ఎపెసి 2:7 - నొవ్వి ప్రమానుమ్

⁷ జో దేముడు కిచ్చొక అమ్‍క దస్సి దయ కెర అస్సె మెలె, యేసుక్రీస్తు కెర్లిస్ ఎత్కి తెన్ జో అమ్‍క ఎదివాటు దయ కెర్లిసి. పడ్తొ జెత ఉగల్‍తె పలితుమ్ దెర, జోవయించి దయ కెద్ది మొచ్చచి గే రుజ్జు దెకయెదె. జోచి దయ కెద్ది గే కో మీనుక నెతిర్తి.

ఎపెసి 2:7 ပူးပေါင်းရင်းမြစ်များ

రోమా 2:4

నెంజిలె, ‘ఆమ్ కిచ్చొ కెర్లె కి జోచి ఎదివాట్ దయ అమ్‍చి ఉప్పిరి అస్సె, చి ఓర్సుప జా అమ్‍క చెమించుప కెరెదె’ మెన తుమ్‍క తూమ్ ఉచరంతసు గే? తుమ్‍క ‘జోవయించ పాపల్ ఒప్పన ముల్తు’ మెనయ్ జో దేముడు జోచి దయ దెకయ్‍తయ్ మెన నేన్సు గే?

ఎపెసి 1:7

జో యేసుయి సిలువతె జోచి లొఁయి గేడవ అమ్‍చి పాపుమ్ పుంచ, అమ్ కెర్ల పాపల్ చెమించుప కెర, అమ్‍క నెతొవ గెల అస్సె;

ఎపెసి 2:4

గని, దేముడు ఎదివాట్ కన్కారుమ్ దెకితొసొచి రిసొ, జోచి ఎదివాట్ ప్రేమ అమ్‍చి ఉప్పిరి తిఁయ,

ఎపెసి 3:21

జాక, ఉగుమ్‍చి ఉప్పిరి ఉగుమ్‍క, కెఁయఁక తెఁయఁక నే పిట్తె, క్రీస్తు జలొ యేసుతె, చి జోచి ఆఁగ్ జల జోక నంపజలస మొత్తుమ్ ఇండితిస్‍తె దేముడుచి గవురుమ్ డీస్తె తవుసు! ఆమేన్.

ఎపెసి 3:5

జా గుట్టు, జలె, అగ్గెచ ఉగల్‍తె ఈంజ లోకుమ్‍చ మాన్సుల్‍క జాన్‍తి నాయ్. గని జోచి సుద్ది తిలి ఆత్ తెన్ దేముడుచి సుద్ది జల కబుర్లు సంగితసక, జోచి రిసొచ బారికుల్‍క, క్రీస్తు జా గుట్టు అప్పె జానవ అస్సె.

2 దెస్స 1:12

తుమ్ ఇండితిస్‍తె అమ్‍చొ ప్రబు జలొ యేసుచి నావ్ గవురుమ్ జయెదె, జోవయించి తెడి తూమ్ కి గవురుమ్ జస్తె. దేముడుచి ప్రబు జలొ యేసుక్రీస్తుచి దయయ్ ఈంజ ఎత్కి జర్గు జతి రిసొ ప్రార్దన కెర్తసుమ్.

తీతు 3:4

గని దేముడు అమ్‍చొ రచ్చించుప కెర్తొసొచి దయ ప్రేమ రుజ్జు జా అమ్‍క డీసిల్ తెంతొ,

1 పేతురు 1:12

దేముడు జోవయింక దెకయ్‍లన్. కిచ్చొ దెకయ్‍లన్ మెలె, జేఁవ్ జా కబుర్ సంగితి సేవ కెర్తిక జోవయించి రిసొ నాయ్, గని తుమ్‍చి రిసొయి మెన దేముడు జోక దెకయ్‍లన్. జా సుబుమ్ కబుర్ తుమ్ రచ్చించుప జతిస్‍చి రిసొ, పరలోకుమ్ తెంతొ తెద్రయ్‍లి దేముడుచి సుద్ది తిలి ఆత్మచి తెడి, తుమ్‍క సుబుమ్ కబుర్ బోదన కెర్ల మాన్సుల్‍చి అత్తి జానయ్‍తెయ్. జా సుబుమ్ కబుర్‌తె తిలిసి ఎత్కి పూర్తి అర్దుమ్ కెరనుక పరలోకుమ్‍చ దూతల్ కి ఒగ్గర్ ఆస తెన్ అస్తి.