनाँयग होड़ इया इदानिया।

1 एहुना 3:2

ने ईंगरिकुःआ सउंगताकू, अबू भगवानरिकुःआ लइंकू हवे। अबू तयोमरे करा इयाबू होयाःता हना नुँहू जमालेःआते मेरबू सुसुदीता। मनदो अबू नाःआबू सुसुदीतना, हाँय सेरमो देस अतेय वेगता हनमेला अबू हाँय इदानिया हनन इयाबू ञेलेयता अरू हनाँय इयाबू होया जुवाःता।

उदुःतो कताकून 22:4

हँकू भगवानराः मुरइतकू ञेलता अरू हाँयराः ञाव हँकूराः समांगरे ओजाःतो दोहोनता।