1 తిమోతి 2:4 - నొవ్వి ప్రమానుమ్

⁴ కిచ్చొక మెలె, ‘సత్తిమ్ జాన్‍తు! రచ్చించుప జతు’ మెనయ్ మాన్సుల్ ఎత్కిజిన్‍చి రిసొ జోవయించి ఉద్దెసుమ్.

1 తిమోతి 2:4 ပူးပေါင်းရင်းမြစ်များ

మత్తయి 28:19

జాచి రిసొ తుమ్ దేసిమ్‍లు ఎత్కితె గెచ్చ కెర, మాన్సుల్ ఎత్కితెచ ప్రెజల్‍తె అంక నంపజా సిస్సుల్ జతి రితి కెర, అబ్బొసి జలొ దేముడుచి, దేముడు పుత్తుస్‍చి, దేముడుచి సుద్ది తిలి ఆత్మచి నావ్ తెన్, జోవయింక బాప్తిసుమ్ దాస.

మార్కు 16:15

తెదొడి యేసు సిస్సుల్‍క, “తుమ్ దేసిమ్‍లు ఎత్కితె గెచ్చ, లోకుమ్‍చ ఎత్కిక అంచి రిసొ సుబుమ్ కబుర్ బోదన కెర.

లూకా 1:77

జోచ ప్రెజల్‍క జో ప్రబు రచ్చన దెతిస్‍చి కోడు జాన కెర, కేన్ రచ్చన మెలె, జోచ పాపల్ చెమించుప కెర్తిసి.

లూకా 14:23

జో గొత్తి సుదొక ఎజొమాని అన్నె, జలె, పట్నుమ్ ఒత్తల్‍తొచి బయిలె తుయి గెచ్చ ఒత్తచ వట్టెలె కో తిలె, ఏడెల్‍చి తెడి కో బిచ్చిమ్ నఙితస జవుస్ వెస తిలె, జేఁవ్ ఎత్కిజిన్‍క బలవంతుమ్ కెర కడ ఆను. అంచొ గేరు బెరుకయ్ మెలన్.

లూకా 24:47

మాన్సుల్ జేఁవ్ కెర్ల పాపల్ చినన జేఁవ్ పాపల్‍క దుకుమ్ జా ఒప్పన ములిలె, క్రీస్తు దొర్కు జలి అర్పితుమ్ జలిస్‍చి రిసొ అప్పె జేఁవ్ కెర్ల పాపల్ చెమించుప జతి వాటు దొర్కు జా అస్సె మెన ఆఁవ్ క్రీస్తుచి నావ్ తెన్ తొలితొ యెరూసలేమ్‍తె పడ్తొ ఒండి లోకుమ్‍చ ప్రెజల్ ఎత్కిచ మాన్సుల్‍తె తుమ్ బోదన కెరుక అస్సె.

యోహాను 14:6

చి యేసు జోవయింక, “ఒత్త గెతి వాట్ ఆఁవ్వి. ఒత్త గెతి రిసొ దొర్కు జలి సత్తిమ్ ఆఁవ్వి. ఒత్త గెతి రిసొ దొర్కు జలి జీవు ఆఁవ్వి. అంక నంపజలెకయ్ మాన్సు దేముడు అబ్బొతె జెంక జయెదె. నెంజిలె కో జెంక నెతిర్తి. కేన్ వేర వాట్ నాయ్.

యోహాను 17:17

ఈంజేఁవ్ పూర్తి తుచయ్ జా తుచి సేవ నిదానుమ్ కెర్తె తతి రితి, తుచి సత్తిమ్‍తె ఇన్నెక సుద్ది కెరు. తుచి కోడు సత్తిమ్.

యోహాను 6:37

“‘నంపజా రచ్చించుప జతు’ మెన కక్క దేముడు అబ్బొ అంచితె తెద్రయెదె గే, జెవుల, చి కో అంక నంపజా జెవుల గే, జోవయింక కెఁయఁక కి ‘తుమ్‍క నెసి’ మెన ఉదడి నాయ్.

రోమా 11:14

తూమ్ రచ్చించుప జతిసి అమ్‍చ యూదుల్ దెకిలె, ఇదిల్ జవుస్ గోస జా, జోవయింతె సగుమ్‍జిన్ ప్రబుచి రిసొచి సుబుమ్ కబుర్‍క ఇస్టుమ్ జవుల, చి జో దొర్కు కెర్తి రచ్చన నఙనుల. దస్సి జలె, జేఁవ్ కి రచ్చించుప జతి కామ్‍తె ఆఁవ్ ఇదిల్ బెద తయిందె.

