1 कुरिंती 13:10 - Korwa Bible

¹⁰ मनदो उडु बुडूत कता होयाःता हना टुटीग बेलारे, उडु-बुडूत कोवानेःआ हना जमाकून टगाव जुवाःता।

1 कुरिंती 13:10 ပူးပေါင်းရင်းမြစ်များ

1 कुरिंती 13:11

ईंग लँइगिंग दोहोन मेला, लनँइग इयायिंग बुतुड़ुःआ, अरू लइंकू इयायिंग ओंगलेःआ, अरू लनँइग इयायिंग ओंगोल चुवेरगुःआ। मनदो ईंग सयाँड़यान दो, ईंग लँइग इया ओंगोलकून मिनी मुरुखियायिंग अड़ाः एंडागोतेडा।

1 कुरिंती 13:12

नुँहू अबू अइनारे उंबूलताबू ञेलता हना इया कोयोल कोयोलबू ञेञेलतना। मनदो हनमेला अबू मुहा-मुहीबू ञेलता। नुँहू ईंग एचेरे गुनुनमिन कनहून इदा। मनदो भगवान ईंग बदीरे उडु-बुडूय सुदीकेरा हनन इया हनमेला ईंग हों उडु-बुडूयिंग सुदीगोडता।

1 कुरिंती 13:9

अबूराः कनहून गुनुनमिन इदा, अरू अबू भगवानराः बड़राबू कताता हना उडु-बुडू कोवानेःआ।

पिलिपी 3:12

ईंग नाःआ जमाकूनिंग पवावयान सहे जमालेःआते नपाय इदानिंगा माःआन मेरिंग कतायतना। मनदो ईसू मसी ईंगे साबकेरा हनानाः ओंगोल पुरावगे लगायिंग मिहिनइतगेतना।