1 పేతురు 2:4 - నొవ్వి ప్రమానుమ్

⁴ మాన్సుల్ నెసిలొ గని దేముడుచి మొక్మె గవురుమ్ తిలొ విలువ జలొ జీవ్ తిలొ, జీవ్ దెతొ పత్రె తుమ్ జా.

1 పేతురు 2:4 ပူးပေါင်းရင်းမြစ်များ

మత్తయి 11:28

“స్రెమల్ బాదల్‍చ జాడ్లు వయ టక్క తిలస ఎత్కిజిన్ అంచితె జా, చి తుమ్‍చి జాడు ఆఁవ్ వయిలి రితి జా, తుమ్‍క పుండయిందె.

మత్తయి 12:18

“ఈంజొ, ఆఁవ్ నిసాన్ల అంచొ సేవ కెర్తొసొ, ఈంజొ ఆఁవ్ ప్రేమ కెర్లొసొ, చి రిసొ అంక పూర్తి సర్దసంతోసుమ్. ఇనాచి పెట్టి అంచి ఆత్మ తియిఁదె, చి ‘యూదుల్ నెంజిల మాన్సుల్ కి రచ్చించుప జంక జయెదె’ మెన సూనఎదె.

మత్తయి 21:42

జలె, యేసు జోవయింక, “దేముడుచి కొడొతె రెగిడ్లిసి కెఁయ సదు కెర్సు నాయ్ గే? ‘గేర్ బందిత సుదల్ కామ్‍క నే జయె మెన పక్కయ్ పెలవ దిలి పత్తుర్ మెన ఉచర్లె కి, జొయ్యి పత్తురు బోడిపత్తురు జయెదె. ప్రబుయి సొంతయ్ ఇసి జర్గు కెర్లొ. జో ఇసి కెర్లి రిసొ, అమ్ దెకిలె ఆచారిమ్ జతయి!’ మెన రెగిడ్లి కోడు.

యోహాను 14:19

గడియయ్ తిలె, మాములుమ్ ఈంజ లోకుమ్‍చ మాన్సుల్ అంక అన్నె దెకితి నాయ్, గని తూమ్ అంక అన్నె దెకితె. మెలె, ఆఁవ్ జితసిచి రిసొ తూమ్ కి జిస్తె.

యోహాను 14:6

చి యేసు జోవయింక, “ఒత్త గెతి వాట్ ఆఁవ్వి. ఒత్త గెతి రిసొ దొర్కు జలి సత్తిమ్ ఆఁవ్వి. ఒత్త గెతి రిసొ దొర్కు జలి జీవు ఆఁవ్వి. అంక నంపజలెకయ్ మాన్సు దేముడు అబ్బొతె జెంక జయెదె. నెంజిలె కో జెంక నెతిర్తి. కేన్ వేర వాట్ నాయ్.

యోహాను 5:26

జీవ్ కెర్తి సెక్తి జో అబ్బొసి జలొ దేముడుచి అత్తి అస్సె, జలె, దొర్కు జలి జయ్యి సెక్తి ఆఁవ్ జోచొ అబ్బొ జలొ దేముడు పుత్తుస్‍క దా అస్సె.

యోహాను 5:40

జేఁవ్ కొడొ అంచి రిసొ సాచి సంగిలే కి, అంచితె దొర్కు జతి పరలోకుమ్‍చి జీవ్ సంగితి రిసొ తుమ్ అంచితె జెంక ఎద్గరె నెసుసు. అంక నంపజలె, తుమ్‍క దొర్కు జతి.

యోహాను 6:37

“‘నంపజా రచ్చించుప జతు’ మెన కక్క దేముడు అబ్బొ అంచితె తెద్రయెదె గే, జెవుల, చి కో అంక నంపజా జెవుల గే, జోవయింక కెఁయఁక కి ‘తుమ్‍క నెసి’ మెన ఉదడి నాయ్.

యోహాను 6:57

“జీవ్ తిలొ దేముడు అబ్బొ అంక ఈంజ లోకుమ్‍తె తెద్రయ్‍లొ. జోచి జీవ్ అంచి పెట్టి అస్సె, చి జోచి జీవ్‍కయ్ ఆఁవ్ జితసి. దస్సి అంకయ్ కో కయ్‍లి రితి జా అంక జోచి పెట్టి తియనుల గే, అంచి జీవ్‍చి రిసొ జేఁవ్ కి జివుల.