1 తిమోతి 4:10

కిచ్చొక మెలె, అమ్ ఆత్మక ప్రబుక పూర్తి నిదానుమ్ జా ఆత్మక డిట్టుమ్ జతి రిసొ కిచ్చొక బద్దుకుమ్ నే జతె స్రెమల్ కెరన్లి రితి ఒత్త అస్సుమ్ మెలె, జీవ్ తిలొ ఎక్కిలొ దేముడుచి ఉప్పిరి అమ్‍చి దయిరిమ్ తిఁయ అస్సుమ్. జొయ్యి ఎత్కిజిన్‍క రచ్చించుప కెర్తొసొ, అన్నె ముక్కిమ్‍క జోవయింక నంపజలసకయ్.

2 తిమోతి 2:25

పడ్తొ, చి బోదనక వేరయ్ సంగిత మాన్సుల్‍చి ఉప్పిరి గగ్గొల్ నే జతె జో మాన్సు మరియాద తెన్ సరిగా అర్దుమ్ సంగుక సికుక. దస్సి మరియాద తెన్, ‘జో మాన్సు తప్పు ఒప్పన విసారుమ్ జా సత్తిమ్ దెరన్సు’ మెన ఏక్ వేల దేముడు సెలవ్ దెయెదె,

2 తిమోతి 3:7

కేన్ వెర్రి కోడు సికడ్లెకి సూన, సత్తిమ్ చినుక ఎద్గరె నెతిర్తి.

తీతు 1:1

దేముడు నిసాన్లసచి నముకుమ్‍చి రిసొ,

తీతు 2:11

దస్సి, ‘బూలోకుమ్‍చ కేన్ రగుమ్‍చ మాన్సుల్‍క కి రచ్చించుప జతి వాటు దొర్కు కెరిందె’ మెన దేముడు కెర్లి దయ అస్సె, డీస అస్సె.

ఏబ్రీ 10:26

జలె, సత్తిమ్ చిన నంప కెర్లమ్ మెలె, జాచి పడ్తొ జాన జానయ్ పాపుమ్ ఇండితె తిలె, పాపల్ గెచ్చయ్‍తి రిసొ జో అర్పితుమ్ జలిసి అమ్‍క అన్నె బలివొ నాయ్.

యాకోబు 3:14

గని తుమ్‍చి పెట్టి గోసచి విస్సుమ్ తిలె, సొంత గవురుమ్ ఆనన్‍తి ఆస తిలె, ‘ఆమ్ సత్తిమ్‍చ’ మెన తుమ్ ఉచరన నాయ్, అబద్దుమ్ జస్తె.

2 పేతురు 3:9

ప్రబు సంగిలి ప్రమానుమ్ జో నెరవెర్సుప కెరుక ఆల్సిమ్ కెర్తయ్ మెన సగుమ్‍జిన్ ఉచర్లె కి, జో ఆరి ఆల్సిమ్ కెరె నాయ్. కిచ్చొక మెలె, “జోవయింతెన్ కోయి నాసెనుమ్‍తె గెతు నాయ్, గని జేఁవ్ ఎత్కిజిన్ జోవయించి పాపుమ్ చినన ముల్తు” మెన, తుమ్‍చి రిసొయి జో ఆల్సిమ్ కెర్తయ్.

2 యోహాను 1:1

దేముడు నిసాన్లి అమ్మక చి ఆఁవ్ చి సత్తిమ్ జాన్‍తస ఎత్కిజిన్ నిజుమి ప్రేమ కెర్త తుచ బోదల్‍క ఆఁవ్ వెల్లొ జలొసొ రెగిడ్లి ఉత్రుమ్.

ప్రకటన 14:6

తెదొడి, అన్నెక్ దూతక దెకిలయ్. పొద్దు ఆగాసుమ్‍చి మదెనె జో ఉడ్డితె తిలొ. కిచ్చొక మెలె, బూలోకుమ్‍తె జితస్‍క, ఎత్కి రాజిమ్‍చక, ఎత్కి సెకుమ్‍చక, ఎత్కి బాసచక, కెఁయఁక తెఁయఁక తతి పాడ్ నే జతి సుబుమ్ కబుర్ ఎత్కి ప్రెజల్‍క సూనవుక మెన, జా సుబుమ్ కబుర్ దెరన గెతె తిలొ.