1 దెస్స 3:2 - నొవ్వి ప్రమానుమ్

² జోవయింక తుమ్‍తె తెద్రయ్‍లమ్. జో బావొ కి క్రీస్తుచి రిసొచి సుబుమ్ కబుర్ సూనయ్‍తి రిసొ దేముడుచొ సేవ కెర్తొసొ జా అస్సె, చి ప్రబుచి ఉప్పిర్‍చి తుమ్‍చి నముకుమ్ అన్నె డిట్టుమ్ కెర్సు, చి కిచ్చొయ్ అల్లర్ తుమ్‍తె కచి నిదానుమ్ పిట్టయ్‍తు నాయ్ మెన తుమ్‍క బుద్ది దయిరిమ్ సంగుస్ మెనయ్ తెద్రయ్‍లమ్.

1 దెస్స 3:2 ပူးပေါင်းရင်းမြစ်များ

బారికుల్ కమ్మొ 16:1

ఒత్త తెంతొ, గలతీయ ప్రదేసిమ్‍చ లుస్త్ర చి దెర్బే మెల పట్నుమ్‍లుతె పవులు చి సీలయు గెల. తిమోతి మెలొ సిస్సుడు తిలన్. జో యూదుడుయి జలి అయ్యస్ తెన్, జోచి పట్నుమ్‍తె పవులు అగ్గె జా తిలిసి తెంతొ ప్రబుక నంపజా అస్తి. తిమోతిచొ అబ్బొసి, మాత్రుమ్, యూదుడు నెంజె, గ్రీకు దేసిమ్‍చొ, జో.

బారికుల్ కమ్మొ 16:5

జా ఒండి ప్రాంతుమ్‍తెచ సంగుమ్‍లుచ సుదల్ జలె, ప్రబుచి ఉప్పిర్‍చి నముకుమ్‍క అన్నె డిట్టుమ్ జల, చి రోజుక అన్నె మాన్సుల్ ప్రబుక నంపజా మార్సుప జా జోవయింతెన్ బెదిల.

బారికుల్ కమ్మొ 18:5

సీలయు చి తిమోతి మాసిదోనియ తెంతొ ఉట్ట అయ్‍లి పొది, పవులు కిచ్చొ కెర్తె తిలొ మెలె, “దేముడు ‘తెద్రయిందె’ మెన సంగిలొ రచ్చించుప కెర్తొసొ జతొ క్రీస్తు, యేసుయి.” మెన సాచి జా రుజ్జుల్ బెదవ దస్సి యూదుల్‍క బోదన కెర్తె తిలొ.

రోమా 16:21

అంచి తెన్ ప్రబుచి కామ్ కెర్తొ తిమోతి తుమ్‍క జోచి ప్రేమ సంగ తెద్రయ్‍తయ్. దస్సి కి లూకియ, యాసోను చి సోసిపత్తు, అంచ బందుగులు.

1 కొరింది 3:10

దేముడుచి దయక జో అంక దిలి ఇదిలి సెక్తిక, గేర్ బందుక చెంగిల్ జాన్లొ బందితొసొచొ రితొ జా, ఆఁవ్ పునాది తెయార్ కెర్లయ్, చి జేఁవ్‍చి ఉప్పిరి అన్నెక్లొ గేర్ బందితయ్. జా పునాదిచి ఉప్పిరి తుమ్ ఎత్కిజిన్ తుమ్‍చి వాట కీసి బందితె గే జాగర్త తా.

1 కొరింది 4:17

జాకయ్ ప్రేమ తిలొ నిదానుమ్ తిలొ ప్రబుచి తెడి అంక పూత్తు జలొ తిమోతిక తుమ్‍తె ఆఁవ్ తెద్రవ అస్సి. కిచ్చొక మెలె, ఆఁవ్ క్రీస్తుచి తెడి కీసి ఇండితసి గే, సంగుమ్‍లు ఎత్కితె కిచ్చొ బోదన కెర్తసి గే, తుమ్‍క జో ఉచార కెరయ్‍తి రిసొ, తుమ్‍క ‘ఉచార కెర బుద్ది తత్తు’ మెనయ్.

2 కొరింది 1:1

దేముడుచి సెలవ్‍చి రిసొ, క్రీస్తు జలొ యేసుచి రిసొ సుబుమ్ కబుర్ సూనయ్‍తొ జోచొ బారికి జా అస్సి పవులు రెగిడ్తసి. కొరింద్ పట్నుమ్‍తెచి దేముడుచ సంగుమ్‍చక, చి ఒండి అకయ ప్రదేసిమ్‍తెచ జోచయ్ జల అన్నె మాన్సుల్‍క ఆఁవ్ పవులు తిమోతి తెన్ రెగిడ్లి ఉత్రుమ్.

2 కొరింది 1:19

దేముడుచొ పుత్తుసి జలొ యేసుక్రీస్తు; సిల్వాను తిమోతి చి ఆఁవ్ తుమ్‍తె బోదన కెర్తొ క్రీస్తు; దసొచొ నెంజె. సంగిల్ రితి జో కెరెదె. ఆమ్ కి దస్సి.

2 కొరింది 2:12

జలె, క్రీస్తుచి సుబుమ్ కబుర్ కామ్‍చి రిసొ ఆఁవ్ త్రోయ పట్నుమ్‍తె గెచ్చ పాఁవిలయ్. సుబుమ్ కబుర్ ఆఁవ్ సూనయ్‍తి రిసొ ప్రబు అగ్గెచి అవ్‍కాసుమ్ దిలన్.

