1 कुरिंती 12:27 - Korwa Bible

²⁷ नुँहू अपे मसीराः देह इया इदानपेःआ अरू मेमेड होड़ हाँयराः देह दगलीकून इया इदानपेःआ।

1 कुरिंती 12:27 ပူးပေါင်းရင်းမြစ်များ

रूमी 12:5

हनन इया अबू जमा बिसवासी होड़कू ईसू मसीराः देह इया मिनीकियानखन एटाः एटाः देह दगलीकून इया इदानबुःआ।

1 कुरिंती 1:2

कुरिंती सहररे इदानकुःआ भगवानराः कलसियारिकुःआ होड़कू अपे लगा, नाःआ चिठी ईंग ओओजाःतना। ईसू मसी एचेरेपे बिसवासकेड अते, भगवान अनँयग लगा अपेय एटाःकेडपेःआ अरू परबू ईसू मसीराः ञावतेकू अरजीता हँकुःआ जमा ततेररिकुःआ होड़कू सुदा अनँयगरिकुःआ सुद होड़कूय बड़ाँवकेडपेःआ। हाँयग ईसू मसी हँकूरीग अरू अबूरीग परबू हवे।

1 कुरिंती 10:17

अबू मुरुक बगरा होड़कू इदानबुःआ। मनदो रुटी मिनीटोंग इदा। नाःआ रुटी डुंडीग हटिंगकियानखन अबू जमाकूबू जोमता। हना नाःआ उदुःता, अबू जमाकू मिनी देह इया इदानबुःआ।

1 कुरिंती 12:12

मनुवाराः मिनीटोंग देह इदा, अरू एटाः एटाः देह दगलीकून इदा। एटाः एटाः देह दगलीकूनते मी होड़राः देह बड़ाँव जुवाःता। हनन इया मसीराः देह, मतलोब कलसिया हों मिनीटोंग इदा।

1 कुरिंती 12:26

मीटोंग दगली हसूरे पराव जुवाःतान दो जमा देह हसूरे दोहोनता। अरू मीटोंग दगलीराः भल-भलाय होयाःतान दो जमा देह दगलीकून अहाल-बहाल जुवाःता।

1 कुरिंती 6:15

अपे मेरपे सुसुदीतना जा, अपे मसीराः देह दगलीकून हवे? दो ईंग मसीराः देह दगलीकून गोःकेडखन सनही अइमी सुदा मिनी जुवाः लगायिंग जिमागोड जा? कहियो ओरो!

इपीसी 1:23

दो कलसिया मसीराः देह हवे अरू कलसिया हाँयराः जीवते पेरेगतो इदा। अरू हाँय अनँयग आँयगते जमाकून जमा इयाय एचे पुरावगोडता।

इपीसी 4:12

नाःआते भगवानरिकुःआ सुद होड़कू सेवा बुता बुता लगाकू सपड़ाःता अरू मसीराः देह, मतलोब कलसिया, अरूकू बड़ियाड़ जुवाःता।

इपीसी 5:23

मसी कलसियाराः बोः हवे, हनन इया मरद अइमीराः बोः हवे। कलसिया मसीराः देह हवे अरू हनाँय कलसियारीग सडावदार हवे।

इपीसी 5:30

अबू कलसियारिकुःआ होड़कू मसीराः देहराः दगलीकून हवे। हनालगा हाँय अबूय दुलारता अरूय असूलबूता।

कुलूसी 1:18

हाँय कलसियाराः बोः हवे अरू कलसिया हाँयराः देह हवे। हान हनाँयते बुँहड़ीनेना अरू गोएगतो अतेकू जियाव रेमनेना हँकुःआ होड़कू अते मनाड़ंग इनीदानिया। नाःआते हाँय जमालेःआते मनारंगे होयाःता।

कुलूसी 1:24

अपे लगा कटसियायिंग सहावतना अते, ईंग बहाल इदानिंगा। अरू मसी, कलसिया लगा कटसियाय सहावतेरा, हनन इया ईंग हों कलसिया लगा कटसियायिंग सनाहाव ञवनतना।

कुलूसी 2:19

नाःआ इयाकुःआ होड़कू ईसू मसी सुदा मिनी मेरकू दोहोनता, अरू हँकू बोः अते एटाःतो देह इया इदानकुःआ। सिर अरू गेँटकूनते बोः देहराः जमा दगलीकून मिनी जुमूट दोहोगेता, हनन इया ईसू मसी हों कलसिया, आँयगराः देह, मिनी जुमूटे दोहोगेता अरू भगवान कलसियाय एचे हरागोडता।