Zacarías 5:9 - Li Santil hu

⁹ Ut quicuil ajcuiꞌ cuibeb li ixk cuanqueb xxicꞌ. Yo̱queb chi rupupic. Chanchaneb li nimla xul li narupupic cigueña xcꞌabaꞌ. Quicuil nak yo̱queb chixtaksinquil li chacach saꞌ ikꞌ.

Q'eqchi Bible

⁹ Kintaqsi wi' chik li wilob'aal, ut sa' moy u kiwil wiib'eb' li ixq wankeb' xxik' ut yookeb' chi rupupik chiru choxa. Li xxik'eb' a'an jo' xxik'eb' li nimla jotz. Ut yookeb' chi xk'amb'al li chakach sa' iq'.

Zacarías 5:9 ပူးပေါင်းရင်းမြစ်များ

Oseas 8:1

Ya̱basi li trompeta xban nak yo̱queb chi cha̱lc chi pletic li xicꞌ nequeꞌiloc reheb lin tenamit. Chanchaneb li cꞌuch nak yo̱queb chi cha̱lc. Xban nak lin tenamit xeꞌxtzꞌekta̱na li contrato quinba̱nu riqꞌuineb, joꞌcan nak teꞌxcꞌul li raylal. Xeꞌxtzꞌekta̱na li chakꞌrab xinqꞌue reheb.

Deuteronomio 28:49

Li Ka̱cuaꞌ tixcꞌameb chak chi najt eb li jalan xtenamit. La̱ex incꞌaꞌ te̱tau ru li ra̱tinoba̱leb. Chanchanakeb li xul tꞌiu nak teꞌcha̱lk chi junpa̱t chixsachbal e̱ru.

Levítico 11:19

li cigueña, li sakiquil, li xul abubilla, joꞌ ajcuiꞌ li sotzꞌ.

San Mateo 24:28

Ya̱l li nequeꞌxye nak bar cua̱nk junak camenak, aran teꞌxtu̱b rib li soꞌsol.

Levítico 11:13

Chixjunileb li xul aꞌin li nequeꞌrupupic, tzꞌekta̱nanbilak e̱ban ut incꞌaꞌ naru te̱tiu lix tibeleb; li tꞌiu, li soꞌsol li kꞌek rix, ut li soꞌsol li cak rix;

Salmos 104:17

Saꞌ eb li rukꞌ li cheꞌ aꞌan nequeꞌxyi̱b xsoqueb li xul li nequeꞌrupupic ut aran nequeꞌxyi̱b xsoc li ni̱nki xicꞌanel xul cigueña.

Jeremías 8:7

Eb li jotz nequeꞌxnau jokꞌe teꞌsukꞌi̱k saꞌ xnaꞌajeb, joꞌ eb ajcuiꞌ li cuilix ut li mucuy ut li cꞌo̱cꞌob. Abanan eb lin tenamit incꞌaꞌ nequeꞌraj xqꞌuebal retal lin chakꞌrab.

Zacarías 5:10

Ut quinpatzꞌ cuiꞌchic re li ángel li yo̱ chi a̱tinac cuiqꞌuin: —¿Bar yo̱queb chixcꞌambal li chacach aꞌan? chanquin re.