2 కొరింది 2:13

గని, బావొ జలొ తీతు తుమ్‍చితె తెంతొ ఒత్త బుల జెంక నేతయ్‍చి రిసొ బాద సేడ జా పట్నుమ్‍చతె సెలవ్ నఙన, అన్నె బార్ జా సముద్రుమ్ జీన, మాసిదోనియ ప్రదేసిమి ఉట్ట గెలయ్.

2 కొరింది 8:23

తీతు, జలె, తుమ్‍చి రిసొచి అంచి సేవతె జో అంచి తెన్ ఎక్కి రితి బెద అస్సె. జేఁవ్ అన్నె దొగుల బావుడ్లు, జలె, సంగుమ్‍లుచి నావ్ తెన్ జోవయించ బారికుల్ జల రిత జా గెతతి, క్రీస్తుచి గవురుమ్ దెకయ్‍తతి.

పిలిప్పి 1:25

ఈంజ కోడు నిజుమ్ మెనయ్, తుమ్ ఆత్మక అన్నె వడ్డితి రితి క్రీస్తుచి తెడి నముకుమ్ తెన్ తుమ్ సర్దసంతోసుమ్ తతి రితి, ఇసి తా తుమ్‍చి తెన్ తయిందె మెన ఆఁవ్ కచితుమ్ జాని.

కొలస్సి 1:1

కొలొస్సి పట్నుమ్‍తెచ క్రీస్తుక నంపజా జోచి సుద్ది జా జోచయ్ జల జోచి తెడి తా నిదానుమ్ జల బావుడ్లుక,

కొలస్సి 1:7

ప్రేమ జలొ అమ్‍చి తెన్ ప్రబుచొ సేవ కెర్తొసొ జలొ ఎపప్రా, జలె, ప్రబుచి ఈంజ సుబుమ్ కబుర్ సరిగా, కిచ్చొ వేరచి నే బెదయ్‍తె సికడ్తికయ్, పూర్తి అర్దుమ్ కెరన్లదు. అమ్ ఒత్త గెచ్చుక నెతిర్లి రిసొ జొయ్యి అమ్‍చి నావ్ తెన్ మెలి రితి, క్రీస్తుక నిదానుమ్ తిలొ సేవ కెర్తొసొ జా ఒత్త తుమ్‍క సుబుమ్ కబుర్ సూనవ సికడ అస్సె.

కొలస్సి 4:12

పడ్తొ, క్రీస్తు జలొ యేసుక సేవ కెర్తొసొ జలొ తుమ్‍చొ సొంత మాన్సు ఎపప్రా కి తుమ్‍క జోచి ప్రేమ సంగ తెద్రయ్‍తయ్. తుమ్‍క ‘ఆత్మక పూర్తి వడ్డ డిట్టుమ్ టీఁవ, పూర్తి దయిరిమ్ తెన్ ప్రబుచి ఇస్టుమ్ రితి ఇండితె తత్తు’ మెన, తుమ్‍చి రిసొ కెద్దొడ్ తెదొడి జో ప్రార్దన కెర్తె తత్తయ్.

కొలస్సి 4:9

పడ్తొ, నిదానుమ్ తిలొ ప్రేమ తిలొ బావొ జలొ తుమ్‍చొ సొంత మాన్సు ఒనేసిముక కి తెద్రయ్‍తసి. ఇన్నె జర్గు జలిసి ఎత్కి తుమ్‍క జేఁవ్ దొగుల సంగుల.

1 దెస్స 3:13

అన్నె, తుమ్‍చి పెట్టి పూర్తి నిదానుమ్ దెవుసు, చి ప్రబు జలొ అమ్‍చొ యేసు పరలోకుమ్ తెంతొ జోవయించయ్ జలస ఎత్కిజిన్ తెన్ ఈంజ లోకుమ్‍తె అన్నె ఉత్ర జెతికయ్ దీసిక, తుమ్‍క ‘పొరపాట్ నెంతె పూర్తి సుద్ది జా, అంచయ్ జా అస్తి’ మెన, అమ్‍క అబ్బొ జలొ అమ్‍చొ దేముడు ఒప్పనుక జయెదె.

1 దెస్స 3:5

జలె, తుమ్‍క అమ్ దూరి తిలె, తుమ్‍క ‘కీసి జా అస్తి గె’ నేన్లిస్‍కచి దుకుమ్ ఓర్సుప జంక నెత్తిర్లయ్‍చి రిసొ ‘ఏక్ వేల సయ్‍తాన్ కీసిగె జోవయింక అల్లర్ కెర, జోవయించి నిదానుమ్ పిట్టవ తయెదె. పిట్టవ తిలె, ఆరి ఒత్త స్రెమ సేడ తమ్‍దె’ మెన, ‘నంప తెన్ అస్తి గే నాయ్ గే సూనిందె’ మెనయ్, తిమోతిక తుమ్‍తె తెద్రయ్‍లయ్.

2 దెస్స 2:17

జలె, ‘తుమ్‍చి పెట్టి తుమ్‍క జోవయించి ఆత్మకచి దయిరిమ్ కెర్తె తా తుమ్ కెఁయఁక తెఁయఁక సత్తిమ్ ఇండితి రితి సత్తిమ్ లట్టబ్తి రితి తుమ్‍క డిట్టుమ్ నిదానుమ్ కెర్తె తత్తు’ మెన అమ్ ప్రార్దన కెర్తసుమ్.