1 कुरिंती 11:5 - Korwa Bible

⁵ अरू तोनोंगीग अइमी बेगर बोः तंबूतेय अरजीता सहे भगवानराः सरवने उदुःता, दो हाँय अनँयगरीग मूके बेग-हतावाता। हाँय सोनहे मेरेय तंबूनतान दो, हाँयराः ऊब ईर टंगरूत इया इदानिया।

1 कुरिंती 11:5 ပူးပေါင်းရင်းမြစ်များ

लूका 2:36

मी होड़ अना ञावीग डुकरी दोहोना। हाँय भगवानराः बड़रा कतायीग अइमी दोहोना। हाँयरीग अपातराः ञाव फनुएल दोहोना अरू हाँय असेर गोतोररीग होड़ दोहोना। हाँय बियाह तयोमरे सात बरिस आँयग हड़मतो सुदाय दोहोना।

मूक चेलाकू 2:17

भगवान कतायतना, चउंदीस टुटीगगुःता हना अते मड़ंग दिनरे, जमा होड़कू एचेरे ईंग ईंगराः सुद बिरुवायिंग वारगोडता। अपेरिकुःआ बेटा बिटीकू, दरवाःआ हना कताकूनकू कहड़ीता, अपेरिकुःआ डिंघा लइंकू दरसनकू ञेलता, अरू अपेरिकुःआ सपायाड़कू सपनाकू ञेलता।

मूक चेलाकू 21:9

हाँयरिकुःआ चइरगोटोंग बिटीकू दोहोना। हँकू डिंडाकू दोहोना अरू भगवानराः बड़रा कता अइमीकू दोहोना।

1 कुरिंती 11:4

तोनोंगीग मरद अनँयगराः बोःरे सोनहे तंबूकेडखने अरजी, सहे भगवानराः सरवने कता उदुःता, हाँय अनँयगरीग मूके बेग-हतावाता।

1 कुरिंती 11:6

तोनोंगीग अइमी अनँयग बोः मेरेय तंबूनतान दो, हाँय अनँयग ऊबे ईर चुंडूल-मुंडूलगोड। अरू ऊब ईर टंगरूगुः सहे ईर चुंडूल-मुंडूलगुः, हाँय गियुःतान दो हाँय अनँयग बोः तंबून लगा इदा।

1 कुरिंती 14:34

अपेराः कलसियारे तोनोंगीग सरवने कता मेला अपेरिकुःआ अइमीकू हों बुतुड़ु लगा कोवानेःआ। हँकू कलेकाल दोहोन लगा इदा। भगवानराः नियम इया हँकू कता मनाः घड़ीन दोहोन इदा।