1 कुरिंती 1:20 - Korwa Bible

²⁰ दो कनहूनदारकू अरू चेडदार होड़कू अरू नाःआ चउंदीसरिकुःआ पपरसार होड़कू बदीरे चेले माःआनपे ओंगलेतना? नाःआ चउंदीसरिकुःआ कनहूनदारकूराः कनहून, भगवान मेरेय एरंगवागरा जा?

1 कुरिंती 1:20 ပူးပေါင်းရင်းမြစ်များ

मती ओजाःतेरा भगवानराः नपाय सरवन 13:22

अरू जनुम बुदारे लोजोरनेना हना बिहान, भगवानराः सरवनकू अयुमेता हँकुःआ होड़कू हवे, मनदो हना सरवन चउंदीसराः ओंगोल अरू आन-धानराः ओंगोलते तेन जुवाःता। हनालगा हान मेर जो अवेनता।

एहुना 12:31

भगवान नाःआ चउंदीसरिकुःआ होड़कू फड़ियावकू लगा बेला सोदोरयना अरू भगवान नाःआ चउंदीसरीग राजा कलउए उडुंग एंडागोडेयता।

मूक चेलाकू 17:18

तोनोंग तोनोंग इपिकुरी अरू इसतोइकी गउदारिकुःआ कनहून चेडदार होड़कू पउलूस सुदाकू अड़ा-चउकीःआ। हँकू अते अदोम होड़कू होंबोरतेरा, “नाँयग बेलूर बउकाः होड़ चेले माःआन कताय लगाय चहाःतना?” एटाः होड़कू कतातेरा, “नाँय दो एटाः देसरिकुःआ होड़कूराः तोनोंग देवताराः बदीरेय कतायतना।” पउलूस, ईसूराः नपाय सरवन अरू गोएगतो होड़कूय जियाव रेमता हना कताय परसार उदुःतेरा, हनालगा हँकुःआ होड़कू नाःआ इयाकू कतातेरा।

रूमी 1:20

भगवानराः लूर तोनोंगीग कहियो मेरकू ञेलगडा। मनदो भगवान चउंदीसे तुलाकेरा हना वरीते होड़कू हाँय तुलाकेरा हना जमाकूनकू ञेञेलतना। नाःआ ञेलकेडखन होड़कू सुदी अवेयता भगवानराः जंगर कहियो ओरो ओहरावनेना। हनालगा तोनोंगीग ओरोकू कता अवेतेरा, भगवान ईंग मेरिंग सुदीयतना, माःआन।

रूमी 1:22

हँकू अँननकू अँकू कनहूनदारकू ओंगलुःतना, मनदो हँकू बुयांगयना।

1 कुरिंती 1:19

भगवानराः कागदरे नाःआ इया ओजाःतो इदा, “ईंग कनहूनदार होड़कूराः कनहूनिंग लाय एंडागोडता, अरू बुइददार होड़कूराः बुइदिंग इनिग ईगगोडता।”

1 कुरिंती 1:26

ने अजी बोपोहकूतिंग, भगवान अपेय सुनावकेड अते मड़ंग, अपे करा इयापे दोहोना हनापे उहियार। हनमेला अपे होड़कूराः ओंगोलरे कनहूनदारकू अरू जंगरदारकू मेरपे दोहोगान अरू अपे अते मुरुक होड़कू मरंग मरंग मइछुवारे मेरपे जनमावगान।

1 कुरिंती 1:27

मनदो भगवान कनहूनदारकू एचे गियू लगा चउंदीसरिकुःआ बेगर कनहूनदारकूय सुनावकेरा। अरू जंगरदारकू एचे गियू लगा भगवान सतवास होड़कूय सुनावकेरा।

1 कुरिंती 1:28

भगवान चउंदीसरिकुःआ लचार होड़कू अरू एरंगवाकूताकू हँकुःआ होड़कूय सुनावकेरा, जेमहा मरंग मरंग होड़कू बेगर लूरकू होया जुवाः।

1 कुरिंती 11:32

मनदो परबू अबू सोझावबू लगाय डंडियावबूता, जेमहा चउंदीसरिकुःआ एटाः होड़कू सुदा अहाय डंडियावबू।

1 कुरिंती 2:6

हनते हों अले बिसवासरे उडु-बुडूत इदानकुःआ हँकुःआ होड़कू एचेरे कनहूनराः सरवनले कता उदुःता। मनदो हना कनहून होड़कूराः ओंगोल इया कोवान सहे लाय एंडानताकू हँकुःआ चउंदीसरिकुःआ मूक होड़कूराः कनहून इया हों कोवानेःआ।

1 कुरिंती 2:8

नाःआ चउंदीसरिकुःआ मूक होड़कू तोनोंगीग नाःआ कनहून मेरकू बुझाव अवेगान। हँकू बुझावकुः दो मान मरजइतगे इयायीग परबू कुरूसरे ओरोकू ठोंकाव गोएगकेया।

1 कुरिंती 3:18

अपे अँननपे अहापे अडिग जोम। अपे अते तोनोंगीग नाःआ चउंदीसराः ओंगोल इया कनहूनदारे ओंगलुःतान दो, हाँय मड़ंग अनँयग बेगर कनहूनदारे ओंगलुः, हनेःएना कनहूनदारे बड़ाँव अवेनता।

1 कुरिंती 3:19

नाःआ चउंदीसरिकुःआ होड़कूराः कनहून भगवान मड़ंगरे बुयांगतो इया इदा। अरू हनानाः बदीरे भगवानराः कागदरे ओजाःतो इदा, “अँननकू कनहूनदारकू ओंगलुःता, हँकुःआ होड़कू अँननकूराः बुइदकूनते भगवान दाःकूता।”

1 कुरिंती 6:2

अपे मेरपे सुदीतना जा भगवानरिकुःआ सुद होड़कू चउंदीसरिकुःआ होड़कूकू फड़ियावता? दो अपे चउंदीसरिकुःआ जमा होड़कूपे फड़ियावकू लगा इदा दो गुन लकनाः कड़ीगकून ओरोपे फड़ियाव अवेतेरा जा?

एकूब 4:4

ने सनहा-सनहीत होड़कू, अपे मेरपे सुदीयता जा, अपे नाःआ चउंदीसराः जिनिसकूनपे मंजूरवाता दो, अपे भगवानपे हिनइस-बिनइसवाता। तोनोंगीग होड़ चउंदीसराः जिनिसकून मंजूरगे लगाय चहाःता दो, हाँयग होड़ भगवानरीग मुदइ होड़ इदानिया।