ఎపెసి 1:9 - నొవ్వి ప్రమానుమ్

⁹ ఎత్కి అర్దుమ్ చినుత్ బుద్ది తెన్ జో దేముడు అబ్బొసి అగ్గె తెంతొ ఉచర్లిసి మదెనె గుట్టు తిలి రితి జా తిలె కి, అమ్ సూన్‍తి రితి, జో అప్పె బార్ కెర అస్సె.

ఎపెసి 1:9 ပူးပေါင်းရင်းမြစ်များ

మత్తయి 13:11

యేసు జోవయింక, “పరలోకుమ్‍చి రాజిమ్‍చి రిసొచి గుట్టుల్ జానన్‍క తుమ్‍క సెలవ్ దా అస్సె. గని జోవయింక జా సెలవ్ నాయ్.

లూకా 12:32

“అంచి ఇదిలిసి మంద జల అంక నంపజలస, తుమ్ బియఁ నాయ్. కిచ్చొక మెలె, జోచి రాజిమ్‍తె తుమ్ బెద జో తెన్ ఏలుప కెర్తి రితి అంచొ అబ్బొసి జలొ దేముడుచి ఉద్దెసుమ్.

లూకా 2:14

“పరలోకుమ్‍తె దేముడుక జొఒర! చి బూలోకుమ్‍తె జో దయ దెకిత మాన్సుల్‍తె జో దెతి సేంతుమ్ ఏలుప కెర్సు!” మెన గనుమ్ గాయిల.

బారికుల్ కమ్మొ 13:48

యూదుల్ నెంజిలస, జలె, ఈంజ కోడు సూన, సర్ద జా, దేముడు దిలి జా సుబుమ్ కబుర్‍క గవురుమ్ కెర్ల, చి ‘పరలోకుమ్‍చి రాజిమ్‍తె బెదుత్’ మెన జోవయింతె కక్క ప్రబు నిసాన తిలొ గే, జెఁవ్వి నంపజల.

బారికుల్ కమ్మొ 2:23

జలె, ‘జర్గు జతిస్, జర్గు జవుస్’ మెన దేముడు అగ్గెయి తెంతొ రెగిడ్లి రితి, జో యేసుక మూర్కుడ్లుచి అత్తి తూమ్ సొర్ప కెర దా, సిలువతె గలవ మార్లదు.

బారికుల్ కమ్మొ 4:28

‘జర్గు జవుస్’ మెన తూయి అగ్గె తెంతొ తుచి అదికారుమ్‍క సెలవ్ దా తిలిసి ఎత్కి, జోవయించి పెట్టిచి విస్సుమ్‍క జేఁవ్ జర్గు కెర్ల.

రోమా 11:25

తుమ్ సొంత గవురుమ్ నే ఉచరంతి రిసొ, జో దేముడు బార్ కెర్లి ఈంజ గుట్టు సరిగా అర్దుమ్ కెరన, బావుడ్లు. కిచ్చొ మెలె, ‘నంపజంక’ మెన జో కెత్తిజిన్ యూదుల్ నెంజిలసక నిసాన్ల గే, జేఁవ్ ఎత్కిజిన్ ప్రబుతె జెతె ఎదక, ఏక్ వెల్లి వాట ఇస్రాయేలుల్ రాడ్ జీవ్ జా అస్తి.

రోమా 8:28

అన్నె కిచ్చొ దయిరిమ్ జతసుమ్ మెలె, దేముడుక ప్రేమ కెర్లసక, మెలె జోచయ్ జంక మెన దేముడు జోచి ఇస్టుమ్‍క బుకార్లసక కిచ్చొ బాదల్ అయ్‍లె కి, జేఁవ్ బాదల్‍తె కి చెంగిల్ పలితుమ్ దెర్తి రితి జా ఎత్కి చెంగిల్‍క బెదిత్ రితి జో నెరవెర్సుప కెర్తయ్ మెన జానుమ్.

1 కొరింది 1:21

కీసి మెలె, కెద్ది గ్యానుమ్ కలుగు జలెకి, ఈంజ లోకుమ్‍చ మాన్సుల్ దేముడుక నేన్ల. ‘మాన్సుచి సొంత గ్యానుమ్ జోవయించి సొంత సెక్తిక జేఁవ్ నెతిర్లెకయ్ చెంగిలి’ మెన, జోచి పెట్టిచి గ్యానుమ్‍క దేముడు జానయ్ దస్సి జర్గు కెర్లన్. జాకయ్, అమ్ బోదన కెర్తి సుబుమ్ కబుర్ ‘గ్యానుమ్ నెంజె’ మెన జోవయించి సొంత సెక్తి మాన్సుల్ ఉచర్లె కి, జా సుబుమ్ కబుర్ తెయి మాన్సుల్‍క రచ్చించుప కెరుక జో దేముడు సర్ద జలొ. గని సుబుమ్ కబుర్ నంప కెర్తిస్‍క ‘తెలివి నాయ్’ మెన మాన్సుల్ సంగితతి.

