1 कुरिंती 11:32 - Korwa Bible

³² मनदो परबू अबू सोझावबू लगाय डंडियावबूता, जेमहा चउंदीसरिकुःआ एटाः होड़कू सुदा अहाय डंडियावबू।

1 कुरिंती 11:32 ပူးပေါင်းရင်းမြစ်များ

रूमी 3:19

मनदो अबू सुसुदीतना, नियमराः आड़रे इदानकुःआ हँकुःआ होड़कू हनानाः नियम इया सनालाः पराःता। दो चउंदीसरिकुःआ होड़कूय फड़ियावकूता हाँयग भगवानराः ओंगोलरे जमा होड़कू गारबारकेरा। हनालगा तोनोंगीग भगवान एचेरे ओरोकू कता अवेतेरा, ईंग तोनोंगाः कसूर मेरिंग कसूरगरा, माःआन।

रूमी 5:16

भगवान मयावाडबूखने दहिनवाडबुःआ, हना दहिन अदमराः कसूर बनी इया कोवानेःआ। हाँयराः कसूरते मुरुक होड़कू डंडकू पवावनेना। मनदो भगवानराः दहिनते अबू मुरुकबू कसूरतेडते हों भगवान एचेरे फड़ियावतो होड़कूय बड़ाँवकेडबुःआ।

1 कुरिंती 1:20

दो कनहूनदारकू अरू चेडदार होड़कू अरू नाःआ चउंदीसरिकुःआ पपरसार होड़कू बदीरे चेले माःआनपे ओंगलेतना? नाःआ चउंदीसरिकुःआ कनहूनदारकूराः कनहून, भगवान मेरेय एरंगवागरा जा?

1 कुरिंती 1:21

भगवान अगम कनहूनदार इदानिया। अरू हाँय ओंगोल दोहोकेरा, कनहूनदारकू अँनकूराः कनहूनते ईंग बदीरे ओरोकू सुदी अवेतेरा, माःआन। मनदो अले नपाय सरवनले परसारगे अते बिसवासगेताकू हँकुःआ होड़कू सडाव लगा भगवान ओंगोल दोहोकेरा। अरू नपाय सरवन मेरकू बिसवासगेता हँकुःआ होड़कू लगा अलेराः परसार बेगर लूर इया इदा।

1 कुरिंती 11:30

ननानाः अते मुरुक होड़कू अबड़ावयना अरू हसूरे इदानकुःआ अरू एटाः मुरुक होड़कू गोएगयनाकू।

1 कुरिंती 11:31

मनदो अबू अँननबू ओंगोल चुवेर घड़ीनबू जासगुः दो अबू डंड ओरोबू पवावनेना।

1 कुरिंती 11:33

हनालगा ईंगरिकुःआ अजी बोपोहकूतिंग, अपे परबू भोज जोजोम लगा मिनीरेपे दुड़ुः दो, अपे जमाकू अरीनकू जुमाः वरी तंगी होड़ेंगपे।

1 तिमुतियूस 1:20

बहकावतो होड़कू अते बार होड़ हुमिनियुस अरू सिकंदर हवे। दो नँकिनाः होड़किन ईंग कलउ तिःईरेयिंग जिमागोतेडकिना, जेमहा हँकिन भगवान ओपताकेडखन अहा कताय लगाकिन चिडुः।

1 एहुना 5:19

अबू सुदीयतना अबू भगवानरिकुःआ लइंकू हवे अरू जमा चउंदीसरिकुःआ होड़कू बेलूर इदानिया हाँयराः आड़रे इदानकुःआ।

उदुःतो कताकून 3:19

ईंग दुलारकूता हँकुःआ जमा होड़कू ईंग सोएग दूररेयिंग नपायकूता अरूयिंग डंटावकूता। हनालगा अपेराः जीवपे होमगोड, अरू कसूर अते भगवान अगी जीवपे कुदा।