రోమా 5:10

మెలె, దేముడుక అమ్ విరోదుమ్ సుదల్ జా తిలి పొది, అమ్‍చి పాపుమ్ గెచ్చయ్‍తి రిసొ జోచొ పుత్తుసి మొర్లిసి, అమ్‍క జోతె అన్నె బెదవ దిలన్. కెఁయ మెలె, జోక అమ్ విరోదుమ్ జా తిలి పొది. జలె, అన్నె, అమ్ అప్పె జో తెన్ అన్నె బెదయ్ అస్సుమ్ జలె, జో అన్నె జీవ్ జా, జీవ్ తతిస్‍చి రిసొ నాసెనుమ్‍తె నే గెతె, పరలోకుమ్‍తె జోతె గెతి రచ్చన కచితుమ్ జమ్‍దె.

1 కొరింది 3:11

ఎక్కి పునాదిచి ఉప్పిరి జా గేర్ బందిలెకయ్ జా గేర్ తయెదె; మెలె, యేసుక్రీస్తు జలి పునాదిచి ఉప్పిరి బందిలెకయ్. వేర పునాది తెయార్ కెరుక కో నెతిర్తి.

కొలస్సి 3:4

అమ్‍చి జీవు తిలొ క్రీస్తు కెఁయఁక అన్నె ఉత్ర జా డీసెదె గే, తుమ్ కి తెదొడ్‍క జో తెన్ పరలోకుమ్‍చి గవురుమ్ తెన్ జతిస్‍తె డీస్తె.

1 పేతురు 1:19

గని కిచ్చొ గార్ నెంజిలి కిచ్చొ మచ్చల్ సర్దల్ నెంజిలి గొర్రెక బలి దిలి రితి జోచొ పుత్తుస్ జలొ క్రీస్తుచి లొఁయి సుఁవ దిలన్.

1 పేతురు 1:7

జేఁవ్ అర్ల సేడ్తిస్‍తె కిచ్చొ లాబుమ్ మెలె, తుమ్‍చి నముకుమ్‍క సత్తిమ్‍చి గే నెంజె గె తుమ్ జేఁవ్ అర్ల సేడ్తిస్‍తె డీసెదె. బఙర్‍క ‘సత్తిమ్‍చి గే నెంజె గే’ మెన రుజ్జు తంక మెలె, జేఁవ్‍క ఆగితె పరిచ్చ కెరుల. బఙార్ జలె, విలువ జలెకి పాడ్ జతి వస్తువ. జలె, తుమ్‍చి నముకుమ్ బఙర్‍చి కంట ఒగ్గర్ విలువ, చి జా పరిచ్చ జలె, జీన్లె, యేసుక్రీస్తుచి పరలోకుమ్‍చి ఉజిడి గవురుమ్ పూర్తి డీస్తి ఆకర్ దీస్‍క జా తుమ్‍చి నముకుమ్‍క ‘సత్తిమ్‍చి’ మెన, జోచి పరలోకుమ్‍చి ఉజిడ్‍తె గవురుమ్‍తె తుమ్‍క జో వాట దెయెదె.

1 పేతురు 2:7

జాకయ్, తుమ్ నంపజలసక జో విలువ జతయ్. గని నంపనెంజిలసక జో కీసి జతయ్ మెలె, దేముడుచి అన్నెక్ కోడుతె అస్సె. కేన్ కోడు మెలె, “ ‘కామ్‍క నెంజె’ మెన బందిలస జో ఏక్ పత్తురు పిట్టవుక మెన ఉచర్లె కి, జొయ్యి పత్తురు బోడిపత్తుర్ జఁయి అస్సె” మెన రెగిడ్లిసి.

2 పేతురు 1:1

అమ్‍చొ దేముడు అమ్‍క రచ్చించుప కెర్తొసొ జలొ యేసుక్రీస్తుచి పున్నిమ్‍చి రిసొ, జోచి దయక అమ్ నంపజలస తెన్ ఎక్కి విలువచి నముకుమ్ తిల నంపజలసక, యేసుక్రీస్తుక సేవ కెర్తొసొ జా జోచి బారికి జలొ సీమోను పేత్రు రెగిడ్లి ఉత్రుమ్.

2 పేతురు 1:4

దస్సి, ఎత్కిచి కంట విలువ తిల జోచ ప్రమానల్ అమ్‍క దా అస్సె. కిచ్చొక మెలె, జేఁవ్ ప్రమానల్‍చి సెక్తిక ఈంజ ఆఁగ్‍చ గార్ ఆసల్‍చి రిసొచి ఈంజ లోకుమ్‍చి పాపుమ్ తెంతొ తుమ్ పిటవన్‍క, చి అన్నె, జోచి ఆత్మ తుమ్‍చి పెట్టి జా, దేముడుచి రితి తుమ్ మార్సుప జా జోచి తెన్ పాఁవుక మెన తుమ్‍క దా అస్సె.