మరి మాటు నెసినాట్, దేవుణు మోసెఙ్‌ సితి యా రూలుఙ్, నాయమ్‌దాన్‌ మని వరిఙ్ వరి తపుఙ్‌ దిదిదెఙ్‌ సిఎన్ ఇజి. గాని రూలుఙ్ తప్ని వరిఙ్, లొఙ్‌ఇ వరిఙ్, నమ్మిఇ వరిఙ్, పాపిస్‌టిఙ్, దేవుణు బాణిఙ్‌ వాజిని సఙతిఙ్‌ ఇజ్రి కణకదాన్‌ సూణి వరిఙ్ మతమ్‌దిఙ్‌ దూసిస్ని వరిఙ్, అయిసి అప్పొసిరిఙ్‌ సప్ని వరిఙ్, లోకాఙ్‌ సప్ని వరిఙ్, రంకు బూలాని వరిఙ్, మొకకొడొః మొకకొడొఃర్‌నె కూడ్ని వరిఙ్, వెట్టిపణి కిదెఙ్‌ లోకురిఙ్‌ అసి పొర్ని వరిఙ్, అబద్దం వర్గిని వరిఙ్, అబద్దమ్‌దిఙ్‌ ఒట్టు కిని వరిఙ్, నిజమాతి బోదదిఙ్‌ విరోదం ఆతికెఙ్‌ కిని వరిఙ్, నని వరి వందిఙె రూలుఙ్ సిత మనాన్. నీను మహి లోకురిఙ్‌ వెహ్‌అ ఇజి, దేవుణు నఙి ఒపజెప్తి సువార్తదు అయా నిజమాతి బోద మనాద్. లోకుర్‌ పొగిడిఃజిని కిజిని గొప్ప పెరి దేవుణు బాణిఙె అయా సువార్త వాజినాద్.
2పేతురు 2:8 - Konda: కొండ బాసదు నెగ్గి కబ్రు8 ఎందనిఙ్‌ ఇహిఙ అయ నీతి మనికాన్‌ వరి గొప్ప సెఇ పణిఙ్‌ సుడ్ఃజి అక్కెఙ్‌ వెంజి రోజు వన్ని నెగ్గి మన్సుదాన్‌ గొప్ప బాద ఆజి మహాన్‌. အခန်းကိုကြည့်ပါ။ |
2పేతురు 2:8
12 ပူးပေါင်းရင်းမြစ်များ
ကြော်ငြာတွေ