1 कुरिंती 12:28 - Korwa Bible

²⁸ अरू भगवान कलसियारे एटाः एटाः इयाकुःआ होड़कूय सुनाव दोहोकेडकुःआ। मड़ंगरे ईसूरिकुःआ मूक चेलाकू, अरू भगवानराः बड़रा कता होड़कू, अरू चेडदार होड़कूय सुनाव दोहोकेरा। अरू हाँय अरू एटाः होड़कूय सुनाव दोहोकेरा। हँकू बयाव जुवाः इयाःआ बुता एचे लगा, अरू बेमरियाकू नपायकू लगा, अरू संघरावाकू लगा, अरू अगुवाइवाकू लगा, अरू अनबुझ भासी बड़रा होड़कू होयाः लगाय सुनाव दोहोकेडकुःआ।

1 कुरिंती 12:28 ပူးပေါင်းရင်းမြစ်များ

मरकूस 16:17

बिसवासगेता, हँकुःआ होड़कू नाःआ जमाकूनकू चिनहा इयाकू एचे अवेता। हँकू ईंग ञावते भूतकूकू एचे उडुंगगोडता अरू हँकू एटाः एटाः नँवा नँवा भासीकू बड़राता।

लूका 6:14

ईसू, पतरस माःआने ञावकिरिया हाँयग सिमोन, हाँयरीग बोहोत अंदरियास, एकूब अरू एहुना, पिलिपूस अरू बरतुलमाय,

मूक चेलाकू 11:27

हननमेला एरुसलेम अते अदोम भगवानराः बड़रा कता होड़कू अंतकिया सहररेकू वेजेडा।

मूक चेलाकू 20:28

हनालगा अपे अँननपेराः जीवपे अगुरागे अरू अपेराः आड़रे इदानकुःआ हँकुःआ होड़कू होँपे तिहाकू। भगवान अनँयग बेटातराः बलंगीतेय किजाकेडकुःआ भगवानराः कलसियारिकुःआ होड़कू नपाय अगुवा होड़कू इयापे तिहाकू।

1 कुरिंती 10:32

अरू अपे एहूदाकू, सहे बेगर एहूदाकू, सहे कलसियारिकुःआ बिसवासी होड़कू एचे कसूरकू लगा अलोपे बड़ाँः।

1 कुरिंती 12:18

मनदो भगवान अनँयगराः ओंगोल इया एटाः एटाः दगलीकून नपाये संजोड़ दोहोकेरा।

1 कुरिंती 12:29

जमाकू ईसूरिकुःआ मूक चेलाकू हवे जा? जमा होड़कू भगवानराः बड़रा कता होड़कू हवे जा? जमा होड़कू चेडदार होड़कू हवे जा? जमा होड़कू बयाव जुवाः इयाःआ बुताकूनकू एचेयता जा?

1 कुरिंती 12:30

बेमरियाकू नपायकू लगा दहिन जमाकू एचेरे इदा जा? जमा होड़कू अनबुझ भासीकू बड़राता जा? जमा होड़कू अनबुझ भासीराः अरतकू उदुः अवेयता जा?

1 कुरिंती 14:2

अनबुझ भासीय बड़राता हाँयग होड़, होड़ सुदा मेरेय बड़राता, मनदो भनगवान सुदाय बड़राता। हनालगा हाँयराः बड़रा तोनोंगीग मेरेय बुझाव अवेनता, अरू हाँय ओकोत बुइदकून सुद बिरुवा अगुवाइतान अतेय कतायता।

1 कुरिंती 14:4

अनबुझ भासीय बड़राता हाँयग होड़ अनँयगराः बिसवासे बड़ियाड़ता, मनदो भगवानराः बड़राय कताता हाँयग होड़ कलसियारिकुःआ जमा होड़कूराः बिसवासे बड़ियाड़ता।

1 कुरिंती 14:5

ईंग चहाःता, अपे जमाकू अनबुझ भासीपे बड़रा, मनदो नाःआ अते बगरा अपे भगवानराः बड़रा कता होड़कूपे होयाः लगा ईंग चहाःता। अनबुझ भासी बड़रायीग होड़ हना भासीराः अरत कलसियारिकुःआ होड़कूराः बिसवास बड़ियाड़गे लगा मेरेय उदगे दो, हाँय भगवानराः बड़रा कतायीग होड़ अते हुडिंग इदानिया।

इपीसी 2:20

अरू अबू हना ओड़ाःराः फड़ा इयाबू बड़ाँवयना। इनीसू मसी हना ओड़ाः तलाराः बड़ियाड़ खुंटा इया इदानिया अरू मूक चेलाकू अरू भगवानराः बड़रा कता होड़कू, ओड़ाःराः धरी खुंटाकून इया इदानकुःआ।

इपीसी 3:5

भगवान नाःआ कता मनाड़ंग जूगरिकुःआ तोनोंगीग होड़ एचेरे मेरेय एचे उदुःगाड। मनदो नुँहू सुद बिरुवाते भगवानरिकुःआ बड़रा कता होड़कू अरू सुद मूक चेलाकू एचेरेय एचे उदुःगोतेडा।

1 तिमुतियूस 5:17

नपायते होड़कूकू अगुवाइवाता हँकुःआ कलसियारिकुःआ अगुवा होड़कू अते तोनोंग तोनोंग होड़कू भगवानराः सरवनकू परसारगे लगा अरू चेडकू लगाकू मिहनइतगेता। दो ननन इयाकुःआ होड़कू बगरा मान मरजइतकू लगा इदा।

इबरानी 13:17

अपेरिकुःआ मूक होड़कू अपेकू तिहा हड़ाःता। हनालगा हँकूराः हुकुमपे मनाः अरू हँकूराः आड़रेपे दोहोन। हँकूके अपे बदीरे भगवान एचेरे आभा पुपुराव पराःता। हँकू बनाहालते नाःआ बुताकूपे एचे ओवाकू। हँकूके नाःआ बुता हंबाल इया होया जुवाः दो, अपे लगा तोनोंगाः नफा ओरो होयानेना।

इबरानी 13:24

अपेरिकुःआ जमा मूक होड़कू अरू जमा सुद होड़कू ईंग अगीते मसी सलाम। इतालीया देसरिकुःआ बिसवासी होड़कू अपेकू मसी सलामतना।