Zacarías 9:3 - Li Santil hu

³ Li cuanqueb saꞌ li tenamit Tiro queꞌxyi̱b xnaꞌajeb re xcolbaleb rib. Ut queꞌxtu̱b lix biomaleb. Li plata li queꞌxtu̱b chanchan chic li poks. Ut li oro queꞌxtu̱b, chanchan chic li sulul saꞌ eb li be.

Q'eqchi Bible

³ “Tiro xwaklesi jun xkawub'resinb'il ochoch, ut xtuub' naab'al li plaat jo' li pojtz'; xtuub' ajwi' naab'al li oor jo' xsululil li b'e.

Zacarías 9:3 ပူးပေါင်းရင်းမြစ်များ

Ezequiel 27:33

Nequeꞌsahoꞌ xchꞌo̱l nabaleb li xni̱nkal ru tenamit chixcꞌulbal le̱ cꞌay nak nequetakla yalak bar. Xban le̱ biomal, nequeꞌbiomoꞌ ajcuiꞌ eb li rey li cuanqueb saꞌ ruchichꞌochꞌ.

Li xHu LAJ JOB 27:16

Usta li incꞌaꞌ useb xnaꞌleb cuan chi nabal xtumineb joꞌ li poks, ut usta cuan nabal li rakꞌeb,

2 Samuel 24:7

Mokon chic, queꞌco̱eb saꞌ li tenamit Tiro, li kꞌaxal cau rib chi pletic. Ut queꞌco̱eb saꞌ chixjunileb lix tenamiteb laj heveo ut eb laj cananeo. Ut queꞌco̱eb saꞌ li tenamit Beerseba, li cuan saꞌ xcue̱nt Judá ut queꞌcuulac toj Neguev.

Josué 19:29

Li nuba̱l naxqꞌue chak vue̱lt toj saꞌ li naꞌajej Ramá ut nacuulac cuan cuiꞌ li tenamit Tiro, li sutsu saꞌ tzꞌac. Ut naxic cuan cuiꞌ li naꞌajej Hosa ut nocox-e̱lk saꞌ lix naꞌaj laj Aczib, cuan cuiꞌ li palau Mediterráneo.

Isaías 23:8

¿Ani xcꞌu̱ban chak re xba̱nunquil li raylal aꞌin re li tenamit Tiro, li tenamit li kꞌaxal nim xcuanquil? ¿Ma ma̱cuaꞌ ta biꞌ aꞌan li tenamit li cuanqueb cuiꞌ laj yaconel li ni̱nkeb xcuanquil ut nequeꞌqꞌueheꞌ xlokꞌal? Eb li cui̱nk aꞌan naꞌno̱queb ru yalak bar.

Li xHu LAJ JOB 22:24

Canab xcꞌoxlanquil li oro li kꞌaxal chꞌinaꞌus. Chanchanak chic li chꞌochꞌ ut li pec li cuan saꞌ li nimaꞌ.

1 Reyes 10:27

Nak cuan chokꞌ rey laj Salomón aran Jerusalén, quixchꞌutub nabal li plata. Chanchan xqꞌuial li pec. Joꞌcan ajcuiꞌ li cheꞌ chacalteꞌ. Nabal cuan. Chanchan xqꞌuial li cheꞌ higo li cuan aran Sefela.

1 Reyes 10:21

Chixjunil lix secꞌ li rey Salomón, aꞌan junes cha̱bil oro, joꞌ eb ajcuiꞌ chixjunil li secꞌ li cuan saꞌ li palacio “Qꞌuicheꞌ re Líbano” xcꞌabaꞌ. Ma̱cꞌaꞌ li secꞌ plata riqꞌuin xban nak li plata saꞌ eb li cutan aꞌan ma̱cꞌaꞌ xtzꞌak.

Isaías 23:11

Li Ka̱cuaꞌ quixyeꞌ li rukꞌ saꞌ xbe̱n li palau ut eb li cuanqueb xcuanquil nequeꞌsicsot xban xxiuheb. Quixye nak ta̱sachekꞌ xcuanquileb li tenamit li nequeꞌxcol cuiꞌ ribeb laj Canaán.

Ezequiel 26:12

Teꞌxmakꞌ che̱ru le̱ biomal ut teꞌrelkꞌa li cꞌaꞌru e̱re. Teꞌxjuqꞌui li tzꞌac ut telajeꞌxtꞌan le̱ cha̱bil ochoch. Telajeꞌxcuti saꞌ li palau li pec, li cheꞌ ut chixjunil li mul.

Ezequiel 27:34

Saꞌ xkꞌehil nak ta̱sachekꞌ e̱ru saꞌ li palau ta̱osokꞌ chixjunil le̱ cꞌay saꞌ li haꞌ. Ut ta̱sachekꞌ ruheb chixjunileb li nequeꞌcꞌanjelac che̱ru.

Li xHu LAJ JOB 3:15

Malaj ut cuochbeneb raj li queꞌcuan saꞌ xcuanquil li queꞌxchꞌutub li oro ut li plata saꞌ li rochocheb.

Ezequiel 27:27

Saꞌ li cutan nak tex-osokꞌ talajeꞌosokꞌ chixjunil li cꞌaꞌru cuan e̱re. Ta̱sachekꞌ saꞌ li haꞌ le̱ biomal ut le̱ cꞌay. Teꞌsachekꞌ ruheb chixjunileb le̱ jucub ut eb laj chꞌeꞌol reheb joꞌ eb ajcuiꞌ li nequeꞌjaloc xbe li jucub ut eb li nequeꞌyi̱ban re. Ut teꞌosokꞌ ajcuiꞌ eb li soldado joꞌ eb ajcuiꞌ laj yaconel.

Ezequiel 28:1

Li Ka̱cuaꞌ quia̱tinac cuiqꞌuin ut quixye cue:

Amós 1:9

Ut quixye ajcuiꞌ li Ka̱cuaꞌ: —Nabal sut ac xincuy xma̱queb laj Tiro. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal yo̱queb chixba̱nunquil. Queꞌnumta saꞌ xbe̱neb li tenamit ut queꞌxkꞌaxtesiheb saꞌ rukꞌeb laj Edom. Ut incꞌaꞌ chic quijulticoꞌ reheb li contrato queꞌxba̱nu re xcꞌambaleb rib saꞌ usilal.