గలతి 1:12

‘అమ్‍క దిలిసి’ మెన కేన్ మాన్సు సంగిలి బోదన సూన్లి వాట్ నాయ్, కేన్ మాన్సు అంక సికడ్లి వాట్ నాయ్, గని సుబుమ్ కబుర్ అంక కేన్ వాట్ అయ్‍లి మెలె, యేసుక్రీస్తు సొంతయ్ అంక డీస దెకయ్‍లన్.

గలతి 1:15

గని కిచ్చొ జలి మెలె, ఆఁవ్ నే జెర్మితె అగ్గె తెంతొ అంక నిసాన్లొ జోచి దయక అంక బుకార్లొ దేముడు

గలతి 1:16

అంక జోచొ దేముడు పుత్తుస్‍క డీసయ్‍లన్; యూదుల్ నెంజిలసతె ఆఁవ్ గెచ్చ జో యేసుచి రిసొ సూనయ్‍తి రిసొయి మెన, జో అంక బుకార్తికయ్, మాన్సుక పుసి నాయ్.

ఎపెసి 1:11

జోచి సొంత ఇస్టుమ్‍క ఎత్కి జర్గు కెర్తొ దేముడు ‘చెంగిల్’ మెన కిచ్చొ ఉచర్తయ్ గే, జా ఎత్కి కచితుమ్ జర్గు జయెదె. ‘జర్గు జవుస్’ మెన అమ్‍చి రిసొ జో ఉచర్లిసి కి జో క్రీస్తుచి అత్తి జర్గు జలి.

ఎపెసి 1:8

జోచి ఎదివాట్ దయ అమ్‍చి ఉప్పిరి దేముడు అబ్బొసి తిలి రిసొ అమ్‍క నెతొవ గెల అస్సె.

ఎపెసి 3:11

తుమ్ యూదుల్ నెంజిల నంపజలస కి జోచి ఆత్మగేర్‍తె బెదితిస్‍క ‘జర్గు కెరిందె’ మెన దేముడు అగ్గెయి తెంతొ ఉచర్లిసి అమ్‍చొ ప్రబు జలొ యేసుక్రీస్తుచి అత్తి జర్గు కెర్లొ.

1 తిమోతి 3:16

దేముడుచి గుట్టు కో అగ్గె నేన్లె కి, అప్పె జానయ్ జా గుట్టు కెద్ది ముక్కిమ్‍చి మెలె, “జో ఈంజ లోకుమ్‍తె మాన్సు జా జెర్మున్ అయ్‍లన్, చి జోవయింక ‘అస్సె’ మెన మాన్సుల్‍క రుజ్జు అయ్‍లి. జోవయించి ఆత్మసెక్తిక ‘నిజుమి దేముడుచొ పుత్తుసి జయెదె’ మెనయ్ రుజ్జు అయ్‍లి. పరలోకుమ్‍చ దూతల్ కి జోవయింక దెకితె తిల. ఒండి లోకుమ్‍చ దేసిమ్‍లుతె జోవయించి రిసొ సూనయ్ జతయ్. ఈంజ లోకుమ్‍తెచ మాన్సుల్ ఒగ్గర్‍జిన్ జోవయింక నంపజఁయి అస్తి. ఉక్కిల్ జా పరలోకుమ్‍తె వెగ గెచ్చ గవురుమ్ జఁయి అస్సె” మెన ఒప్పన అస్సుమ్ గెద. జా నిజుమ్.

2 తిమోతి 1:9

ఈంజొ దేముడు అమ్‍క నిసాన సయ్‍తాన్‍చి రాజిమ్ తెంతొ రచ్చించుప కెర, జోవయించి సుద్ది అమ్ ఇండిత్ రితి అమ్‍క బుకారా అస్సె. అమ్‍క కిచ్చొ పున్నిమ్ అమ్ కెర్లిస్‍చి రిసొ నాయ్, గని “క్రీస్తు రచ్చించుప కెర్తొసొ జతొ యేసుచి అత్తి జోవయించి ఉప్పిరి అంచి దయ తియిఁదె” మెనయ్, కిచ్చొ నే జెర్మయ్‍లి అగ్గె తెంతొ సొంత ఇస్టుమ్ జా అమ్‍క జా వరుమ్ దిలన్.